ਨਿਊਜ਼ ਪੰਜਾਬ
7 ਮਈ 2026
Samrat Choudhary ਦੀ ਅਗਵਾਈ ਵਾਲੀ ਬਿਹਾਰ ਦੀ ਐਨਡੀਏ ਸਰਕਾਰ ਦਾ ਵੀਰਵਾਰ ਨੂੰ ਵੱਡਾ ਮੰਤਰੀ ਮੰਡਲ ਵਿਸਥਾਰ ਹੋਇਆ। ਪਟਨਾ ਦੇ Gandhi Maidan ਵਿੱਚ ਆਯੋਜਿਤ ਸ਼ਾਨਦਾਰ ਸਮਾਗਮ ਦੌਰਾਨ 32 ਨਵੇਂ ਮੰਤਰੀਆਂ ਨੇ ਅਹੁਦੇ ਅਤੇ ਗੁਪਤਤਾ ਦੀ ਸਹੁੰ ਚੁੱਕੀ। ਇਸ ਵਿਸਥਾਰ ਵਿੱਚ ਜੇਡੀਯੂ ਸੁਪਰੀਮੋ ਅਤੇ ਸਾਬਕਾ ਮੁੱਖ ਮੰਤਰੀ Nitish Kumar ਦੇ ਪੁੱਤਰ ਨਿਸ਼ਾਂਤ ਕੁਮਾਰ ਨੂੰ ਵੀ ਮੰਤਰੀ ਬਣਾਇਆ ਗਿਆ ਹੈ।
ਰਾਜਪਾਲ Syed Ata Hasnain ਨੇ ਸਾਰੇ ਨਵੇਂ ਮੰਤਰੀਆਂ ਨੂੰ ਸਹੁੰ ਚੁਕਾਈ। ਇਸ ਸਮਾਰੋਹ ਵਿੱਚ ਪ੍ਰਧਾਨ ਮੰਤਰੀ Narendra Modi, ਕੇਂਦਰੀ ਗ੍ਰਹਿ ਮੰਤਰੀ Amit Shah, ਰਾਜਨਾਥ ਸਿੰਘ ਅਤੇ ਹੋਰ ਕਈ ਸੀਨੀਅਰ ਐਨਡੀਏ ਆਗੂ ਮੌਜੂਦ ਰਹੇ।
ਕੈਬਨਿਟ ਵਿਸਥਾਰ ਵਿੱਚ ਐਨਡੀਏ ਦੇ ਸਾਰੇ ਭਾਈਵਾਲਾਂ—ਭਾਜਪਾ, ਜੇਡੀਯੂ, ਐਲਜੇਪੀਆਰਵੀ, ਐਚਏਐਮ ਅਤੇ ਆਰਐਲਐਮ—ਨੂੰ ਪ੍ਰਤੀਨਿਧਤਾ ਦਿੱਤੀ ਗਈ ਹੈ। ਭਾਜਪਾ ਕੋਟੇ ਤੋਂ ਰਾਮਕ੍ਰਿਪਾਲ ਯਾਦਵ, ਨਿਤੀਸ਼ ਮਿਸ਼ਰਾ ਅਤੇ ਦਿਲੀਪ ਜੈਸਵਾਲ ਵਰਗੇ ਸੀਨੀਅਰ ਨੇਤਾਵਾਂ ਨੇ ਸਹੁੰ ਚੁੱਕੀ, ਜਦਕਿ ਜੇਡੀਯੂ ਵੱਲੋਂ ਰਤਨੇਸ਼ ਸਦਾ, ਮਦਨ ਸਾਹਨੀ ਅਤੇ ਸ਼ੀਲਾ ਕੁਮਾਰੀ ਨੂੰ ਮੰਤਰੀ ਬਣਾਇਆ ਗਿਆ।
ਇਸ ਤੋਂ ਇਲਾਵਾ, Chirag Paswan ਦੀ ਐਲਜੇਪੀਆਰਵੀ, Jitan Ram Manjhi ਦੀ ਐਚਏਐਮ ਅਤੇ ਉਪੇਂਦਰ ਕੁਸ਼ਵਾਹਾ ਦੀ ਆਰਐਲਐਮ ਨੂੰ ਵੀ ਨਵੀਂ ਕੈਬਨਿਟ ਵਿੱਚ ਢੁਕਵੀਂ ਜਗ੍ਹਾ ਦਿੱਤੀ ਗਈ ਹੈ। ਡਾ. ਸੰਤੋਸ਼ ਕੁਮਾਰ ਸੁਮਨ ਅਤੇ ਭਗਵਾਨ ਸਿੰਘ ਕੁਸ਼ਵਾਹਾ ਸਮੇਤ ਕਈ ਹੋਰ ਨੇਤਾਵਾਂ ਨੇ ਵੀ ਮੰਤਰੀ ਵਜੋਂ ਸਹੁੰ ਚੁੱਕੀ।
ਗੌਰਤਲਬ ਹੈ ਕਿ Nitish Kumar ਦੇ ਰਾਜ ਸਭਾ ਲਈ ਚੁਣੇ ਜਾਣ ਅਤੇ ਅਸਤੀਫ਼ੇ ਤੋਂ ਬਾਅਦ Samrat Choudhary ਨੇ ਬਿਹਾਰ ਦੇ ਮੁੱਖ ਮੰਤਰੀ ਵਜੋਂ ਕਮਾਨ ਸੰਭਾਲੀ ਸੀ। ਹੁਣ 22 ਦਿਨਾਂ ਬਾਅਦ ਹੋਏ ਇਸ ਕੈਬਨਿਟ ਵਿਸਥਾਰ ਨੂੰ ਬਿਹਾਰ ਦੀ ਰਾਜਨੀਤੀ ਵਿੱਚ ਵੱਡੇ ਸਿਆਸੀ ਸੰਕੇਤ ਵਜੋਂ ਦੇਖਿਆ ਜਾ ਰਿਹਾ ਹੈ।
