ਨਿਊਜ਼ ਪੰਜਾਬ
6 ਅਕਤੂਬਰ 2025
ਜੈਪੁਰ ਦੇ ਸਵਾਈ ਮਾਨ ਸਿੰਘ ਹਸਪਤਾਲ ਦੇ ਟਰਾਮਾ ਸੈਂਟਰ ਵਿੱਚ ਐਤਵਾਰ ਦੇਰ ਰਾਤ ਭਿਆਨਕ ਅੱਗ ਲੱਗ ਗਈ। ਅੱਗ ਦੀਆਂ ਲਪਟਾਂ ਤੇਜ਼ੀ ਨਾਲ ਟਰਾਮਾ ਸੈਂਟਰ ਦੀ ਦੂਜੀ ਮੰਜ਼ਿਲ ਤੇ ਸਥਿਤ ਆਈਸੀਯੂ ਵਾਰਡ ਵਿੱਚ ਫੈਲ ਗਈਆਂ, ਜਿਸ ਕਾਰਨ ਹਸਪਤਾਲ ਦੇ ਅੰਦਰ ਦਹਿਸ਼ਤ ਫੈਲ ਗਈ। ਘਟਨਾ ਦੇ ਸਮੇਂ ਆਈਸੀਯੂ ਵਿੱਚ 24 ਮਰੀਜ਼ ਮੌਜੂਦ ਸਨ। ਅੱਗ ਦੀਆਂ ਲਪਟਾਂ ਨੂੰ ਵੇਖਦਿਆਂ, ਹਸਪਤਾਲ ਦੇ ਸਟਾਫ ਅਤੇ ਆਈਸੀਯੂ ਵਾਰਡ ਦੇ ਬਾਹਰ ਮੌਜੂਦ ਸੇਵਾਦਾਰ ਤੁਰੰਤ ਹਰਕਤ ਵਿੱਚ ਆ ਗਏ ਅਤੇ ਮਰੀਜ਼ਾਂ ਨੂੰ ਉਨ੍ਹਾਂ ਦੇ ਬਿਸਤਰਿਆਂ ਸਮੇਤ ਬਾਹਰ ਕੱਢਣਾ ਸ਼ੁਰੂ ਕਰ ਦਿੱਤਾ।
ਇਸ ਘਟਨਾ ਵਿੱਚ ਦਮ ਘੁੱਟਣ ਨਾਲ ਘੱਟੋ-ਘੱਟ 7 ਮਰੀਜ਼ਾਂ ਦੀ ਮੌਤ ਹੋ ਗਈ, ਅਤੇ ਕਈ ਹੋਰ ਗੰਭੀਰ ਹਾਲਤ ਵਿੱਚ ਹਨ।
ਟਰਾਮਾ ਸੈਂਟਰ ਵਿੱਚ ਦੂਜੀ ਮੰਜ਼ਿਲ ‘ਤੇ ਦੋ ਆਈਸੀਯੂ ਹਨ ਇੱਕ ਟਰਾਮਾ ਆਈਸੀਯੂ ਅਤੇ ਇੱਕ ਸੈਮੀ-ਆਈਸੀਯੂ। ਜਿੱਥੇ 24 ਮਰੀਜ਼ ਸਨ। 11 ਟਰਾਮਾ ਆਈਸੀਯੂ ਵਿੱਚ ਅਤੇ 13 ਸੈਮੀ-ਆਈਸੀਯੂ ਵਿੱਚ। ਟਰਾਮਾ ਆਈਸੀਯੂ ਵਿੱਚ ਸ਼ਾਰਟ ਸਰਕਟ ਹੋਇਆ, ਅਤੇ ਅੱਗ ਤੇਜ਼ੀ ਨਾਲ ਫੈਲ ਗਈ, ਜਿਸ ਨਾਲ ਜ਼ਹਿਰੀਲੀਆਂ ਗੈਸਾਂ ਨਿਕਲੀਆਂ। ਜ਼ਿਆਦਾਤਰ ਗੰਭੀਰ ਮਰੀਜ਼ ਬੇਹੋਸ਼ ਸਨ।
