ਕੀ ਅੱਜ ਬਕਰੀਦ ‘ਤੇ ਭਾਰਤੀ ਸ਼ੇਅਰ ਬਾਜ਼ਾਰ ਖੁੱਲ੍ਹੇਗਾ ਜਾਂ ਛੁੱਟੀ ਹੋਵੇਗੀ?

17 ਜੂਨ 2024

ਦੇਸ਼ ਭਰ ‘ਚ ਅੱਜ ਸੋਮਵਾਰ ਨੂੰ ਬਕਰੀ ਈਦ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਅਜਿਹੇ ‘ਚ ਸ਼ੇਅਰ ਬਾਜ਼ਾਰ ਦੇ ਨਿਵੇਸ਼ਕਾਂ ਦੇ ਮਨ ‘ਚ ਸਵਾਲ ਹੈ ਕਿ ਕੀ ਅੱਜ ਬਾਜ਼ਾਰ ਖੁੱਲ੍ਹੇਗਾ ਜਾਂ ਨਹੀਂ। ਅੱਜ ਬਕਰੀਦ ਕਾਰਨ ਹਫਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ ਬੰਦ ਰਹੇਗਾ। ਅੱਜ ਸ਼ੇਅਰ ਬਾਜ਼ਾਰ ਦੇ ਸਾਰੇ ਹਿੱਸੇ ਜਿਸ ਵਿਚ ਇਕੁਇਟੀ, ਡੈਰੀਵੇਟਿਵਜ਼ ਅਤੇ ਐਸਐਲਬੀ ਸ਼ਾਮਲ ਹਨ ਬੰਦ ਰਹਿਣਗੇ। ਆਮ ਵਪਾਰ 18 ਜੁਲਾਈ ਨੂੰ ਦੁਬਾਰਾ ਖੁੱਲ੍ਹੇਗਾ। ਸਾਲ 2024 ਵਿੱਚ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਕੁੱਲ 15 ਛੁੱਟੀਆਂ ਹਨ। ਇਸ ਤੋਂ ਬਾਅਦ 17 ਜੁਲਾਈ ਨੂੰ ਮੁਹੱਰਮ ਕਾਰਨ ਬਾਜ਼ਾਰ ਬੰਦ ਰਹਿਣਗੇ। ਫਿਰ 15 ਅਗਸਤ ਨੂੰ ਆਜ਼ਾਦੀ ਦਿਵਸ, 2 ਅਕਤੂਬਰ ਨੂੰ ਗਾਂਧੀ ਜਯੰਤੀ, 1 ਨਵੰਬਰ ਨੂੰ ਦੀਵਾਲੀ, 15 ਨਵੰਬਰ ਨੂੰ ਗੁਰੂ ਨਾਨਕ ਜੈਅੰਤੀ ਅਤੇ 25 ਦਸੰਬਰ ਨੂੰ ਕ੍ਰਿਸਮਿਸ ਕਾਰਨ ਬਾਜ਼ਾਰ ਬੰਦ ਰਹਿਣਗੇ।

ਮਲਟੀ ਕਮੋਡਿਟੀ ਐਕਸਚੇਂਜ ਆਫ ਇੰਡੀਆ ਲਿਮਿਟੇਡ ਯਾਨੀ MCX ‘ਤੇ ਅੱਜ 17 ਜੂਨ ਨੂੰ ਸਵੇਰ ਦੇ ਸੈਸ਼ਨ ਵਿੱਚ ਕੋਈ ਕੰਮ ਨਹੀਂ ਹੋਵੇਗਾ। ਹਾਲਾਂਕਿ, ਇਹ ਸ਼ਾਮ ਦੇ ਸੈਸ਼ਨ ਵਿੱਚ ਸ਼ਾਮ 5 ਵਜੇ ਤੋਂ ਰਾਤ 11:55 ਤੱਕ ਖੁੱਲ੍ਹਾ ਰਹੇਗਾ।