ਲੋਕ ਸਭਾ ਚੋਣਾਂ ਦੌਰਾਨ ਹੁਣ ਤੱਕ ਰਿਕਾਰਡ ਤੋੜ ਨਗਦੀ ਅਤੇ ਨਸ਼ੀਲੇ ਪਦਾਰਥ ਦੀ ਜ਼ਬਤੀ ਕੀਤੀ ਗਈ : ਚੋਣ ਕਮਿਸ਼ਨ

16 ਅਪ੍ਰੈਲ 2024

ਭਾਰਤੀ ਚੋਣ ਕਮਿਸ਼ਨ  ਨੇ ਸੋਮਵਾਰ ਨੂੰ ਘੋਸ਼ਣਾ ਕੀਤੀ ਕਿ ਉਹ ਲੋਕ ਸਭਾ ਚੋਣਾਂ ਦੇ ਇਤਿਹਾਸ ਵਿੱਚ ਹੁਣ ਤੱਕ ਦੇ ਸਭ ਤੋਂ ਵੱਧ  ‘ਜ਼ਬਤ” ਦੇ ਰਿਕਾਰਡ ਕਰਨ ਦੇ ਰਾਹ ‘ਤੇ ਹੈ ।

ਚੋਣ ਸੰਸਥਾ ਦੇ ਅਨੁਸਾਰ, ਜ਼ਬਤੀਆਂ ਨਿਰਪੱਖ ਚੋਣ ਪ੍ਰਕਿਰਿਆ ਨੂੰ ਯਕੀਨੀ ਬਣਾਉਂਣ, ਲੋਕ ਸਭਾ ਚੋਣਾਂ ਨੂੰ  ਗੜਬੜੀਆਂ ਤੋਂ ਮੁਕਤ ਕਰਵਾਉਣ ਲਈ ECI ਦੇ ਦ੍ਰਿੜ ਸੰਕਲਪ ਦਾ ਇੱਕ ਮਹੱਤਵਪੂਰਨ ਪਹਿਲੂ ਹੈ।

ਪਹਿਲੇ ਗੇੜ ਦੀ ਪੋਲਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ, ਇਨਫੋਰਸਮੈਂਟ ਏਜੰਸੀਆਂ ਨੇ ਪਹਿਲਾਂ ਹੀ ₹ 4,650 ਕਰੋੜ ਰੁਪਏ ਜ਼ਬਤ ਕੀਤੇ ਹਨ, ਜੋ ਕਿ 2019 ਦੀਆਂ ਸਮੁੱਚੀਆਂ ਲੋਕ ਸਭਾ ਚੋਣਾਂ ਦੌਰਾਨ ਜ਼ਬਤ ਕੀਤੇ ਗਏ ₹ 3,475 ਕਰੋੜ ਤੋਂ  ਵੀ ਵੱਧ ਹਨ।

ਮਹੱਤਵਪੂਰਨ ਤੌਰ ‘ਤੇ ਜ਼ਬਤ ਕੀਤੇ ਗਏ 45% ਨਸ਼ੀਲੇ ਪਦਾਰਥ  ਹਨ, ਜੋ ਕਮਿਸ਼ਨ ਦੇ ਵਿਸ਼ੇਸ਼ ਫੋਕਸ ਦੇ ਅਧੀਨ ਹਨ। ਇਹ ਦੌਰੇ ਵਿਆਪਕ ਯੋਜਨਾਬੰਦੀ, ਵਧੇ ਹੋਏ ਸਹਿਯੋਗ ਅਤੇ ਏਜੰਸੀਆਂ ਤੋਂ ਏਕੀਕ੍ਰਿਤ ਰੋਕਥਾਮ ਕਾਰਵਾਈ, ਸਰਗਰਮ ਨਾਗਰਿਕਾਂ ਦੀ ਭਾਗੀਦਾਰੀ ਅਤੇ ਤਕਨਾਲੋਜੀ ਦੀ ਸਰਵੋਤਮ ਸ਼ਮੂਲੀਅਤ ਨਾਲ ਸੰਭਵ ਹੋਏ ਹਨ ।

ਚੋਣ ਕਮਿਸਨ ਨੇ ਅੱਗੇ ਕਿਹਾ ਰਾਜਾਂ ਵਿੱਚੋਂ ਰਾਜਸਥਾਨ ਲਗਭਗ ₹778 ਕਰੋੜ ਦੀ ਜ਼ਬਤ ਦੇ ਨਾਲ ਸੂਚੀ ਵਿੱਚ ਸਭ ਤੋਂ ਅੱਗੇ ਹੈ, ਇਸ ਤੋਂ ਬਾਅਦ ਗੁਜਰਾਤ  ਵਿੱਚੋ ₹605 ਕਰੋੜ, ਅਤੇ ਮਹਾਰਾਸ਼ਟਰ ਲਗਭਗ ₹431 ਕਰੋੜ ਜ਼ਬਤ ਕੀਤੇ ਗਏ ਹਨ।