ਨਿਊਜ਼ ਪੰਜਾਬ
28 ਜੂਨ,2026
ਹਰਿਆਣਾ ਪੁਲਿਸ ਵਿੱਚ ਇੱਕ ਵਾਰ ਫਿਰ ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ ਕੀਤਾ ਗਿਆ ਹੈ। ਪੁਲਿਸ ਡਾਇਰੈਕਟਰ ਜਨਰਲ (ਡੀਜੀਪੀ) ਦਫ਼ਤਰ ਵੱਲੋਂ ਜਾਰੀ ਹੁਕਮਾਂ ਅਨੁਸਾਰ 23 ਪੁਲਿਸ ਇੰਸਪੈਕਟਰਾਂ ਦੇ ਤਬਾਦਲੇ ਜਨਤਕ ਹਿੱਤ ਅਤੇ ਪ੍ਰਸ਼ਾਸਨਿਕ ਲੋੜਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਤੁਰੰਤ ਪ੍ਰਭਾਵ ਨਾਲ ਲਾਗੂ ਕਰ ਦਿੱਤੇ ਗਏ ਹਨ।
ਇਸ ਫੇਰਬਦਲ ਤਹਿਤ ਪੰਚਕੂਲਾ, ਗੁਰੂਗ੍ਰਾਮ, ਹਿਸਾਰ, ਅੰਬਾਲਾ, ਰੋਹਤਕ, ਕੈਥਲ, ਸਿਰਸਾ, ਜੀਂਦ, ਪਲਵਲ, ਚਰਖੀ ਦਾਦਰੀ, ਭਿਵਾਨੀ, ਮਹਿੰਦਰਗੜ੍ਹ ਅਤੇ ਫਰੀਦਾਬਾਦ ਸਮੇਤ ਕਈ ਜ਼ਿਲ੍ਹਿਆਂ ਵਿੱਚ ਨਵੀਆਂ ਤਾਇਨਾਤੀਆਂ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ (ACB), ਸਟੇਟ ਕ੍ਰਾਈਮ ਬ੍ਰਾਂਚ (SCB) ਅਤੇ ਚੌਥੀ ਬਟਾਲੀਅਨ ਐਚ.ਏ.ਪੀ. ਵਰਗੀਆਂ ਅਹਿਮ ਇਕਾਈਆਂ ਵਿੱਚ ਵੀ ਅਧਿਕਾਰੀਆਂ ਦੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ ਹਨ। ਸਾਰੇ ਸੰਬੰਧਤ ਅਧਿਕਾਰੀਆਂ ਨੂੰ ਤੁਰੰਤ ਆਪਣੀਆਂ ਨਵੀਆਂ ਡਿਊਟੀਆਂ ਸੰਭਾਲਣ ਦੇ ਨਿਰਦੇਸ਼ ਜਾਰੀ ਕਰ ਦਿੱਤੇ ਗਏ ਹਨ।
