ਹਲਕਾ ਨਾਭਾ ਦੇ ਲੋਕਾਂ ਨੇ ਆਪਣੇ ਪਿੰਡਾਂ ਨੂੰ ਨਸ਼ਾ ਮੁਕਤ ਕਰਨ ਲਈ ਪੰਜਾਬ ਸਰਕਾਰ ਦਾ ਦਿਲੋਂ ਸਾਥ ਦੇਣ ਦੀ ਸਹੁੰ ਖਾਧੀ
ਨਿਊਜ਼ ਪੰਜਾਬ
’20 ਮਈ 2025
ਹਲਕਾ ਨਾਭਾ ਦੇ ਲੋਕਾਂ ਨੇ ਆਪਣੇ ਪਿੰਡਾਂ ਨੂੰ ਨਸ਼ਾ ਮੁਕਤ ਕਰਨ ਲਈ ਪੰਜਾਬ ਸਰਕਾਰ ਦਾ ਦਿਲੋਂ ਸਾਥ ਦੇਣ ਦੀ ਸਹੁੰ ਖਾਧੀ ਹੈ। ਇਹ ਪ੍ਰਗਟਾਵਾ ਨਾਭਾ ਦੇ ਵਿਧਾਇਕ ਗੁਰਦੇਵ ਸਿੰਘ ਦੇਵ ਮਾਨ ਨੇ ਕੀਤਾ, ਉਹ ਹਲਕੇ ਦੇ ਪਿੰਡਾਂ ਵਿੱਚ ‘ਯੁੱਧ ਨਸ਼ਿਆਂ ਵਿਰੁੱਧ’ ਤਹਿਤ ਨਸ਼ਾ ਮੁਕਤੀ ਮਾਰਚ ਨੂੰ ਲੈਕੇ ਲੋਕਾਂ ਨੂੰ ਸੰਬੋਧਨ ਕਰ ਰਹੇ ਸਨ।
ਵਿਧਾਇਕ ਦੇਵ ਮਾਨ ਦੀ ਅਗਵਾਈ ਹੇਠ ਨਸ਼ਾ ਮੁਕਤੀ ਯਾਤਰਾ ਰਾਮਪੁਰ ਸਹੀਏਵਾਲ, ਟੌਹੜਾ, ਤਰਖੇੜੀ ਕਲਾਂ, ਪਾਲੀਆਂ ਖੁਰਦ, ਮੋਹਲ ਗਵਾਰਾ, ਪਾਲੀਆ ਖੁਰਦ ਆਦਿ ਪਿੰਡਾਂ ‘ਚ ਲੋਕਾਂ ਨੇ ਸਹੁੰ ਖਾਧੀ ਕਿ ਉਹ ਆਪਣੇ ਆਪਣੇ ਪਿੰਡ ਨੂੰ ਨਸ਼ਾ ਮੁਕਤ ਕਰਨ ਲਈ ਪੰਜਾਬ ਸਰਕਾਰ ਦਾ ਦਿਲੋਂ ਸਾਥ ਦੇਣਗੇ।
ਗੁਰਦੇਵ ਸਿੰਘ ਦੇਵ ਮਾਨ ਨੇ ਕਿਹਾ ਕਿ ਲੋਕਾਂ ਦਾ ਇਸ ਕਦਰ ਸਹਿਯੋਗ ਦੇਖਦੇ ਹੋਏ ਉਨ੍ਹਾਂ ਨੂੰ ਪੱਕਾ ਵਿਸ਼ਵਾਸ਼ ਹੈ ਕਿ ਆਮ ਆਦਮੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਤੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਸ਼ੁਰੂ ਹੋਏ ਇਸ ਯੁੱਧ ਤਹਿਤ ਕੋਈ ਵੀ ਕੋਈ ਵੀ ਨਸ਼ਾ ਤਸਕਰ ਪੰਜਾਬ ‘ਚ ਨਹੀਂ ਰਹੇਗਾ। ਉਨ੍ਹਾਂ ਕਿਹਾ ਕਿ ਉਹ ਖ਼ੁਦ ਹਲਕੇ ਦੇ 142 ਪਿੰਡਾਂ ਸਮੇਤ ਨਾਭਾ ਤੇ ਭਾਦਸੋਂ ਦੀ ਹਰ ਵਾਰਡ ‘ਚ ਦਿਨ ਰਾਤ ਇੱਕ ਕਰਕੇ ਜਾਣਗੇ।
