ਇਹ ਰੁੱਖ ਕੀ ਹਨ – ਕਵਿਤਾ ਮਨਦੀਪ ਕੌਰ
ਮੈ ਪੁੱਛਿਆ ਧਰਤੀ ਤੋਂ,
ਮੈ ਪੁੱਛਿਆ ਅੰਬਰ ਤੇ ਤੋਂ,
ਦੱਸੋ ਇਹ ਰੁੱਖ ਕੀ ਹਨ,
ਇਹਨਾਂ ਦੇ ਸੁੱਖ ਕੀ ਹਨ
ਤਾਂ ਆਵਾਜ਼ ਆਈ ਇੱਕ ਗੂੰਜਦੀ
ਰੁੱਖ ਰੱਬ ਦੀ ਦਾਤ ਨੇ,
ਮਨੁੱਖੀ ਜ਼ਿੰਦਗੀ ਦੀ ਸੌਗਾਤ ਨੇ।
ਰੁੱਖ ਤਾਂ ਗਿੱਠ ਕੁ ਜਗ੍ਹਾ ਵਿੱਚ ਹੁੰਦੇ ਨੇ,
ਨਾ ਬਹੁਤੀ ਜਗ੍ਹਾ ਰੋਕਦੇ ਨੇ।
ਰੁੱਖ ਹੀ ਜੰਗਲ ਦਾ ਰੂਪ ਧਾਰਦੇ ਨੇ,
ਬਰਸਾਤਾਂ ਨੂੰ ਆਉਣ ਲਈ ਪੁਕਾਰਦੇ ਨੇ।
ਹਵਾ ਖਾ ਕੇ ਲਹਿਰਾਉਂਦੇ ਰੁੱਖ,
ਸਾਰੇ ਠੰਡੀ ਛਾਂ ਦਾ ਮਾਣਦੇ ਸੁੱਖ।
ਫਿਰ ਵੀ ਲੋਕ ਇਨ੍ਹਾਂ ਨੂੰ ਵੱਢਦੇ ਨੇ,
ਨਾ ਕਿਸੇ ਨੂੰ ਵੀ ਛੱਡਦੇ ਨੇ।
ਕਿੰਨੀਆਂ ਮਿਲ ਜਾਣ ਏ. ਸੀ, ਪੱਖਿਆ ਦੀਆ ਸਹੂਲਤਾਂ,
ਰੁੱਖਾਂ ਵਰਗੀ ਠੰਡੀ ਹਵਾ ਮਿਲਦੀ ਨਹੀਓਂ ਮੁੱਲ ਨਾ।
ਪੂਜਾ ਰੁੱਖਾਂ ਨੂੰ ਨਾ ਕੱਟੋ ਲੋਕੋ,
ਵੱਧ ਤੋਂ ਵੱਧ ਰੁੱਖ ਲਗਾਓ ਲੋਕੋ।
ਨਹੀਂ ਰੁੱਖਾਂ ਬਿਨਾਂ ਵੀਰਾਣ ਹੋ ਜਾਣਾ ਹੈ ਜਹਾਨ,
ਇਹਨਾਂ ਨਾਲ ਹੀ ਹੈ ਜੀਵਨ ਮਹਾਨ।
– ਮਨਦੀਪ ਕੌਰ ਨੋਨਾ