ਯੂਪੀ ਦੇ ਹਰਦੋਈ ਵਿੱਚ ਟਰੱਕ ਨੇ ਆਟੋ ਨੂੰ ਮਾਰੀ ਟੱਕਰ, 10 ਦੀ ਮੌਤ, ਕਈ ਜਖਮੀ

6 ਨਵੰਬਰ 2024

ਉੱਤਰ ਪ੍ਰਦੇਸ਼ ਦੇ ਹਰਦੋਈ ਵਿੱਚ ਇੱਕ ਭਿਆਨਕ ਸੜਕ ਹਾਦਸੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜ਼ਿਲ੍ਹੇ ਦੇ ਬਿਲਗਰਾਮ ਕੋਤਵਾਲੀ ਖੇਤਰ ਵਿੱਚ ਕਟੜਾ ਬਿਲਹੌਰ ਹਾਈਵੇਅ ’ਤੇ ਪਿੰਡ ਹੀਰਾ ਰੋਸ਼ਨਪੁਰ ਦੇ ਸਾਹਮਣੇ ਡੀਸੀਐਮ ਅਤੇ ਆਟੋ ਦੀ ਟੱਕਰ ਹੋ ਗਈ। ਜਾਣਕਾਰੀ ਮੁਤਾਬਕ ਇਸ ਝੜਪ ‘ਚ 10 ਲੋਕਾਂ ਦੀ ਮੌਤ ਹੋ ਗਈ ਹੈ। ਮਰਨ ਵਾਲਿਆਂ ਵਿੱਚ 2 ਬੱਚੇ, 6 ਔਰਤਾਂ, ਇੱਕ ਮਰਦ ਅਤੇ ਇੱਕ ਲੜਕੀ ਸ਼ਾਮਲ ਹੈ। ਮਰਨ ਵਾਲੇ ਸਾਰੇ ਲੋਕ ਆਟੋ ਵਿੱਚ ਸਵਾਰ ਸਨ।