ਧਿਆਨ ਰਖਿਓ ! – ਅੱਖਾਂ ਨਾ ਮਿਲਾਓ ਅੱਜ ਸੂਰਜ ਨਾਲ – ਸ਼ੁਰੂ ਹੋਇਆ – —
ਨਿਊਜ਼ ਪੰਜਾਬ ਦੀ ਵਿਸ਼ੇਸ਼ ਰਿਪੋਰਟ
ਲੁਧਿਆਣਾ , 21 ਜੂਨ – ਅੱਜ ਐਤਵਾਰ ਨੂੰ ਚੰਦਰਮਾ ਸੂਰਜ ਵੱਲ ਭੁੱਜ ਇਲਾਕੇ ਤੋਂ 9 .58 ਮਿੰਟ ਤੇ ਜਾਣਾ ਸ਼ੁਰੂ ਕਰ ਦਿੱਤਾ ਹੈ | ਪੰਜਾਬ ਵਿਚ ਇੱਹ ਨਜ਼ਾਰਾ 10 ਵੱਜ ਕੇ 19 ਮਿੰਟ ਤੇ ਸ਼ੁਰੂ ਹੋ ਜਾਵੇਗਾ , ਜੋ ਦੁਪਹਿਰ 1 ਵੱਜ ਕੇ 41 ਮਿੰਟ ਤੱਕ ਰਹੇਗਾ | ਅਮ੍ਰਿਤਸਰ ( ਪੰਜਾਬ ) ਵਿੱਚ 11 ਵੱਜ ਕੇ 57 ਮਿੰਟ ਤੇ ਚੰਦਰਮਾ ਸੂਰਜ ਦੇ ਵਿਚਕਾਰ ਆ ਜਾਵੇਗਾ , ਸਿਰਫ 1 ਪ੍ਰਤੀਸ਼ਤ ਘੱਟ ਹੋਣ ਕਾਰਨ ਚੰਦਰਮਾ ਦੇ ਆਲੇ – ਦੁਆਲੇ ਸੂਰਜ ਦੀ ਰੋਸ਼ਨੀ ਆਵੇਗੀ ਜਿਸ ਨੂੰ ‘ ਰਿੰਗ ਆਫ ਫਾਇਰ ‘ ਅੱਗ ਦਾ ਛੱਲਾ ਆਖਿਆ ਜਾਵੇਗਾ | ਤੁਸੀਂ ਨੰਗੀਆਂ ਅੱਖਾਂ ਨਾਲ ਇਸ ਨੂੰ ਨਹੀਂ ਵੇਖਣਾ | ਇਹ ਸਥਿਤੀ ਉਸ ਵੇਲੇ ਬਣਦੀ ਹੈ ਜਦੋ ਸੂਰਜ ,ਚੰਦਰਮਾ ਅਤੇ ਧਰਤੀ ਇੱਕੋ ਸੇਧ ਤੇ ਇੱਕ ਦੂਜੇ ਦੇ ਸਾਹਮਣੇ ਆ ਜਾਂਦੇ ਹਨ | ਇੱਹ ਨਜ਼ਾਰਾ ਭਾਰਤ ਅਤੇ ਅਫਰੀਕਾ ਸਮੇਤ ਕਈ ਏਸ਼ੀਆਈ ਦੇਸ਼ ਨੇਪਾਲ, ਪਾਕਿਸਤਾਨ, ਸਾਊਦੀ ਅਰਬ, ਯੂ ਏ ਈ , ਅਥੋਪੀਆ ਵਿੱਚ ਨਜ਼ਰ ਆਏਗਾ।
ਧਿਆਨ ਨਾਲ ਵੇਖੋ – ਸੂਰਜ ਨਾਲ ਅੱਖਾਂ ਨਾ ਮਿਲਾਓ
