ਨਿਊਜ਼ ਪੰਜਾਬ
12 ਅਗਸਤ 2025
ਲੁਧਿਆਣਾ ਦੇ ਜਗਰਾਉਂ ਹਲਕੇ ਦੇ ਮੁੱਲਾਪੁਰ ਦਾਖਾ ਦੇ ਪਿੰਡ ਜਗਪੁਰ ਵਿੱਚ ਅੱਜ ਮੰਗਲਵਾਰ ਨੂੰ ਇੱਕ ਦਿਲ ਦਹਲਾ ਦੇਣ ਵਾਲੀ ਘਟਨਾ ਸਾਮਣੇ ਆਈ।ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਇਸ ਘਟਨਾ ਵਿੱਚ ਡੇਢ ਸਾਲ ਦੀ ਬੱਚੀ ਦੀ ਜਾਨ ਚਲੀ ਗਈ।
ਪਿੰਡ ਵਿੱਚ ਇੱਕ ਸਬਜ਼ੀ ਵਿਕਰੇਤਾ ਟੈਂਪੋ ਰਾਹੀਂ ਸਬਜ਼ੀਆਂ ਲਿਆ ਕੇ ਵੇਚ ਰਿਹਾ ਸੀ। ਦੋ ਔਰਤਾਂ ਟੈਂਪੋ ਡਰਾਈਵਰ ਤੋਂ ਸਬਜ਼ੀਆਂ ਖਰੀਦ ਰਹੀਆਂ ਸਨ ਕਿ ਇਸ ਦੌਰਾਨ ਇੱਕ ਛੋਟੀ ਬੱਚੀ ਖੇਡਦੀ ਹੋਈ ਟੈਂਪੋ ਦੇ ਸਾਹਮਣੇ ਆ ਖੜ੍ਹੀ ਹੋਈ। ਸਬਜ਼ੀਆਂ ਵੇਚਣ ਤੋਂ ਬਾਅਦ ਜਿਵੇਂ ਹੀ ਡਰਾਈਵਰ ਨੇ ਟੈਂਪੋ ਅੱਗੇ ਵਧਾਇਆ, ਵਾਹਨ ਬੱਚੀ ਨਾਲ ਟਕਰਾ ਗਿਆ।
ਕੁੜੀ ਡਿੱਗ ਪਈ ਅਤੇ ਟੈਂਪੋ ਦਾ ਪਹਿਲਾ ਟਾਇਰ ਉਸ ਦੇ ਉੱਪਰੋਂ ਲੰਘ ਗਿਆ। ਡਰਾਈਵਰ ਨੂੰ ਕੁਝ ਸਮਝ ਆਉਣ ਤੋਂ ਪਹਿਲਾਂ ਹੀ ਦੂਜਾ ਟਾਇਰ ਵੀ ਬੱਚੀ ਉੱਤੇ ਚੜ੍ਹ ਗਿਆ। ਹਾਦਸੇ ਤੋਂ ਬਾਅਦ ਡਰਾਈਵਰ ਨੇ ਤੁਰੰਤ ਟੈਂਪੋ ਰੋਕਿਆ ਅਤੇ ਬੱਚੀ ਨੂੰ ਚੁੱਕ ਲਿਆ, ਪਰ ਉਸ ਵੇਲੇ ਤੱਕ ਪਿੰਡ ਵਿੱਚ ਹੜਕੰਪ ਮਚ ਚੁੱਕਾ ਸੀ। ਪਰਿਵਾਰ ਉਸਨੂੰ ਹਸਪਤਾਲ ਲੈ ਕੇ ਗਿਆ, ਪਰ ਡਾਕਟਰਾਂ ਨੇ ਬੱਚੀ ਨੂੰ ਮ੍ਰਿਤਕਘੋਸ਼ਿਤ ਕਰ ਦਿੱਤਾ।
