ਨੀਂਦ ਨਾ ਆਉਣ ਅਤੇ ਡਿਪਰੈਸ਼ਨ ਵਧਣ ਦਾ ਕਾਰਨ ਲਭਿਆ ਵਿਗਿਆਨੀਆਂ ਨੇ – ਕਿਵੇਂ ਕਾਬੂ ਪਾ ਸਕਦੇ ਹੋ : ਹੱਲ ਵੀ ਦੱਸਿਆ 

ਡਾ. ਗੁਰਪ੍ਰੀਤ ਸਿੰਘ / ਨਿਊਜ਼ ਪੰਜਾਬ 

ਬੱਚਿਆਂ ਅਤੇ ਜਵਾਨਾਂ ਲਈ ਮੋਬਾਈਲ, ਟੈਬਲੇਟ ਅਤੇ ਕੰਪਿਊਟਰ ਸਕ੍ਰੀਨਾਂ ‘ਤੇ ਵਧੇਰੇ ਸਮਾਂ ਬਿਤਾਉਣਾ ਸਿਹਤ ਲਈ ਨੁਕਸਾਨਦੇਹ ਸਾਬਤ ਹੋ ਸਕਦਾ ਹੈ,

ਇੱਕ ਅਧਿਐਨ ਨੇ  ਵਧੇਰੇ  ਸਕ੍ਰੀਨ ਵੇਖਣ ਦੀ ਆਦਤ ਨਾਲ ਚੰਗੀ ਨੀਂਦ ਵਿੱਚ ਵਿਘਨ ਪੈਣ ਅਤੇ ਡਿਪਰੈਸ਼ਨ ਵਰਗੀਆਂ ਬਿਮਾਰੀਆਂ ਦੇ ਅਸਰ ਪੈਣ ਬਾਰੇ ਸਪਸ਼ਟ ਕੀਤਾ ਹੈ ,

ਅਧਿਐਨਾਂ  ਅਨੁਸਾਰ ਸਕ੍ਰੀਨ ‘ਤੇ ਬਹੁਤ ਜ਼ਿਆਦਾ ਸਮਾਂ ਬਿਤਾਉਣਾ ਨੀਂਦ ਅਤੇ ਮਾਨਸਿਕ ਸਿਹਤ ਸਮੱਸਿਆਵਾਂ, ਜਿਵੇਂ ਕਿ ਚਿੰਤਾ ਅਤੇ ਡਿਪਰੈਸ਼ਨ ਨੂੰ ਸੱਦਾ ਦੇਣਾ ਹੈ।

ਸਵੀਡਨ ਦੇ ਕੈਰੋਲਿੰਸਕਾ ਇੰਸਟੀਚਿਊਟ ਦੇ ਖੋਜਕਰਤਾਵਾਂ ਦੁਆਰਾ ਜਰਨਲ PLOS ਗਲੋਬਲ ਪਬਲਿਕ ਹੈਲਥ ਵਿੱਚ ਪ੍ਰਕਾਸ਼ਿਤ ਇੱਕ ਨਵੇਂ ਅਧਿਐਨ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ।  ਹੁਣ ਤੱਕ ਇਹ ਸਪੱਸ਼ਟ ਨਹੀਂ ਸੀ ਕਿ ਨੀਂਦ ਦੀਆਂ ਸਮੱਸਿਆਵਾਂ ਡਿਪਰੈਸ਼ਨ ਦਾ ਕਾਰਨ ਬਣਦੀਆਂ ਹਨ, ਜਾਂ ਡਿਪਰੈਸ਼ਨ ਨੀਂਦ ਵਿੱਚ ਵਿਘਨ ਪਾਉਂਦੀ ਹੈ।

ਇਸ ਸਵਾਲ ਦਾ ਜਵਾਬ ਲੱਭਣ ਲਈ, ਸਵੀਡਨ ਦੇ ਕੈਰੋਲਿੰਸਕਾ ਇੰਸਟੀਚਿਊਟ ਦੇ ਵਿਗਿਆਨੀਆਂ ਨੇ 12 ਤੋਂ 18 ਸਾਲ ਦੀ ਉਮਰ ਦੇ 4,810 ਵਿਦਿਆਰਥੀਆਂ ‘ਤੇ ਇੱਕ ਸਾਲ ਲਈ ਅਧਿਐਨ ਕੀਤਾ। ਉਨ੍ਹਾਂ ਨੇ ਵਿਦਿਆਰਥੀਆਂ ਦੇ ਸਕ੍ਰੀਨ ਸਮੇਂ, ਨੀਂਦ ਦੀ ਗੁਣਵੱਤਾ ਅਤੇ ਡਿਪਰੈਸ਼ਨ ਦੇ ਲੱਛਣਾਂ ਦਾ ਮੁਲਾਂਕਣ ਕੀਤਾ।

ਖੋਜ ਵਿੱਚ ਇਹ ਦੇਖਿਆ ਗਿਆ ਕਿ ਤਿੰਨ ਮਹੀਨਿਆਂ ਦੇ ਅੰਦਰ, ਇਨ੍ਹਾਂ ਵਿਦਿਆਰਥੀਆਂ ਦੀ ਨੀਂਦ ਸਕ੍ਰੀਨ ‘ਤੇ ਜ਼ਿਆਦਾ ਸਮਾਂ ਬਿਤਾਉਣ ਕਾਰਨ ਖਰਾਬ ਹੋਣ ਲੱਗੀ। ਇਸ ਕਾਰਨ ਉਨ੍ਹਾਂ ਦੀ ਨੀਂਦ ਦਾ ਸਮਾਂ ਘੱਟ ਗਿਆ ਅਤੇ ਇਸਦੀ ਗੁਣਵੱਤਾ ਵੀ ਵਿਗੜ ਗਈ। ਬਹੁਤ ਸਾਰੇ ਕਿਸ਼ੋਰ ਰਾਤ ਨੂੰ ਦੇਰ ਨਾਲ ਸੌਣ ਲੱਗ ਪਏ।

