ਅਮ੍ਰਿਤਸਰ ਵਿੱਚ ਬਾਰਸ਼ ਕਾਰਨ ਇਮਾਰਤ ਡਿੱਗੀ – 3 ਮੌਤਾਂ , ਕਈ ਫੱਟੜ

ਨਿਊਜ਼ ਪੰਜਾਬ
ਅੰਮ੍ਰਿਤਸਰ, 28 ਅਗਸਤ – ਅੱਜ ਤੜਕਸਾਰ ਅੰਮ੍ਰਿਤਸਰ ‘ਚ ਹੋਈ ਬਾਰਿਸ਼ ਕਾਰਨ ਇੱਕ ਇਮਾਰਤ ਡਿੱਗਣ ਨਾਲ 3 ਵਿਅਕਤੀਆਂ ਦੇ ਮਾਰੇ ਜਾਣ ਅਤੇ ਅੱਧੀ ਦਰਜਨ ਦੇ ਕਰੀਬ ਫੱਟੜ ਹੋਣ ਦੀ ਸੂਚਨਾ ਹੈ I
ਇਲਾਕਾ ਸੁਲਤਾਨਵਿੰਡ ਰੋਡ ‘ਤੇ ਗੁਰੂ ਨਾਨਕ ਪੁਰਾ ਆਬਾਦੀ ਦੀ ਗਲੀ ਨੰਬਰ ਦੋ ‘ਚ ਇੱਕ ਤਿੰਨ ਮੰਜ਼ਿਲਾ ਇਮਾਰਤ ਦੇ ਡਿੱਗਣ ਨਾਲ ਤਿੰਨ ਦੇ ਕਰੀਬ ਵਿਅਕਤੀਆਂ ਦੀ ਮੌਤ ਹੋ ਗਈ। ਪ੍ਰਾਪਤ ਵੇਰਵਿਆਂ ਦੇ ਅਨੁਸਾਰ ਤੜਕੇ ਕਰੀਬ ਢਾਈ ਵਜੇ ਦੇ ਕਰੀਬ ਇਹ ਇਮਾਰਤ ਡਿੱਗੀ ਜਿਸ ਕਾਰਨ ਤਿੰਨ ਵਿਅਕਤੀ ਮਲਬੇ ਹੇਠ ਦੱਬੇ ਗਏ। ਜ਼ਖਮੀ ਹੋਏ ਕੁਝ ਵਿਅਕਤੀਆਂ ਨੂੰ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਹੈ। ਇਲਾਕੇ ਦੇ ਪੁਲਿਸ ਅਧਿਕਾਰੀ ਮੌਕੇ ਤੇ ਪੁੱਜ ਗਏ ਹਨ ।