ਨਿਊਜ਼ ਪੰਜਾਬ
21 ਸਤੰਬਰ,2026
ਜਾਪਾਨ ਦੇ ਨਗੋਇਆ ਵਿੱਚ ਚੱਲ ਰਹੀਆਂ ਏਸ਼ੀਅਨ ਗੇਮਸ ਦੇ ਦੂਜੇ ਦਿਨ ਭਾਰਤ ਨੇ ਸ਼ੂਟਿੰਗ ਵਿੱਚ ਇੱਕ ਹੋਰ ਤਮਗਾ ਆਪਣੇ ਨਾਮ ਕਰ ਲਿਆ ਹੈ। ਪੁਰਸ਼ਾਂ ਦੀ 10 ਮੀਟਰ ਏਅਰ ਰਾਈਫਲ ਟੀਮ ਈਵੈਂਟ ਵਿੱਚ ਪਾਰਥ ਮਾਨੇ, ਰੁਦਰਾਂਕਸ਼ ਪਾਟਿਲ ਅਤੇ ਹਿਮਾਂਸ਼ੂ ਢਿੱਲੋਂ ਦੀ ਭਾਰਤੀ ਟੀਮ ਨੇ 1890.1 ਅੰਕ ਹਾਸਲ ਕਰਕੇ ਸਿਲਵਰ ਮੈਡਲ ਜਿੱਤਿਆ। ਚੀਨ ਨੇ 1899.9 ਅੰਕਾਂ ਨਾਲ ਸੋਨੇ ਦਾ ਤਮਗਾ ਜਿੱਤਿਆ, ਜਦਕਿ ਦੱਖਣੀ ਕੋਰੀਆ ਤੀਜੇ ਸਥਾਨ ’ਤੇ ਰਿਹਾ। ਇਸ ਤਮਗੇ ਨਾਲ ਭਾਰਤ ਦੇ ਏਸ਼ੀਅਨ ਗੇਮਸ ਵਿੱਚ ਹੁਣ ਤੱਕ ਕੁੱਲ 3 ਮੈਡਲ ਹੋ ਗਏ ਹਨ ਅਤੇ ਤਿੰਨੋਂ ਤਮਗੇ ਸ਼ੂਟਿੰਗ ਵਿੱਚ ਹੀ ਆਏ ਹਨ। ਇਸ ਦੌਰਾਨ ਰੁਦਰਾਂਕਸ਼ ਪਾਟਿਲ ਅਤੇ ਪਾਰਥ ਮਾਨੇ ਦੇ ਪਿਛਲੇ ਅੰਤਰਰਾਸ਼ਟਰੀ ਪ੍ਰਦਰਸ਼ਨ ਨੇ ਵੀ ਇਸ ਜਿੱਤ ਨੂੰ ਖਾਸ ਬਣਾਇਆ ਹੈ।
