ਮੇਰਠ ‘ਚ ਤੇਜ਼ ਰਫ਼ਤਾਰ ਕਾਰ ਹਾਈਵੇਅ ‘ਤੇ ਖੜ੍ਹੇ ਟਰੱਕ ਨਾਲ ਟਕਰਾਈ,5 ਦੀ ਮੌਤ 7 ਜ਼ਖਮੀ
11 ਜੂਨ 2024
ਉੱਤਰ ਪ੍ਰਦੇਸ਼ ਦੇ ਮੇਰਠ ਦੇ ਖਰਖੋਦਾ ਥਾਣਾ ਖੇਤਰ ‘ਚ ਮੰਗਲਵਾਰ ਸਵੇਰੇ ਹਾਈਵੇ ‘ਤੇ ਖੜ੍ਹੇ ਇਕ ਨੁਕਸਦਾਰ ਟਰੱਕ ਨਾਲ ਤੇਜ਼ ਰਫਤਾਰ ਈਕੋ ਕਾਰ ਦੀ ਟੱਕਰ ਹੋ ਗਈ। ਇਸ ਹਾਦਸੇ ‘ਚ ਦੋ ਭਰਾਵਾਂ ਸਮੇਤ ਤਿੰਨ ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ 7 ਗੰਭੀਰ ਜ਼ਖਮੀਆਂ ਨੂੰ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਹੈ। ਹਾਦਸੇ ਦਾ ਸ਼ਿਕਾਰ ਹੋਏ ਸਾਰੇ ਲੋਕ ਪੂਰਵਾਂਚਲ ਦੇ ਰਹਿਣ ਵਾਲੇ ਹਨ।
ਜਾਣਕਾਰੀ ਅਨੁਸਾਰ ਮੇਰਠ-ਬੁਲੰਦਸ਼ਹਿਰ ਰਾਸ਼ਟਰੀ ਰਾਜਮਾਰਗ ‘ਤੇ ਧਨੌਤਾ ਪਿੰਡ ਦੇ ਸਾਹਮਣੇ ਸੜਕ ਕਿਨਾਰੇ ਇਕ ਟੁੱਟਿਆ ਹੋਇਆ ਟਰੱਕ ਖੜ੍ਹਾ ਸੀ। ਇਸ ਦੌਰਾਨ ਪਿੱਛੋਂ ਆ ਰਹੀ ਤੇਜ਼ ਰਫ਼ਤਾਰ ਈਕੋ ਕਾਰ ਨੇ ਟਰੱਕ ਨੂੰ ਟੱਕਰ ਮਾਰ ਦਿੱਤੀ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਧਮਾਕੇ ਨਾਲ ਈਕੋ ਕਾਰ ਦੇ ਪਰਖੱਚੇ ਉੱਡ ਗਏ ਅਤੇ ਹਾਈਵੇ ਜ਼ਖਮੀਆਂ ਦੀਆਂ ਚੀਕਾਂ ਨਾਲ ਗੂੰਜ ਉੱਠਿਆ।
ਮੌਕੇ ‘ਤੇ ਪਹੁੰਚੀ ਪੁਲਸ ਨੇ ਬੜੀ ਮੁਸ਼ਕਲ ਨਾਲ ਸਾਰੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ। ਜਿੱਥੇ ਡਾਕਟਰਾਂ ਨੇ ਕਾਰ ਚਾਲਕ ਜੁਨੈਦ (22) ਪੁੱਤਰ ਜਮੀਲ ਵਾਸੀ ਨਵਾਬਗੰਜ ਬਰੇਲੀ, ਅਨਿਲ ਕਸ਼ਯਪ (28) ਪੁੱਤਰ ਮੂਲਚੰਦ ਕਸ਼ਯਪ ਵਾਸੀ ਲਖਾਖਰਾ ਪੀਲੀਭੀਤ ਅਤੇ ਉਸ ਦੇ ਭਰਾ ਸੁਨੀਲ ਕਸ਼ਯਪ (20) ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਸ ਦੇ ਨਾਲ ਹੀ ਪ੍ਰੇਮਪਾਲ ਪੁੱਤਰ ਦਯਾਰਾਮ, ਸ਼ਿਆਮੂ ਮਿਸ਼ਰਾ ਪੁੱਤਰ ਵੇਦ ਪ੍ਰਕਾਸ਼ ਮਿਸ਼ਰਾ, ਸੂਰਜਪਾਲ ਪੁੱਤਰ ਦਯਾਰਾਮ, ਆਨੰਦਪਾਲ ਪੁੱਤਰ ਛੋਟੇਲਾਲ, ਅਨਿਲ ਪੁੱਤਰ ਦਲੀਪ, ਪ੍ਰਦੀਪ ਪੁੱਤਰ ਦਯਾਰਾਮ ਅਤੇ ਹਰਿਓਮ ਪੁੱਤਰ ਮੁੰਨਾਲਾਲ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਜਾਣਕਾਰੀ ਦੌਰਾਨ ਪਤਾ ਲੱਗਾ ਕਿ ਸਾਰੇ ਲੋਕ ਪੀਲੀਭੀਤ ਤੋਂ ਪੰਜਾਬ ਲਈ ਰਵਾਨਾ ਹੋਏ ਸਨ।