ਬੈਂਕ ਕਰਮਚਾਰੀਆਂ ਲਈ ਖੁਸ਼ਖਬਰੀ – ਤਨਖਾਹ ਚ 15% ਦਾ ਵਾਧਾ
ਨਵੀਂ ਦਿੱਲੀ, 23 ਜੁਲਾਈ, (ਨਿਊਜ਼ ਪੰਜਾਬ ) : ਇੰਡੀਅਨ ਬੈਂਕ ਐਸੋਸੀਏਸ਼ਨ (ਆਈਬੀਏ) ਅਤੇ ਯੂਨਾਈਟਿਡ ਫੋਰਮ ਆਫ਼ ਬੈਂਕ ਯੂਨੀਅਨਾਂ (ਯੂਐਫਬੀਯੂ) ਦੀ ਮੀਟਿੰਗ ਦੌਰਾਨ ਫੈਸਲਾ ਲਿਆ ਗਿਆ ਕਿ ਕਿ ਬੈਂਕ ਕਰਮਚਾਰੀਆਂ ਦੀ ਤਨਖਾਹ ਵਿੱਚ 15 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਜਾਵੇਗਾ।
ਦੋਵੇਂ ਸੰਗਠਨ ਕਲ ਦੇਰ ਸ਼ਾਮ ਇਸ ਨਤੀਜੇ ‘ਤੇ ਪਹੁੰਚੇ ਕਿ ਇੰਡੀਅਨ ਬੈਂਕ ਐਸੋਸੀਏਸ਼ਨ (ਆਈਬੀਏ) ਅਤੇ ਯੂਨਾਈਟਿਡ ਫੋਰਮ ਆਫ਼ ਬੈਂਕ ਯੂਨੀਅਨਾਂ (ਯੂਐਫਬੀਯੂ) ਵਿਚਕਾਰ ਗੱਲਬਾਤ ਤੋਂ ਬਾਅਦ, ਬੈਂਕ ਕਰਮਚਾਰੀਆਂ ਦੀਆਂ ਤਨਖਾਹਾਂ ਵਿਚ 15 ਪ੍ਰਤੀਸ਼ਤ ਦਾ ਵਾਧਾ ਕੀਤਾ ਜਾਣਾ ਚਾਹੀਦਾ ਹੈ। ਆਈਬੀਏ ਅਤੇ ਯੂਐਫਬੀਯੂ ਵਿਚਕਾਰ ਬੈਠਕ ਮੁੰਬਈ ਦੇ ਐਸਬੀਆਈ ਹੈੱਡਕੁਆਰਟਰ ਵਿਖੇ ਕੀਤੀ ਗਈ ਸੀ। ਤਨਖਾਹ ਵਾਧੇ ਨਵੰਬਰ 2017 ਤੋਂ ਲਾਗੂ ਹੋਣਗੇ।
ਬੈਂਕ ਯੂਨੀਅਨਾਂ ਅਤੇ ਆਈ ਬੀ ਏ ਦਰਮਿਆਨ ਹੋਏ ਸਮਝੌਤੇ ਅਨੁਸਾਰ ਇਹ ਤਨਖਾਹ ਵਾਧਾ ਨਵੰਬਰ 2017 ਤੋਂ ਲਾਗੂ ਹੋਵੇਗੀ। ਸਮਝੌਤੇ ਅਨੁਸਾਰ ਤਨਖਾਹ ਅਤੇ ਭੱਤਿਆਂ ਵਿੱਚ ਸਾਲਾਨਾ 15 ਪ੍ਰਤੀਸ਼ਤ ਵਾਧਾ 31 ਮਾਰਚ 2017 ਦੇ ਤਨਖਾਹ ਬਿੱਲ ਦੇ ਅਧਾਰ ‘ਤੇ ਦਿੱਤਾ ਜਾਵੇਗਾ। ਤਨਖਾਹ ਸਲਿੱਪ ਵਿਚ ਸ਼ਾਮਲ ਚੀਜ਼ਾਂ ਦੇ ਅਨੁਸਾਰ 7,898 ਕਰੋੜ ਰੁਪਏ ਦਾ ਵਾਧੂ ਖਰਚਾ ਹੋਏਗਾ। ਸਰਕਾਰੀ, ਪ੍ਰਾਈਵੇਟ ਅਤੇ ਵਿਦੇਸ਼ੀ ਬੈਂਕਾਂ ਸਮੇਤ 37 ਬੈਂਕਾਂ ਨੇ ਆਈਬੀਏ ਨੂੰ ਆਪਣੇ ਕਰਮਚਾਰੀਆਂ ਦੇ ਵਾਧੇ ਸੰਬੰਧੀ ਫੈਸਲੇ ਲੈਣ ਦਾ ਅਧਿਕਾਰ ਦਿੱਤਾ ਹੈ।
7,900 ਕਰੋੜ ਰੁਪਏ ਦਾ ਬੋਝ ਵਧੇਗਾ –
ਮਈ 2017 ਤੋਂ, ਤਨਖਾਹ ਵਾਧੇ ਨੂੰ ਲੈ ਕੇ ਆਈਬੀਏ ਅਤੇ ਯੂਐਫਬੀਯੂ ਵਿਚਕਾਰ ਗੱਲਬਾਤ ਚੱਲ ਰਹੀ ਸੀ। ਦੱਸਿਆ ਗਿਆ ਹੈ ਕਿ ਇਹ ਸਮਝੌਤਾ ਬੈਂਕਾਂ ‘ਤੇ 7,900 ਕਰੋੜ ਰੁਪਏ ਦਾ ਵਾਧੂ ਸਾਲਾਨਾ ਬੋਝ ਵਧਾਏਗਾ। ਇਹ ਫੈਸਲਾ ਯੂਨਾਈਟਿਡ ਫੋਰਮ ਆਫ਼ ਬੈਂਕ ਯੂਨੀਅਨਾਂ (ਯੂਐਫਬੀਯੂ) ਦੇ ਮੈਂਬਰਾਂ, ਬੈਂਕ ਪ੍ਰਬੰਧਨ ਦੀ ਨੁਮਾਇੰਦਗੀ ਕਰਨ ਵਾਲੀ ਇਕ ਸੰਸਥਾ ਅਤੇ ਕਰਮਚਾਰੀਆਂ ਅਤੇ ਬੈਂਕਾਂ ਦੇ ਅਧਿਕਾਰੀਆਂ ਦੀਆਂ ਯੂਨੀਅਨਾਂ ਦਰਮਿਆਨ ਹੋਈ ਬੈਠਕ ਵਿਚ ਲਿਆ ਗਿਆ।