ਇਸ ਦੌਰਾਨ ਐਸ.ਡੀ.ਐਮ ਡਾ. ਇਸਮਤ ਵਿਜੇ ਸਿੰਘ ਸਮੇਤ ਨਸ਼ਾ ਮੁਕਤੀ ਮੋਰਚਾ ਹਲਕਾ ਨਾਭਾ ਦੇ ਕੋਆਰਡੀਨੇਟਰ ਭੁਪਿੰਦਰ ਕੱਲਰਮਾਜਰੀ, ਕਪਿਲ ਮਾਨ, ਮਨਪ੍ਰੀਤ ਧਾਰੋਕੀ ਪ੍ਰਧਾਨ ਟਰੱਕ ਯੂਨੀਅਨ ਨਾਭਾ, ਧਰਮਿੰਦਰ ਸਿੰਘ ਸੁਖੇਵਾਲ ਯੂਥ ਆਗੂ, ਸਰਪੰਚ ਮਨਜੀਤ ਸਿੰਘ ਫਤਿਹਪੁਰ, ਰਾਜਿੰਦਰ ਸਿੰਘ ਕਾਲਾ, ਮਾਸਟਰ ਸਤਨਾਮ ਪਾਲੀਆ, ਕਰਮਾ ਟੌਪਰ, ਗੁਰਪ੍ਰੀਤ ਮੋਹਲਗਵਾਰਾ, ਗੁਰਪ੍ਰੀਤ ਗੁਰੀ ਪਾਲੀਆ ਕਲਾ, ਸਰਪੰਚ ਟੋਨਾ ਮੂੰਗੋ, ਗੁਰਪ੍ਰੀਤ ਮੱਲੇਵਾਲ, ਪੱਪੀ ਬਿਰਧਨੋ, ਰਾਜ ਟੌਹੜਾ, ਸਾਬਕਾ ਸਰਪੰਚ ਹਰਭਜਨ ਸਿੰਘ ਦੰਦਰਾਲਾ ਢੀਂਡਸਾ, ਬਲਾਕ ਪ੍ਰਧਾਨ ਕਾਲਾ ਕਿਤਾਬਾ ਵਾਲਾ, ਸਰਪੰਚ ਕੁਲਵਿੰਦਰ ਕੌਰ ਪਾਲੀਆ ਖੁਰਦ, ਸਮੂਹ ਆਮ ਆਦਮੀ ਪਾਰਟੀ ਵਲੰਟੀਅਰ ਤੋਂ ਇਲਾਵਾ ਨਗਰ ਵਾਸੀ ਵੀ ਮੌਜੂਦ ਸਨ। ਪਿੰਡਾਂ ‘ਚ ਨਾਭਾ ਦੇ ਬੀ.ਡੀ.ਪੀ.ਓ, ਭਾਦਸੋਂ ਤੇ ਨਾਭਾ ਦੇ ਥਾਣਾ ਮੁਖੀ ਤੇ ਸਿਹਤ ਵਿਭਾਗ ਤੋਂ ਐਸ.ਐਮ.ਓਜ ਤੇ ਹੋਰ ਅਧਿਕਾਰੀ ਵੀ ਹਾਜ਼ਰ ਸਨ।
**********
ਫੋਟੋ ਕੈਪਸ਼ਨ-ਵਿਧਾਇਕ ਗੁਰਦੇਵ ਸਿੰਘ ਦੇਵ ਮਾਨ ਨਸ਼ਾ ਮੁਕਤੀ ਮਾਰਚ ਦੌਰਾਨ ਲੋਕਾਂ ਵਿੱਚ ਸ਼ਿਰਕਤ ਕਰਦੇ ਹੋਏ। ਨਸ਼ਾ ਮੁਕਤੀ ਮਾਰਚ ਦੌਰਾਨ ਲੋਕ ਵੀ ਭਰਵੀਂ ਸ਼ਮੂਲੀਅਤ ਕਰਦੇ ਹੋਏ