ਅਤੁਲ ਸੁਭਾਸ਼ ਮਾਮਲੇ ‘ਚ ਪੁਲਿਸ ਦੀ ਵੱਡੀ ਕਾਰਵਾਈ, ਅਤੁਲ ਸੁਭਾਸ਼ ਦੀ ਪਤਨੀ ਨਿਕਿਤਾ ਸਿੰਘਾਨੀਆ ਸਣੇ 3 ਗ੍ਰਿਫ਼ਤਾਰ

ਬੈਂਗਲੁਰੂ, 15 ਦਿਸੰਬਰ 2024

ਅਤੁਲ ਸੁਭਾਸ਼ ਖੁਦਕੁਸ਼ੀ ਮਾਮਲੇ ‘ਚ ਬੈਂਗਲੁਰੂ ਪੁਲਿਸ ਨੇ ਕਾਰਵਾਈ ਕੀਤੀ ਹੈ। ਦੋਸ਼ੀ ਪਤਨੀ ਨਿਕਿਤਾ ਸਿੰਘਾਨੀਆ ਨੂੰ ਪੁਲਿਸ ਨੇ ਗੁਰੂਗ੍ਰਾਮ ਤੋਂ ਗ੍ਰਿਫਤਾਰ ਕੀਤਾ ਹੈ। ਇਸ ਤੋਂ ਇਲਾਵਾ ਅਤੁਲ ਦੀ ਸੱਸ ਅਤੇ ਸਾਲੇ ਨੂੰ ਪ੍ਰਯਾਗਰਾਜ ਤੋਂ ਗ੍ਰਿਫਤਾਰ ਕੀਤਾ ਗਿਆ ਹੈ। ਫਿਲਹਾਲ ਤਿੰਨੋਂ ਦੋਸ਼ੀਆਂ ਨੂੰ ਨਿਆਂਇਕ ਹਿਰਾਸਤ ਵਿਚ ਭੇਜ ਦਿੱਤਾ ਗਿਆ ਹੈ। ਅਤੁਲ ਸੁਭਾਸ਼ ਦੇ ਭਰਾ ਵਿਕਾਸ ਮੋਦੀ ਨੇ ਪੁੱਛਿਆ ਕਿ ਉਨ੍ਹਾਂ ਦਾ ਭਤੀਜਾ (ਅਤੁਲ ਦਾ ਬੇਟਾ) ਕਿੱਥੇ ਹੈ।

ਵਿਕਾਸ ਮੋਦੀ ਨੇ ਕਿਹਾ, “ਮੇਰੇ ਭਰਾ ਦੇ ਬੇਟੇ ਨੂੰ ਜਨਤਕ ਤੌਰ ‘ਤੇ ਰੱਖਿਆ ਜਾਣਾ ਚਾਹੀਦਾ ਹੈ ਅਤੇ ਉਸ ਦਾ ਧਿਆਨ ਰੱਖਿਆ ਜਾਵੇ। ਮੈਂ ਆਪਣੇ ਭਤੀਜੇ ਦੀ ਸੁਰੱਖਿਆ ਨੂੰ ਲੈ ਕੇ ਚਿੰਤਤ ਹਾਂ।” ਅਤੁਲ ਸੁਭਾਸ਼ ਦੇ ਪਿਤਾ ਨੇ ਕਿਹਾ, ”ਮੈਂ ਆਪਣੇ ਪੋਤੇ ਨੂੰ ਦੇਖਣ ਲਈ ਬੈਠਾ ਹਾਂ। ਸੂਤਰਾਂ ਮੁਤਾਬਕ ਅਤੁਲ ਦਾ ਵੀਡੀਓ ਜਾਰੀ ਹੋਣ ਤੋਂ ਬਾਅਦ ਪੁਲਿਸ ਲਗਾਤਾਰ ਨਿਕਿਤਾ ਦੀ ਲੋਕੇਸ਼ਨ ਟਰੇਸ ਕਰ ਰਹੀ ਹੈ।

ਬੈਂਗਲੁਰੂ ਦੇ ਤਕਨੀਕੀ ਮਾਹਿਰ ਅਤੁਲ ਸੁਭਾਸ਼ ਦੇ ਪਿਤਾ ਨੇ ਕਿਹਾ ਕਿ ਉਸਦੀ ਪਤਨੀ ਦੁਆਰਾ ਉਸਦੇ ਅਤੇ ਉਸਦੇ ਪਰਿਵਾਰ ਦੇ ਖਿਲਾਫ ਕਈ ਕੇਸ ਦਰਜ ਕੀਤੇ ਜਾਣ ਤੋਂ ਬਾਅਦ ਉਸਦਾ ਪੁੱਤਰ “ਅੰਦਰੋਂ ਟੁੱਟ ਗਿਆ” ਸੀ। ਅਤੁਲ ਸੁਭਾਸ਼ ਨੇ ਆਪਣੀ ਪਤਨੀ ਅਤੇ ਉਸ ਦੇ ਪਰਿਵਾਰ ਵੱਲੋਂ ਤੰਗ ਪ੍ਰੇਸ਼ਾਨ ਕਰਨ ਦੇ ਦੋਸ਼ਾਂ ਤੋਂ ਬਾਅਦ 9 ਦਸੰਬਰ ਦੀ ਸਵੇਰ ਨੂੰ ਖੁਦਕੁਸ਼ੀ ਕਰ ਲਈ ਸੀ। ਸੁਭਾਸ਼ ਨੇ 24 ਪੰਨਿਆਂ ਦੇ ਨੋਟ ਦੇ ਹਰ ਪੰਨੇ ‘ਤੇ “ਨਿਆਂ ਹੈ” ਲਿਖਿਆ।