ਦਿੱਲੀ ਦੇ ਗਾਜ਼ੀਪੁਰ ਦੇ ਕੂੜੇ ਦੇ ਢੇਰ ਤੇ ਲੱਗੀ ਅੱਗ ਕਾਰਨ ਲੋਕਾਂ ਨੂੰ ਸਾਹ ਲੈਣ ਵਿੱਚ ਦਿੱਕਤ…

ਦਿੱਲੀ -22 ਅਪ੍ਰੈਲ 2024

ਦਿੱਲੀ ਦੇ ਗਾਜ਼ੀਪੁਰ ਲੈਂਡਫਿਲ ਸਾਈਟ ‘ਤੇ ਐਤਵਾਰ ਸ਼ਾਮ ਤੋਂ ਲੱਗੀ ਅੱਗ ਅਜੇ ਤੱਕ ਨਹੀਂ ਬੁਝ ਸਕੀ ਹੈ। ਕਾਫੀ ਜੱਦੋਜਹਿਦ ਦੇ ਬਾਵਜੂਦ ਕੂੜੇ ਦੇ ਇਸ ਪਹਾੜ ‘ਤੇ ਅੱਗ ਬਲ ਰਹੀ ਹੈ।ਇਸ ਕਾਰਨ ਸਾਰਾ ਇਲਾਕਾ ਜ਼ਹਿਰੀਲੀ ਗੈਸ ਅਤੇ ਧੂੰਏਂ ਨਾਲ ਭਰ ਗਿਆ ਹੈ।ਜਿਸ ਕਾਰਨ ਆਸਪਾਸ ਦੇ ਲੋਕਾਂ ਲਈ ਮੁਸੀਬਤ ਬਣ ਗਈ ਹੈ। ਪੂਰਾ ਇਲਾਕਾ ਧੂੰਏਂ ਅਤੇ ਬਦਬੂ ਨਾਲ ਭਰਿਆ ਹੋਣ ਕਰਕੇ ਲੋਕਾਂ ਨੂੰ ਸਾਹ ਲੈਣ ਵਿੱਚ ਦਿੱਕਤ ਆ ਰਹੀ ਹੈ। ਇਸੇ ਤਰ੍ਹਾਂ ਦਿੱਲੀ ਦੀਆਂ ਦੋ ਹੋਰ ਲੈਂਡਫਿਲ ਸਾਈਟਾਂ ਭਲਸਵਾ ਅਤੇ ਓਖਲਾ ਵੀ ਸਥਾਨਕ ਲੋਕਾਂ ਲਈ ਪ੍ਰੇਸ਼ਾਨੀ ਦਾ ਕਾਰਨ ਬਣੀਆਂ ਹੋਈਆਂ ਹਨ।ਪਰ ਗਾਜ਼ੀਪੁਰ ਲੈਂਡਫਿਲ ਸਾਈਟ ‘ਤੇ ਅੱਗ ਲੱਗਣ ਦੀਆਂ ਅਜਿਹੀਆਂ ਘਟਨਾਵਾਂ ਆਮ ਹਨ। 2019 ਵਿੱਚ ਕੂੜੇ ਦੇ ਇਨ੍ਹਾਂ ਪਹਾੜਾਂ ‘ਤੇ ਅੱਗ ਲੱਗਣ ਦੀਆਂ ਛੇ ਘਟਨਾਵਾਂ ਸਾਹਮਣੇ ਆਈਆਂ ਸਨ।2020 ਵਿੱਚ ਇਹ ਵਧ ਕੇ ਅੱਠ ਹੋ ਗਿਆ। ਗਾਜ਼ੀਪੁਰ ਦੇ ਕੂੜੇ ਦੇ ਪਹਾੜ ਵਿੱਚ 2021 ਵਿੱਚ ਅੱਗ ਲੱਗਣ ਦੀਆਂ ਚਾਰ ਅਤੇ 2022 ਵਿੱਚ ਪੰਜ ਘਟਨਾਵਾਂ ਵਾਪਰੀਆਂ।