IPL 2025 ਨੇ ਜਾਰੀ ਕੀਤਾ ਨਵਾਂ ਸ਼ਡਿਊਲ, ਹੁਣ 17 ਮਈ ਨੂੰ ਦੁਬਾਰਾ ਸ਼ੁਰੂ ਹੋਵੇਗਾ, 3 ਜੂਨ ਨੂੰ ਹੋਵੇਗਾ ਫਾਈਨਲ

ਨਿਊਜ਼ ਪੰਜਾਬ

13 ਮਈ 2025

IPL2025 ਦਾ 18ਵਾਂ ਸੀਜ਼ੀਨ 17 ਮਈ ਤੋਂ ਦੁਬਾਰਾ ਸ਼ੁਰੂ ਹੋਵੇਗਾ। ਲੀਗ ਪੜਾਅ ਦੇ ਬਾਕੀ 13 ਮੈਚ 6 ਥਾਵਾਂ ‘ਤੇ ਹੋਣਗੇ। ਪਲੇਆਫ ਪੜਾਅ 29 ਮਈ ਤੋਂ ਖੇਡਿਆ ਜਾਵੇਗਾ, ਜਿਸ ਦਾ ਫਾਈਨਲ 3 ਜੂਨ ਨੂੰ ਹੋਵੇਗਾ।ਬੀਸੀਸੀਆਈ ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਹ ਜਾਣਕਾਰੀ ਦਿੱਤੀ।

ਬੀਸੀਸੀਆਈ ਨੇ ਸੋਮਵਾਰ ਰਾਤ ਨੂੰ ਇੱਕ ਬਿਆਨ ਜਾਰੀ ਕਰਕੇ ਪੁਸ਼ਟੀ ਕੀਤੀ ਕਿ “ਸਰਕਾਰ, ਸੁਰੱਖਿਆ ਏਜੰਸੀਆਂ ਅਤੇ ਸਾਰੇ ਮੁੱਖ ਹਿੱਸੇਦਾਰਾਂ ਨਾਲ ਵਿਆਪਕ ਸਲਾਹ-ਮਸ਼ਵਰੇ ਤੋਂ ਬਾਅਦ, ਭਾਰਤੀ ਬੋਰਡ ਨੇ ਸੀਜ਼ਨ ਦੇ ਬਾਕੀ ਸਮੇਂ ਨੂੰ ਅੱਗੇ ਵਧਾਉਣ ਦਾ ਫੈਸਲਾ ਕੀਤਾ।”

ਪਿਛਲੇ ਸ਼ੁੱਕਰਵਾਰ, ਬੀਸੀਸੀਆਈ ਨੇ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਸਰਹੱਦ ਪਾਰ ਤਣਾਅ ਦੇ ਮੱਦੇਨਜ਼ਰ ਇੱਕ ਹਫ਼ਤੇ ਲਈ ਮੁਅੱਤਲ ਕਰ ਦਿੱਤਾ ਸੀ। ਦੁਸ਼ਮਣੀ ਖਤਮ ਹੋਣ ਤੋਂ ਬਾਅਦ, ਆਈਪੀਐਲ 17 ਮਈ ਨੂੰ ਬੰਗਲੁਰੂ ਦੇ ਐਮ ਚਿੰਨਾਸਵਾਮੀ ਸਟੇਡੀਅਮ ਵਿੱਚ ਮੌਜੂਦਾ ਚੈਂਪੀਅਨ, ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਖਿਲਾਫ ਰਾਇਲ ਚੈਲੇਂਜਰਜ਼ ਬੰਗਲੁਰੂ ਦੇ ਨਾਲ ਮੁੜ ਸ਼ੁਰੂ ਹੋਣ ਵਾਲਾ ਹੈ।

ਪਹਿਲਾ ਮੈਚ 17 ਮਈ ਨੂੰ ਬੈਂਗਲੁਰੂ ‘ਚ RCB ਅਤੇ LSG ਵਿਚਾਲੇ ਹੋਵੇਗਾ। ਬਾਕੀ ਮੈਚ ਜੈਪੁਰ, ਦਿੱਲੀ, ਲਖਨਊ, ਮੁੰਬਈ ਅਤੇ ਅਹਿਮਦਾਬਾਦ ਵਿੱਚ ਖੇਡੇ ਜਾਣਗੇ। ਲੀਗ ਪੜਾਅ 27 ਮਈ ਨੂੰ ਖਤਮ ਹੋਵੇਗਾ। ਐਤਵਾਰ, 18 ਅਤੇ 25 ਮਈ ਨੂੰ ਦੋ ਡਬਲ ਹੈਡਰ ਖੇਡੇ ਜਾਣਗੇ। ਮਤਲਬ ਕਿ 11 ਦਿਨਾਂ ਵਿੱਚ ਲੀਗ ਪੜਾਅ ਦੇ 13 ਮੈਚ ਹੋਣਗੇ।

8 ਮਈ ਨੂੰ ਧਰਮਸ਼ਾਲਾ ਵਿੱਚ ਹੋਣ ਵਾਲਾ ਪੰਜਾਬ ਅਤੇ ਦਿੱਲੀ ਦਾ ਮੈਚ ਪਾਕਿਸਤਾਨ ਦੇ ਹਮਲਿਆਂ ਕਾਰਨ ਰੋਕਣਾ ਪਿਆ ਸੀ। ਇਹ ਮੈਚ ਹੁਣ 24 ਮਈ ਨੂੰ ਜੈਪੁਰ ਵਿੱਚ ਖੇਡਿਆ ਜਾਵੇਗਾ। ਪਲੇਆਫ ਮੈਚਾਂ ਦਾ ਸਥਾਨ ਅਜੇ ਤੈਅ ਨਹੀਂ ਹੋਇਆ ਹੈ। ਇਸ ਤੋਂ ਪਹਿਲਾਂ ਹੈਦਰਾਬਾਦ ਅਤੇ ਕੋਲਕਾਤਾ ਵਿੱਚ 2-2 ਪਲੇਆਫ ਮੈਚ ਖੇਡੇ ਜਾਣੇ ਸਨ।