ਇਰਾਨ ਨੇ ਅਮਰੀਕੀ ਬੇਸ ਤੇ 14 ਮਿਜ਼ਾਈਲਾਂ ਦਾਗੀਆਂ – ਥੋੜੀ ਦੇਰ ਬਾਅਦ ਜੰਗਬੰਦੀ ਦਾ ਐਲਾਨ – USA ਦੇ ਰਾਸ਼ਟਰਪਤੀ ਨੇ ਕਿਹਾ “ਸਾਰਿਆਂ ਨੂੰ ਵਧਾਈਆਂ!”
ਪੱਛਮੀ ਏਸ਼ੀਆ ਵਿੱਚ, ਈਰਾਨ ਅਤੇ ਇਜ਼ਰਾਈਲ-ਅਮਰੀਕਾ ਵਿਚਕਾਰ ਵਧਦਾ ਟਕਰਾਅ ਈਰਾਨ ਦੀ ਜਵਾਬੀ ਕਾਰਵਾਈ ਜਿਸ ਵਿੱਚ ਉਸ ਵੱਲੋਂ ਕੱਤਰ ਵਿੱਚ ਸਥਿਤ ਅਮਰੀਕੀ ਫੌਜ਼ ਬੇਸ ਤੇ 14 ਮਿਜ਼ਾਈਲਾਂ ਦਾਗੀਆਂ ਜ੍ਹਿਨਾਂ ਵਿੱਚੋਂ 13 ਨੂੰ ਨਾਕਾਮ ਕਰ ਦਿੱਤਾ ਗਿਆ ਸੀ, ਈਰਾਨ ਨੇ ਸੋਮਵਾਰ ਨੂੰ ਕਤਰ ਵਿੱਚ ਇੱਕ ਅਮਰੀਕੀ ਹਵਾਈ ਅੱਡੇ ‘ਤੇ ਇੱਕ ਜਵਾਬੀ ਹਮਲਾ ਸ਼ੁਰੂ ਕੀਤਾ ਸੀ ਤੋਂ ਕੁੱਝ ਸਮੇਂ ਬਾਅਦ ਹੀ ਅਮਰੀਕਾ, ਇਜ਼ਰਾਈਲ ਅਤੇ ਈਰਾਨ ਵਿੱਚ ਸਮਝੌਤਾ ਹੋਣ ਦੀਆਂ ਖ਼ਬਰਾਂ ਆ ਰਹੀਆਂ ਹਨ ।
ਅਮਰੀਕੀ ਰਾਸ਼ਟਰਪਤੀ ਟਰੰਪ ਨੇ ਦਾਅਵਾ ਕੀਤਾ ਸੀ ਕਿ ਮਜ਼ਬੂਤ ਅਮਰੀਕੀ ਰੱਖਿਆ ਪ੍ਰਣਾਲੀ ਨੇ 14 ਵਿੱਚੋਂ 13 ਈਰਾਨੀ ਮਿਜ਼ਾਈਲਾਂ ਨੂੰ ਨਾਕਾਮ ਕਰ ਦਿੱਤਾ ਹੈ। ਅਮਰੀਕਾ ਸਮਰਥਿਤ ਇਜ਼ਰਾਈਲ ਅਤੇ ਈਰਾਨ ਵਿਚਕਾਰ ਚੱਲ ਰਹੀ ਭਾਰੀ ਗੋਲਾਬਾਰੀ ਦੇ ਵਿਚਕਾਰ, ਯੂਏਈ-ਕੈਨੇਡਾ-ਕਤਰ ਵਰਗੇ ਦੇਸ਼ ਤਹਿਰਾਨ ਦੇ ਹਮਲੇ ਤੋਂ ਨਾਰਾਜ਼ ਦੱਸੇ ਜਾ ਰਹੇ ਹਨ। ਇਨ੍ਹਾਂ ਦੇਸ਼ਾਂ ਨੇ ਅਮਰੀਕੀ ਫੌਜੀ ਠਿਕਾਣਿਆਂ ‘ਤੇ ਈਰਾਨ ਦੇ ਹਮਲੇ ਨੂੰ ਗਲਤ ਕਿਹਾ ਹੈ।
ਅਮਰੀਕਾ ਨੇ ਕਿਹਾ ਹੈ ਕਿ ਉਹ ਹੁਣ ਜਵਾਬੀ ਕਾਰਵਾਈ ਨਹੀਂ ਕਰੇਗਾ। ਟਰੰਪ ਨੇ ਖੁਦ ਆਪਣੇ ਸੱਚ ਸੋਸ਼ਲ ‘ਤੇ ਲਿਖਿਆ ਹੈ ਕਿ ਅਮਰੀਕੀ ਫੌਜ ਈਰਾਨ ਦੀ ਕਾਰਵਾਈ ਨੂੰ ਪ੍ਰਤੀਕਾਤਮਕ ਮੰਨ ਰਹੀ ਹੈ। ਇਸ ਲਈ, ਉਹ ਜਵਾਬੀ ਕਾਰਵਾਈ ਨਹੀਂ ਕਰੇਗੀ।
ਹਮਲੇ ਤੋਂ ਕੁੱਝ ਸਮੇਂ ਬਾਅਦ ਹੀ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਟਰੂਥ ਸੋਸ਼ਲ ਪਲੇਟਫਾਰਮ ‘ਤੇ ਕਿਹਾ
“ਸਾਰਿਆਂ ਨੂੰ ਵਧਾਈਆਂ!” ਟਰੰਪ ਨੇ ਟਰੂਥ ਸੋਸ਼ਲ ਪਲੇਟਫਾਰਮ ‘ਤੇ ਲਿਖਿਆ। “ਇਜ਼ਰਾਈਲ ਅਤੇ ਈਰਾਨ ਦੁਆਰਾ ਅਤੇ ਉਨ੍ਹਾਂ ਵਿਚਕਾਰ ਪੂਰੀ ਤਰ੍ਹਾਂ ਸਹਿਮਤੀ ਹੋ ਗਈ ਹੈ ਕਿ ਇੱਕ ਸੰਪੂਰਨ ਅਤੇ ਪੂਰੀ ਜੰਗਬੰਦੀ ਹੋਵੇਗੀ।”
ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਜੰਗਬੰਦੀ “12 ਦਿਨਾਂ ਦੀ ਜੰਗ” ਦਾ ਅੰਤ ਕਰੇਗੀ ਜਿਸਨੂੰ ਉਹ “12 ਦਿਨਾਂ ਦੀ ਜੰਗ” ਕਹਿੰਦੇ ਹਨ।
