ਪੰਜਾਬ’ਚ ਸਕੂਲ ਬੱਸ ਨਾਲ ਵਾਪਰਿਆ ਹਾਦਸਾ,ਸੰਘਣੀ ਧੁੰਦ ਕਾਰਨ ਬੱਸ ਨੂੰ ਇਕ ਤੋਂ ਬਾਅਦ ਇਕ 3 ਗੱਡੀਆਂ ਨੇ ਮਗਰੋਂ ਆ ਕੇ ਮਾਰੀ ਟੱਕਰ

ਪੰਜਾਬ ਨਿਊਜ਼,

ਜਲੰਧਰ-ਪਠਾਨਕੋਟ ਨੈਸ਼ਨਲ ਹਾਈਵੇਅ ‘ਤੇ ਸਕੂਲ ਬੱਸ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਬੱਸ ਵਿਚ ਕੁਝ ਵਿਦਿਆਰਥੀ ਵੀ ਸਵਾਰ ਸਨ। 3 ਗੱਡੀਆਂ ਨੇ ਇਸ ਬੱਸ ਨੂੰ ਮਗਰੋਂ ਆ ਕੇ ਵੀ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਇਹ ਗੱਡੀਆਂ ਵੀ ਕਾਫ਼ੀ ਨੁਕਸਾਨੀਆਂ ਗਈ।

ਜਾਣਕਾਰੀ ਮੁਤਾਬਕ ਇਕ ਨਿੱਜੀ ਸਕੂਲ ਦੀ ਬੱਸ ਰੋਜ਼ਾਨਾ ਵਾਂਗ ਸਵੇਰੇ ਬੱਚਿਆਂ ਨੂੰ ਸਕੂਲ ਲਿਜਾ ਰਹੀ ਸੀ। ਇਸ ਦੌਰਾਨ ਜਲੰਧਰ-ਪਠਾਨਕੋਟ ਨੈਸ਼ਨਲ ਹਾਈਵੇਅ ‘ਤੇ ਇਹ ਹਾਦਸਾ ਵਾਪਰ ਗਿਆ। ਸੰਘਣੀ ਧੁੰਦ ਕਾਰਨ ਬੱਸ ਨੂੰ ਇਕ ਤੋਂ ਬਾਅਦ ਇਕ 3 ਗੱਡਿਆਂ ਨੇ ਮਗਰੋਂ ਆ ਕੇ ਟੱਕਰ ਮਾਰ ਦਿੱਤੀ। ਇਸ ਦੌਰਾਨ ਕਾਰਾਂ ਵੀ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ ਹਨ। ਉਕਤ ਬੱਸ ਵਿਚ 4-5 ਬੱਚੇ ਸਵਾਰ ਸਨ। ਇਸ ਦੌਰਾਨ ਕਿਸੇ ਕਿਸਮ ਦੇ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ ਹੈ।