ਦਿੱਲੀ ਦੇ ਜੰਗਪੁਰਾ’ਚ ਬੁਲਡੋਜ਼ਰ ਐਕਸ਼ਨ:ਹਾਈ ਕੋਰਟ ਦੇ ਆਦੇਸ਼’ ਤ ਮਦਰਾਸੀ ਕੈਂਪ ਵਿੱਚ ਢਾਹੁਣ ਦੀ ਮੁਹਿੰਮ

ਨਿਊਜ਼ ਪੰਜਾਬ

1 ਜੂਨ 2025

ਦਿੱਲੀ ਦੇ ਜੰਗਪੁਰਾ ਦੇ ਮਦਰਾਸੀ ਕੈਂਪ ਵਿੱਚ ਐਤਵਾਰ ਨੂੰ ਨਾਜਾਇਜ਼ ਕਬਜ਼ੇ ਹਟਾਉਣ ਲਈ ਢਾਹੁਣ ਦੀ ਮੁਹਿੰਮ ਸ਼ੁਰੂ ਕੀਤੀ ਗਈ। ਇਹ ਮੁਹਿੰਮ ਦਿੱਲੀ ਹਾਈ ਕੋਰਟ ਵੱਲੋਂ ਬਾਰਾਪੁਲਾ ਨਾਲੇ ਦੇ ਨਾਲ ਲੱਗਦੀਆਂ ਝੁੱਗੀਆਂ ਨੂੰ ਸਾਫ਼ ਕਰਨ ਦੇ ਹੁਕਮ ਤੋਂ ਬਾਅਦ ਸ਼ੁਰੂ ਕੀਤੀ ਗਈ ਹੈ।

ਢਾਹੁਣ ਦੀ ਮੁਹਿੰਮ ਨੂੰ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਨ ਲਈ ਮੌਕੇ ‘ਤੇ ਪੁਲਿਸ ਤਾਇਨਾਤ ਕੀਤੀ ਗਈ ਸੀ। ਅਣਅਧਿਕਾਰਤ ਕਲੋਨੀ ਦੇ ਕਈ ਨਿਵਾਸੀਆਂ, ਜਿਸ ਵਿੱਚ ਜ਼ਿਆਦਾਤਰ ਤਾਮਿਲਨਾਡੂ ਦੇ ਲੋਕ ਰਹਿੰਦੇ ਸਨ, ਨੇ ਢਾਹੁਣ ਦਾ ਵਿਰੋਧ ਕੀਤਾ ਸੀ।ਬਾਰਾਪੁਲਾ ਨਾਲੇ ‘ਤੇ ਕਬਜ਼ੇ ਅਤੇ ਅਣਅਧਿਕਾਰਤ ਉਸਾਰੀ ਨੂੰ ਹਟਾਉਣ ਲਈ ਅਧਿਕਾਰੀਆਂ ਵੱਲੋਂ ਢਾਹੁਣ ਦਾ ਨੋਟਿਸ ਜਾਰੀ ਕੀਤੇ ਜਾਣ ਤੋਂ ਬਾਅਦ ਵਸਨੀਕ ਦਿੱਲੀ ਹਾਈ ਕੋਰਟ ਪਹੁੰਚੇ। ਇਹ ਢਾਹੁਣਾ ਪਹਿਲਾਂ 10 ਮਈ ਨੂੰ ਹੋਣਾ ਸੀ, ਪਰ ਦਿੱਲੀ ਹਾਈ ਕੋਰਟ ਦੇ ਹੁਕਮ ਤੋਂ ਬਾਅਦ ਇਸਨੂੰ 1 ਜੂਨ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਸੀ।