ਜਗਰਾਓਂ ਪੁਲ੍ਹ ਦਾ ਰੁਕਿਆ ਕੰਮ ਮੁੜ੍ਹ ਚਾਲੂ – ਮੇਅਰ ਨੇ ਮੌਕਾ ਵੇਖਿਆ

ਲੁਧਿਆਣਾ , 29 ਅਪ੍ਰੈਲ ( ਨਿਊਜ਼ ਪੰਜਾਬ ) ਲੁਧਿਆਣਾ ਦੇ  ਜਗਰਾਉਂ ਪੁੱਲ ਦੀ ਰਿਟੇਨਿੰਗ ਵਾਲ ਦੀ ਉਸਾਰੀ ਦਾ  ਕੰਮ ਜੋ ਕਰੋਨਾ ਵਾਇਰਸ ਦੇ ਸੰਕਟ ਦੇ ਚੱਲਦਿਆਂ ਲਾਕ ਡਾਊਨ ਹੋਣ ਕਰਕੇ ਬੰਦ ਹੋ ਗਿਆ ਸੀ,ਉਹ ਹੁਣ ਕੱਲ੍ਹ ਪ੍ਰਸ਼ਾਸਨਿਕ ਮਨਜ਼ੂਰੀ ਮਿਲਣ ਤੋਂ ਬਾਅਦ ਅੱਜ ਦੁਬਾਰਾ ਤੋਂ ਸ਼ੁਰੂ ਕਰ ਦਿੱਤਾ ਗਿਆ ਹੈ ।ਸ੍ਰ .ਹਰਪਾਲ ਸਿੰਘ ਨਿਮਾਣਾ, ਮੀਡੀਆ ਅਫਸਰ,ਮੇਅਰ ਦਫਤਰ ਅਨੁਸਾਰ ਕੰਮ ਸ਼ੁਰੂ ਹੋਣ ਤੋਂ ਬਾਅਦ ਸ੍ਰੀ ਬਲਕਾਰ ਸਿੰਘ ਸੰਧੂ, ਮੇਅਰ ਨਗਰ ਨਿਗਮ  ਲੁਧਿਆਣਾ ਵੱਲੋਂ ਅੱਜ ਜਗਰਾਉਂ ਪੁੱਲ ਤੇ ਪਹੁੰਚ ਕੇ ਕੰਮ ਦੀ ਇੰਸਪੈਕਸ਼ਨ ਕੀਤੀ ਗਈ ।ਇਸ ਮੌਕੇ ਉਨ੍ਹਾਂ ਦੇ ਨਾਲ ਇਲਾਕਾ ਕੌਸਲਰ ਸ੍ਰੀ ਰਕੇਸ਼ ਪ੍ਰਾਸ਼ਰ ਵੀ ਮੌਜੂਦ ਸਨ।