‘ ਟਾਈਮ ‘ ਨੇ ਸਾਲ 2020 ਦੇ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਵਿੱਚ ਟਰੰਪ ਅਤੇ ਜਿਨਪਿੰਗ ਦੇ ਨਾਲ ਮੋਦੀ ਦਾ ਨਾਮ ਕੀਤਾ ਸ਼ਾਮਲ
ਨਿਊਜ਼ ਪੰਜਾਬ 23 ਸਤੰਬਰ
ਦੁਨੀਆ ਦੇ ਸਭ ਤੋਂ ਵੱਕਾਰੀ ਰਸਾਲਿਆਂ ਵਿਚੋਂ ਇਕ ‘ ਟਾਈਮ ‘ ਨੇ ਸਾਲ 2020 ਦੇ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਹੈ ਟਾਈਮ ਮੈਗਜ਼ੀਨ ਹਰ ਸਾਲ ਇਸ ਸੂਚੀ ਨੂੰ ਜਾਰੀ ਕਰਦਾ ਹੈ, ਇਸ ਵਿਚ ਵੱਖ-ਵੱਖ ਖੇਤਰਾਂ ਦੇ ਵਿਅਕਤੀ ਸ਼ਾਮਲ ਹੁੰਦੇ ਹਨ. ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਚੀਨ ਦੇ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੇ ਨਾਲ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਨਾਮ ਇਕ ਵਾਰ ਫਿਰ ਇਸ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ, ਪਰ ਦਿਲਚਸਪ ਗੱਲ ਇਹ ਹੈ ਕਿ ਇਸ ਵਾਰ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦਾ ਨਾਮ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਤੋਂ ਪਹਿਲਾਂ ਲਿਖਿਆ ਗਿਆ ਹੈ।
ਟਾਈਮ ਰਸਾਲੇ ਵਲੋਂ ਆਪਣੇ ਅਧਿਕਾਰਿਤ ਟਵੀਟ ਅਕਾਊਂਟ ਤੋਂ ਉਕਤ ਜਾਣਕਾਰੀ ਸਾਂਝੀ ਕਰਦਿਆਂ 100 ਪ੍ਰਭਾਵਸ਼ਾਲੀ ਵਿਅਕਤੀਆਂ ਦੀ ਸੂਚੀ ਸਾਹਮਣੇ ਲਿਆਂਦੀ ਹੈ I
ਟਾਈਮ ਰਸਾਲਾ ਆਪਣੇ ਰਸਾਲੇ ਵਿਚ ਦੁਨੀਆ ਭਰ ਦੇ 100 ਪ੍ਰਭਾਵਸ਼ਾਲੀ ਲੋਕਾਂ ਦੀ ਚੋਣ ਕਰਕੇ ਤਰਜੀਹੀ ਅਧਾਰ ਤੇ ਛਾਪਦਾ ਹੈ. ਇਸ ਵਾਰ ਇਸ ਵਿੱਚ ਦੋ ਦਰਜਨ ਦੇ ਕਰੀਬ ਨੇਤਾ ਵੀ ਸ਼ਾਮਲ ਕੀਤੇ ਗਏ ਹਨ। ਇਸ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਨਾਮ ਵੀ ਸ਼ਾਮਲ ਹੈ ਅਤੇ ਇਕਲੌਤੇ ਭਾਰਤੀ ਨੇਤਾ ਹਨ ਜਿਨ੍ਹਾਂ ਦਾ ਨਾਮ ਸੂਚੀ ਵਿਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ, ਰਸਾਲੇ ਨੇ ਪ੍ਰਭਾਵਸ਼ਾਲੀ ਲੋਕਾਂ ਦੀ ਸੂਚੀ ਵਿਚ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ, ਕਮਲਾ ਹੈਰਿਸ, ਜੋ ਬਿਡੇਨ, ਐਂਜੇਲਾ ਮਾਰਕਲ ਅਤੇ ਨੈਨਸੀ ਪੌਲੋਸੀ ਵਰਗੇ ਵੱਡੇ ਨੇਤਾਵਾਂ ਨੂੰ ਸ਼ਾਮਲ ਕੀਤਾ ਹੈ.
=====ਤਸਵੀਰਾਂ – ਟਾਈਮ ਟਵੀਟਸ ਦੇ ਧੰਨਵਾਦ ਸਾਹਿਤ