ਸਕ੍ਰੀਨ ਟਾਈਮ ‘ਤੇ ਵੱਧ ਸਮਾਂ ਨਾ ਬਿਤਾਓ

ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਸਕ੍ਰੀਨ ਟਾਈਮ ਇੱਕੋ ਸਮੇਂ ਨੀਂਦ ਦੀਆਂ ਕਈ ਪਰਤਾਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਇਸਦਾ ਪ੍ਰਭਾਵ ਕੁੜੀਆਂ ਵਿੱਚ ਡਿਪਰੈਸ਼ਨ ਦੇ ਰੂਪ ਵਿੱਚ ਦੇਖਿਆ ਗਿਆ,ਖੋਜਕਰਤਾਵਾਂ ਨੇ ਪਾਇਆ ਕਿ ਕੁੜੀਆਂ ਵਿੱਚ, 38 ਤੋਂ 57 ਪ੍ਰਤੀਸ਼ਤ ਮਾਮਲਿਆਂ ਵਿੱਚ, ਸਕ੍ਰੀਨ ਸਮੇਂ ਦਾ ਵਧਣਾ ਨੀਂਦ ਵਿੱਚ ਵਿਘਨ ਅਤੇ ਬਾਅਦ ਵਿੱਚ ਉਦਾਸੀ ਦਾ ਕਾਰਨ ਬਣਦਾ ਹੈ, ਜਦੋਂ ਕਿ ਮੁੰਡਿਆਂ ਵਿੱਚ, ਸਕ੍ਰੀਨ ਸਮੇਂ ਦਾ ਵਧਣਾ ਨੀਂਦ ਵਿੱਚ ਵਿਘਨ ਦਾ ਕਾਰਨ ਬਣਦਾ ਹੈ ਅਤੇ ਚਿੜਚਿੜਾਪਨ ਵੱਧਦਾ ਹੈ ।

ਜਦੋਂ ਕਿ ਮੁੰਡੇ ਨੀਂਦ ਦੀ ਘਾਟ ਕਾਰਨ ਉਨ੍ਹਾਂ ਦੇ ਵਿਵਹਾਰ ਵਿੱਚ ਚਿੜਚਿੜਾਪਨ ਜਾਂ ਗੁੱਸਾ ਸਾਫ਼ ਦਿਖਾਈ ਦੇ ਰਿਹਾ ਸੀ। ਸਵੀਡਨ ਦੀ ਪਬਲਿਕ ਹੈਲਥ ਏਜੰਸੀ ਨੇ ਸਤੰਬਰ 2024 ਵਿੱਚ ਸਿਫ਼ਾਰਸ਼ ਕੀਤੀ ਸੀ ਕਿ ਕਿਸ਼ੋਰਾਂ ਨੂੰ ਆਪਣੀ ਨੀਂਦ ਨੂੰ ਬਿਹਤਰ ਬਣਾਉਣ ਲਈ ਆਪਣੇ ਵਿਹਲੇ ਸਮੇਂ ਵਿੱਚ ਸਕ੍ਰੀਨ ਦੀ ਵਰਤੋਂ ਨੂੰ ਪ੍ਰਤੀ ਦਿਨ 2 ਤੋਂ 3 ਘੰਟੇ ਤੋਂ ਵੱਧ ਨਹੀਂ ਕਰਨਾ ਚਾਹੀਦਾ। ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਅਜਿਹੇ ਦਿਸ਼ਾ-ਨਿਰਦੇਸ਼ ਕਿਸ਼ੋਰਾਂ ਦੀ ਮਾਨਸਿਕ ਸਿਹਤ ‘ਤੇ ਸਕਾਰਾਤਮਕ ਪ੍ਰਭਾਵ ਪਾ ਸਕਦੇ ਹਨ।

ਪੂਰੀ ਰਿਪੋਰਟ ਪੜ੍ਹਨ ਲਈ ਇਸ ਲਿੰਕ ਨੂੰ ਟੱਚ ਕਰੋ

https://news.ki.se/screen-habits-among-youth-may-increase-depression-levels-through-poor-sleep

News Punjab

ਹੋਰ ਰਿਪੋਰਟਾਂ ਮੁਤਾਬਿਕ ਤੁਹਾਨੂੰ 24 ਘੰਟਿਆਂ ਵਿੱਚ ਪੂਰੀ ਨੀਂਦ ਲੈਣੀ ਚਾਹੀਦੀ ਹੈ, ਜਿਸ ਨਾਲ ਸਰੀਰ ਤੰਦਰੁਸਤ ਰਹਿੰਦਾ ਹੈ

How many hours of sleep are enough for good health?
Age group Recommended amount of sleep
3 to 5 years : 10 to 13 hours per 24 hours, including naps
6 to 12 years : 9 to 12 hours per 24 hours
13 to 18 years : 8 to 10 hours per 24 hours
Adults : 7 or more hours a night