ਜ਼ਿਲ੍ਹਾ ਲੁਧਿਆਣਾ ਵਿੱਚ 9 ਇਲਾਕੇ ਮਾਈਕਰੋ ਕੰਟੇਨਮੈਂਟ ਜ਼ੋਨ ਵਜੋਂ ਘੋਸ਼ਿਤ ਕੀਤੇ ਗਏ ਸਾਰੇ ਇਲਾਕੇ ਸੀਲ – ਪੜ੍ਹੋ ਇਲਾਕਿਆਂ ਦਾ ਵੇਰਵਾ

ਮਾਈਕਰੋ ਕੰਟੇਨਮੈਂਟ ਜ਼ੋਨਾਂ ਨੂੰ ਸੀਲ ਕਰ ਦਿੱਤਾ ਗਿਆ ਹੈ, ਸਰਕਾਰੀ ਅਧਿਕਾਰੀ ਲੋੜੀਂਦੀ ਕਾਰਵਾਈ ਕਰਨ – ਡਿਪਟੀ ਕਮਿਸ਼ਨਰ

ਨਿਊਜ਼ ਪੰਜਾਬ

ਲੁਧਿਆਣਾ 20 ਜੁਲਾਈ  – ਪੰਜਾਬ ਸਰਕਾਰ ਵੱਲੋਂ ਮਿਸ਼ਨ ਫਤਹਿ ਮੁਹਿੰਮ ਅਤੇ ਕੋਵਿਡ 19 ਦੇ ਫੈਲਣ ਨੂੰ ਰੋਕਣ ਲਈ ਜ਼ਿਲ੍ਹਾ ਲੁਧਿਆਣਾ ਦੇ 9 ਖੇਤਰਾਂ ਨੂੰ ਮਾਈਕਰੋ ਕੰਟੇਨਮੈਂਟ ਜੋਂਨ ਵਜੋਂ ਘੋਸ਼ਿਤ ਕੀਤਾ ਗਿਆ।
ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਕਮਿਸ਼ਨਰ ਸ੍ਰੀ ਵਰਿੰਦਰ ਸ਼ਰਮਾ ਨੇ ਦੱਸਿਆ ਕਿ ਮਾਈਕਰੋ ਕੰਟੇਨਮੈਂਟ ਜ਼ੋਨਾਂ ਵਿੱਚ ਮਕਾਨ ਨੰਬਰ 37 ਤੋਂ 76 ਕਿਦਵਈ ਨਗਰ ਤੱਕ, ਮਕਾਨ ਨੰਬਰ 161 ਤੋਂ 209 ਤੱਕ ਜਨਪਥ ਕਲੋਨੀ ਨੇੜੇ ਅਯਾਲੀ ਅਤੇ ਸੋਹਲ ਬਿਲਡਿੰਗ ਵਰਕਸ਼ਾਪ ਤੋਂ ਗੈਸ ਏਜੰਸੀ ਗਲੀ ਨੰਬਰ 3 ਗੁਰੂ ਗੋਬਿੰਦ ਸਿੰਘ ਨਗਰ, ਡਾਬਾ ਰੋਡ ਤੱਕ, ਗਲੀ ਨੰਬਰ 3 ਫੋਕਲ ਪੁਆਇੰਟ ਮੁੱਖ ਸੜਕ ਤੋਂ ਫੋਕਲ ਪੁਆਇੰਟ ਜਮਾਲਪੁਰ ਵਿੱਚ ਰਾਜੀਵ ਗਾਂਧੀ ਕਲੋਨੀ ਵਿੱਚ ਰਾਮ ਪ੍ਰਧਾਨ ਮੰਦਿਰ ਤੱਕ, ਗਲੀ ਨੰ: 18 ਪੂਜਾ ਕਲੀਨਿਕ ਤੋਂ ਜੀਵਨ ਨਗਰ ਫੋਕਲ ਪੁਆਇੰਟ ਵਿੱਚ ਆਰ ਕੇ ਗੁਲੇਰੀਆ ਵੇਹੜਾ, ਕਿਸ਼ੋਰ ਨਗਰ ਦੀ ਗਲੀ ਨੰ 9 ਤੋਂ ਘਰ ਦੀ ਪਿਛਲੀ ਗਲੀ 3232 ਤੋਂ 3300, ਵੋਹਰਾ ਡੈਂਟਲ ਕਲੀਨਿਕ ਤੋਂ ਮੰਦਰ ਜਵਾਲਾ ਮੁਖੀ ਜੀ ਤੱਕ ਰਾਣੀ ਝਾਂਸੀ ਰੋਡ, ਭਗਵਾਨ ਨਗਰ ਨੇੜੇ ਸੰਗੀਤ ਸਿਨੇਮਾ ਦੇ ਪਿੱਛੇ ਰਾਮ ਨਗਰ ਵਿਚ ਪੂਰੀ ਗਲੀ ਨੰ 21 (ਸਿਰਫ ਇਕ ਪ੍ਰਵੇਸ਼ / ਨਿਕਾਸ ਪੁਆਇੰਟ ) ਅਤੇ ਬੱਸ ਸਟੈਂਡ ਨੇੜੇ ਅਸ਼ੋਕ ਨਗਰ ਵਿੱਚ ਮਕਾਨ ਨੰਬਰ 158 ਤੱਕ ਮਿਲਖੀ ਰਾਮ ਫਲੌਰ ਮਿਲ ਦੇ ਸਾਹਮਣੇ ਵਾਲੀ ਗਲੀ ਤੱਕ ਹਨ।
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਾਰੇ ਮਾਈਕਰੋ ਕੰਟੇਨਮੈਂਟ ਜ਼ੋਨਾਂ ਨੂੰ ਸੀਲ ਕਰ ਦਿੱਤਾ ਗਿਆ ਹੈ ਅਤੇ ਸਬੰਧਤ ਵਿਭਾਗਾਂ ਨੂੰ ਲੋੜੀਂਦੀ ਕਾਰਵਾਈ ਕਰਨ ਲਈ ਕਿਹਾ ਗਿਆ ਹੈ। ਸ੍ਰੀ ਸ਼ਰਮਾ ਨੇ ਦੱਸਿਆ ਕਿ ਸਿਹਤ ਵਿਭਾਗ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਇੱਕ ਜ਼ਿਲ੍ਹਾ ਪੱਧਰੀ ਕਮੇਟੀ ਜਿਸ ਵਿੱਚ ਨਗਰ ਨਿਗਮ ਦੇ ਵਧੀਕ ਕਮਿਸ਼ਨਰ ਸ੍ਰੀ ਸੰਯਮ ਅਗਰਵਾਲ, ਸਿਵਲ ਸਰਜਨ ਡਾ ਰਾਜੇਸ਼ ਕੁਮਾਰ ਬੱਗਾ, ਜ਼ਿਲ੍ਹਾ ਮਹਾਂਮਾਰੀ ਵਿਗਿਆਨੀ ਡਾ. ਰਮੇਸ਼ ਕੁਮਾਰ ਅਤੇ ਮੈਡੀਕਲ ਕਾਲਜ ਦੇ ਮੁਖੀ ਡਾ. ਕਲਾਰੈਂਸ ਸੈਮੂਅਲ ਵੱਲੋਂ ਜ਼ਿਲੇ ਵਿਚ ਕੰਟੇਨਮੈਂਟ ਜ਼ੋਨ ਤਿਆਰ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਕੰਟੇਨਮੈਂਟ ਅਤੇ ਮਾਈਕ੍ਰੋ ਕੰਟੇਨਮੈਂਟ ਜ਼ੋਨ ਇਸ ਕਮੇਟੀ ਦੀ ਸਿਫਾਰਸ਼ ਦੇ ਅਧਾਰ ਤੇ ਐਲਾਨੇ ਗਏ ਹਨ।
ਸ੍ਰੀ ਸ਼ਰਮਾ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਪੰਜਾਬ ਸਰਕਾਰ ਦੀਆਂ ਸਾਰੀਆਂ ਹਦਾਇਤਾਂ ਦੀ ਪਾਲਣਾ ਕਰਨ ਅਤੇ ਜੇ ਉਹ ਘਰ ਦੇ ਅੰਦਰ ਹੀ ਰਹਿਣ ਤਾਂ ਆਪ ਵੀ ਸੁਰੱਖਿਅਤ ਰਹਿਣਗੇ, ਬਲਕਿ ਹੋਰਨਾਂ ਨੂੰ ਵੀ ਸੁਰੱਖਿਅਤ ਰੱਖਣ ਵਿੱਚ ਵੀ ਯੋਗਦਾਨ ਪਾਉਣਗੇ।