ਕੁਰੂਕਸ਼ੇਤਰ ਦੇ ਸ਼ਾਹਬਾਦ’ ਚ ਦਰਦਨਾਕ ਹਾਦਸਾ ,ਹਾਦਸੇ ਵਿੱਚ ਪਿਤਾ ਅਤੇ ਦੋ ਬੇਟੀਆਂ ਦੀ ਹੋਈ ਮੌਤ,5 ਜਖਮੀ

ਕੁਰੂਕਸ਼ੇਤਰ:4 ਨਵੰਬਰ 2024

ਕੁਰੂਕਸ਼ੇਤਰ-ਅੰਬਾਲਾ ਸਰਹੱਦ ‘ਤੇ ਰਾਸ਼ਟਰੀ ਰਾਜਮਾਰਗ 44 ‘ਤੇ ਐਤਵਾਰ ਸਵੇਰੇ ਇਕ ਕਾਰ ਵਿਚ ਧਮਾਕਾ ਹੋਣ ਕਾਰਨ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਅਤੇ ਪੰਜ ਹੋਰ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ। ਜ਼ਖ਼ਮੀਆਂ ਨੂੰ ਇਲਾਜ ਲਈ ਚੰਡੀਗੜ੍ਹ ਦੇ ਪੀਜੀਆਈ ਦਾਖ਼ਲ ਕਰਵਾਇਆ ਗਿਆ ਹੈ, ਜਿੱਥੇ ਉਨ੍ਹਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ।ਪੁਲਿਸ ਮੁਤਾਬਕ ਚੰਡੀਗੜ੍ਹ ਦੇ ਸੈਕਟਰ 7 ਦਾ ਰਹਿਣ ਵਾਲਾ ਪ੍ਰੋਫੈਸਰ ਅਤੇ ਸੋਨੀਪਤ ਦੇ ਪਿੰਡ ਰਮਨ ਦਾ ਰਹਿਣ ਵਾਲਾ ਸੰਦੀਪ ਆਪਣੇ ਪਰਿਵਾਰ ਨਾਲ ਦੀਵਾਲੀ ਮਨਾ ਕੇ ਘਰ ਪਰਤ ਰਿਹਾ ਸੀ। ਜਿਵੇਂ ਹੀ ਉਹ ਕੁਰੂਕਸ਼ੇਤਰ-ਅੰਬਾਲਾ ਸਰਹੱਦ ਨੇੜੇ ਪਹੁੰਚਿਆ ਤਾਂ ਧਮਾਕੇ ਤੋਂ ਬਾਅਦ ਉਸ ਦੀ ਗੱਡੀ ਨੂੰ ਅੱਗ ਲੱਗ ਗਈ। ਦੁਖਦਾਈ ਗੱਲ ਇਹ ਹੈ ਕਿ ਸੰਦੀਪ ਅਤੇ ਉਸ ਦੀਆਂ ਬੇਟੀਆਂ ਪ੍ਰਾਚੀ ਅਤੇ ਅਮਾਨਤ ਦੀ ਮੌਤ ਹੋ ਗਈ। ਕਾਰ ਵਿੱਚ ਸਵਾਰ ਉਸ ਦਾ ਭਰਾ ਅਤੇ ਸਾਲੀ ਵੀ ਗੰਭੀਰ ਜ਼ਖ਼ਮੀ ਹੋ ਗਏ।

ਕਾਰ ‘ਚ ਅਚਾਨਕ ਅੱਗ ਲੱਗਣ ਕਾਰਨ ਗੱਡੀ ‘ਚ ਸਵਾਰ ਸਾਰੇ ਲੋਕ ਫਸ ਗਏ। ਮੌਕੇ ‘ਤੇ ਪਹੁੰਚੇ ਰਾਹਗੀਰਾਂ ਅਤੇ ਸਥਾਨਕ ਲੋਕਾਂ ਨੇ ਤੁਰੰਤ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ।ਅੱਠ ਵਿਅਕਤੀਆਂ ਵਿੱਚੋਂ ਸਿਰਫ਼ ਪੰਜ ਨੂੰ ਸਥਾਨਕ ਲੋਕਾਂ ਨੇ ਬਚਾਇਆ, ਜਦੋਂ ਕਿ ਸੰਦੀਪ ਅਤੇ ਉਸ ਦੀਆਂ ਧੀਆਂ ਅੰਦਰ ਹੀ ਦਮ ਤੋੜ ਗਈਆਂ। ਪੁਲਿਸ ਨੇ ਬਚਾਅ ਕਾਰਜ ਚਲਾ ਕੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ।