ਅਮਰੀਕਾ ਅਤੇ ਚੀਨ ਵਿੱਚ ਹੋਇਆ ਵਪਾਰ ਸਮਝੌਤਾ – ‘ਟਰੇਡ ਵਾਰ ਬੰਦ’ – ਪੜ੍ਹੋ ਕੀ ਹੋਇਆ ਫੈਂਸਲਾ 

ਨਿਊਜ਼ ਪੰਜਾਬ

12 ਜੂਨ 2025

USA ਅਤੇ ਚੀਨ ਵਿੱਚ ਟਰੇਡ ਵਾਰ ਬੰਦ ਹੋ ਗਈ ਹੈ, ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੁੱਧਵਾਰ ਨੂੰ ਕਿਹਾ ਕਿ ਅਮਰੀਕਾ ਅਤੇ ਚੀਨ ਵਿਚਕਾਰ ਵਪਾਰ ‘ਤੇ ਇੱਕ ਸਮਝੌਤਾ ਹੋ ਗਿਆ ਹੈ। ਇਹ ਸਮਝੌਤਾ ਲੰਡਨ ਵਿੱਚ ਦੋ ਦਿਨਾਂ ਦੀ ਤੀਬਰ ਗੱਲਬਾਤ ਤੋਂ ਬਾਅਦ ਹੋਇਆ, ਜਿਸ ਨੂੰ ਹੁਣ ਸਿਰਫ਼ ਟਰੰਪ ਅਤੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੀ ਅੰਤਿਮ ਪ੍ਰਵਾਨਗੀ ਦੀ ਲੋੜ ਹੈ।

ਟਰੰਪ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਟਰੂਥ ਸੋਸ਼ਲ ‘ਤੇ ਲਿਖਿਆ – ‘ਸਾਡਾ ਚੀਨ ਨਾਲ ਇੱਕ ਸਮਝੌਤਾ ਹੈ, ਜੋ ਕਿ ਸ਼ੀ ਅਤੇ ਮੇਰੇ ਦੁਆਰਾ ਅੰਤਿਮ ਪ੍ਰਵਾਨਗੀ ਦੇ ਅਧੀਨ ਹੈ।’

ਇਹਨਾ ਮੁੱਦਿਆਂ ਤੇ ਐਲਾਨ ਹੋ ਸਕਦਾ

ਚੀਨ ਅਮਰੀਕਾ ਨੂੰ ਜ਼ਰੂਰੀ ਦੁਰਲੱਭ ਧਰਤੀ ਦੇ ਖਣਿਜ ਪ੍ਰਦਾਨ ਕਰੇਗਾ, ਜੋ ਤਕਨਾਲੋਜੀ ਅਤੇ ਰੱਖਿਆ ਖੇਤਰ ਲਈ ਬਹੁਤ ਮਹੱਤਵਪੂਰਨ ਹਨ। ਅਮਰੀਕਾ ਚੀਨੀ ਵਿਦਿਆਰਥੀਆਂ ਨੂੰ ਉੱਚ ਸਿੱਖਿਆ ਪ੍ਰਾਪਤ ਕਰਨ ਦੀ ਆਗਿਆ ਦੇਵੇਗਾ, ਜਿਸ ਨਾਲ ਹਜ਼ਾਰਾਂ ਵਿਦਿਆਰਥੀਆਂ ਨੂੰ ਦੁਬਾਰਾ ਅਮਰੀਕੀ ਯੂਨੀਵਰਸਿਟੀਆਂ ਵਿੱਚ ਪੜ੍ਹਨ ਦੀ ਆਗਿਆ ਮਿਲੇਗੀ। ਟਰੰਪ ਨੇ ਕਿਹਾ ਹੈ ਕਿ ਅਮਰੀਕਾ 55% ਟੈਰਿਫ (ਆਯਾਤ ਡਿਊਟੀ) ਲਗਾਏਗਾ, ਜਦੋਂ ਕਿ ਚੀਨ ਸਿਰਫ 10% ਟੈਰਿਫ ਲਗਾਏਗਾ, ਜਿਸਦਾ ਅਰਥ ਹੈ ਕਿ ਅਮਰੀਕਾ ਨੂੰ ਵਪਾਰਕ ਲਾਭ ਮਿਲੇਗਾ।