ਇੰਗਲੈਂਡ ਦੇ ਰਾਜਕੁਮਾਰ ਪ੍ਰਿੰਸ ਚਾਰਲਸ ਵੀ ਕੋਰੋਨਾ ਵਾਇਰਸ ਦੀ ਲਪੇਟ ‘ਚ
ਲੰਡਨ, 25 ਮਾਰਚ (ਨਿਊਜ਼ ਪੰਜਾਬ ) – ਬਰਾਤਾਨੀਆ ਦੇ 71 ਸਾਲਾ ਰਾਜਕੁਮਾਰ ਪ੍ਰਿੰਸ ਚਾਰਲਸ ਦਾ ਕੋਰੋਨਾ ਵਾਇਰਸ ਟੈਸਟ ਪਾਜ਼ਿਟਵ ਆਇਆ ਹੈ। ਮੀਡੀਆ ਦੀਆਂ ਖਬਰਾਂ ਅਨੁਸਾਰ ਟੈਸਟ ਪਾਜ਼ਿਟਵ ਆਉਣ ਤੋਂ ਬਾਅਦ ਉਹਨਾ ਨੂੰ ਸਕਾਟਲੈਂਡ ਘਰ ਵਿੱਚ ਆਈਸੋਲੇਟ ਕੀਤਾ ਗਿਆ ਹੈ। ਪ੍ਰਿੰਸ ਚਾਰਲਸ ਦੀ ਰਿਪੋਰਟ ਬਾਰੇ ਸ਼ਾਹੀ ਮਹੱਲ ਵੱਲੋਂ ਪੁਸ਼ਟੀ ਕੀਤੀ ਗਈ ਹੈ। ਕੋਰੋਨਾ ਵਾਇਰਸ ਨਾਲ ਯੂ ਕੇ ਵਿੱਚ 422 ਮੌਤਾਂ ਅਤੇ ਮਰੀਜ਼ਾ ਦੀ ਗਿਣਤੀ ੮੦੭੭ਤੇ ਪੁੱਜ ਚੁੱਕੀ ਹੈ | ਇਸ ਤੋਂ ਪਹਿਲਾਂ ਇੰਗਲੈਂਡ ਦੀ ਮਹਾਰਾਣੀ ਵੀ ਆਪਣਾ ਮਹਿਲ ਬਦਲ ਚੁੱਕੀ ਹੈ | ਇਸ ਤੋਂ ਪਹਿਲਾਂ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਦੀ ਧਰਮ ਪਤਨੀ ਵੀ ਕੋਰੋਨਾ ਵਾਇਰਸ ਦੀ ਲਪੇਟ ਵਿਚ ਆ ਚੁੱਕੀ ਹੈ , ਉਹ ਵੀ ਕੁਝ ਦਿਨ ਪਹਿਲਾਂ ਇੰਗਲੈਂਡ ਤੋਂ ਪਰਤੇ ਸਨ |