ਸੂਰਜ ਇੱਕ ਬਹੁਤ ਹੀ ਚਮਕਦਾਰ ਹੈ, ਅਤੇ ਇਸਨੂੰ ਸਿੱਧੇ ਤੌਰ ‘ਤੇ ਦੇਖਣ ਨਾਲ ਨਜ਼ਰ ਨੂੰ ਗੰਭੀਰ ਨੁਕਸਾਨ ਹੋ ਸਕਦਾ ਹੈ। ਸੂਰਜ ਨੂੰ ਦੇਖਣ ਲਈ ਵਿਸ਼ੇਸ਼ ਐਨਕਾਂ ਬਣਾਈਆਂ ਜਾਂਦੀਆਂ ਹਨ। ਇਹ ਐਨਕਾਂ ਸੁਰੱਖਿਅਤ ਦੇਖਣ ਲਈ ਸੂਰਜ ਦੀ ਰੋਸ਼ਨੀ ਨੂੰ ਫਿਲਟਰ ਕਰਦੀਆਂ ਹਨ। ਵੈਲਡਿੰਗ ਕਰਨ ਵੇਲੇ ਵੇਖਣ ਲਈ ਵਰਤਿਆ ਜਾਂਦਾ ਸ਼ੀਸ਼ਾ ‘ਵੈਲਡਰਗਲਾਸ #13 ਜਾਂ # 14’ ਨੂੰ ਸੂਰਜ ਨੂੰ ਨੰਗੀਆਂ ਅੱਖਾਂ ਨਾਲ ਸਿੱਧਾ ਦੇਖਣ ਲਈ ਵਰਤਿਆ ਜਾ ਸਕਦਾ ਹੈ।
ਇੱਕ ਕਾਰਡ ਸ਼ੀਟ ਵਿੱਚ ਇੱਕ ਪਿਨਹੋਲ ਬਣਾਓ ਅਤੇ ਇਸਨੂੰ ਸੂਰਜ ਦੇ ਹੇਠਾਂ ਪਕੜੋ। ਕੁਝ ਦੂਰੀ ‘ਤੇ, ਵਾਈਟ ਪੇਪਰ ਦੀ ਸਕਰੀਨ ਰੱਖੋ। ਸੂਰਜ ਦੀ ਤਸਵੀਰ ਇਸ ਸ਼ੀਟ ‘ਤੇ ਦੇਖੀ ਜਾ ਸਕਦੀ ਹੈ। ਸ਼ੀਟ ਅਤੇ ਸਕ੍ਰੀਨ ਵਿਚਕਾਰ ਅੰਤਰ ਨੂੰ ਅਨੁਕੂਲ ਕਰਨ ਦੁਆਰਾ, ਚਿੱਤਰ ਨੂੰ ਵੱਡਾ ਬਣਾਇਆ ਜਾ ਸਕਦਾ ਹੈ।
ਝਾੜੀਆਂ ਜਾਂ ਰੁੱਖ ਦੇ ਪਰਛਾਵੇਂ ਨੂੰ ਦੇਖੋ। ਪੱਤਿਆਂ ਦੇ ਵਿਚਕਾਰ ਦੇ ਖੱਪੇ ਪਿਨਹੋਲ ਦੀ ਤਰ੍ਹਾਂ ਕੰਮ ਕਰਦੇ ਹਨ, ਇਸ ਲਈ ਗ੍ਰਹਿਣ ਕੀਤੇ ਸੂਰਜ ਦੀਆਂ ਕਈ ਤਸਵੀਰਾਂ ਜ਼ਮੀਨ ‘ਤੇ ਦੇਖੀਆਂ ਜਾ ਸਕਦੀਆਂ ਹਨ। ਗਲੌਬ ਵਿਚਲੀ ਲਾਲ ਲਾਈਨ ਤੇ ਸਥਿਤ ਦੇਸ਼ਾਂ ਵਿੱਚ ਹੀ ਇੱਹ ਨਜ਼ਾਰਾ ਵੇਖਿਆ ਜਾ ਸਕੇਗਾ
