ਟਵਿਨ ਟਾਵਰ ਨੂੰ ਕੁੱਝ ਮਿੰਟਾ ਵਿੱਚ ਹੀ ਵਿਸਫੋਟ ਨਾਲ ਉਡਾ ਦਿੱਤੇ ਜਾਣਗੇ

ਨਿਊਜ਼ ਪੰਜਾਬ
Supertech Twin Tower – ਸੁਪਰੀਮ ਕੋਰਟ ਦੇ ਨਿਰਦੇਸ਼ਾਂ ‘ਤੇ ਨੋਇਡਾ ਦੇ ਸੈਕਟਰ-93A ਸਥਿਤ ਸੁਪਰਟੈਕ ਐਮਰਾਲਡ ਕੋਰਟ ਦੇ ਟਵਿਨ ਟਾਵਰ ਨੂੰ ਕੁਝ ਸਮੇਂ ਵਿੱਚ ਢਾਹ ਦਿੱਤਾ ਜਾਵੇਗਾ। 32 ਮੰਜ਼ਿਲਾ ਐਪੈਕਸ (100 ਮੀਟਰ) ਅਤੇ 29 ਮੰਜ਼ਿਲਾ ਸਿਆਨ (97 ਮੀਟਰ) ਟਾਵਰਾਂ ਨੂੰ 3500 ਕਿਲੋਗ੍ਰਾਮ ਵਿਸਫੋਟਕ ਰੱਖ ਕੇ ਤਾਰਾਂ ਨਾਲ ਜੋੜਿਆ ਗਿਆ ਹੈ। 9 ਤੋਂ 12 ਸਕਿੰਟਾਂ ਵਿੱਚ ਟਵਿਨ ਟਾਵਰ ਮਲਬੇ ਦੇ ਢੇਰ ਵਿੱਚ ਬਦਲ ਜਾਣਗੇ।
ਥੋੜ੍ਹੇ ਸਮੇਂ ਵਿੱਚ ਹੀ ਟਵਿਨ ਟਾਵਰ ਢਹਿ ਜਾਣਗੇ। ਉਲਟੀ ਗਿਣਤੀ ਸ਼ੁਰੂ ਹੋ ਗਈ ਹੈ। ਜਲਦੀ ਹੀ ਸਾਇਰਨ ਵਜਾਇਆ ਜਾਵੇਗਾ। ਇਸ ਦੇ ਨਾਲ ਹੀ ਪੁਲਿਸ ਨੇ ਡਰੋਨ ਉਡਾ ਕੇ ਅਸਲੀਅਤ ਦੀ ਜਾਂਚ ਕੀਤੀ ਹੈ। ਫਰੀਦਾਬਾਦ ਦੇ ਪੁਲ ‘ਤੇ ਪਿੰਡ ਵਾਸੀਆਂ ਦੀ ਭੀੜ ਲੱਗੀ ਹੋਈ ਹੈ। ਐਕਸਪ੍ਰੈਸ ਵੇਅ ‘ਤੇ ਖੜ੍ਹੀ ਭੀੜ ਨੂੰ ਟ੍ਰੈਫਿਕ ਪੁਲਸ ਵਾਲਿਆਂ ਨੇ ਹਟਾ ਦਿੱਤਾ ਹੈ।