ਨਿਊਜ਼ ਪੰਜਾਬ
24 ਅਕਤੂਬਰ 2025
ਭਾਰਤ ਆਈ ਬ੍ਰਿਟੇਨ ਦੀ ਇੱਕ ਬਜ਼ੁਰਗ ਔਰਤ ਨੇ 117 ਮੀਟਰ ਦੀ ਉਚਾਈ ਤੋਂ ਛਾਲ ਮਾਰ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਸ ਔਰਤ ਦਾ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਿਹਾ ਹੈ। 83 ਸਾਲ ਦੀ ਉਮਰ ਵਿੱਚ ਔਰਤ ਦੇ ਇਸ ਜ਼ਜ਼ਬੇ ਨਾਲ ਹਰ ਕੋਈ ਹੈਰਾਨ ਹੈ। ਦੱਸ ਦਈਏ ਕਿ ਇਹ ਔਰਤ ਬ੍ਰਿਟੇਨ ਤੋਂ ਰਿਸ਼ੀਕੇਸ਼ ਪਹੁੰਚੀ ਸੀ, ਜਿੱਥੇ ਉਸਨੇ ਬਿਨਾਂ ਕਿਸੇ ਡਰ ਦੇ ਬੰਜੀ ਜੰਪਿੰਗ ਕਰਨ ਦਾ ਫੈਸਲਾ ਕੀਤਾ। ਔਰਤ ਸ਼ਿਵਪੁਰੀ ਬੰਜੀ ਜੰਪਿੰਗ ਸੈਂਟਰ ਪਹੁੰਚੀ ਅਤੇ 117 ਮੀਟਰ ਦੀ ਉਚਾਈ ਤੋਂ ਛਾਲ ਮਾਰ ਦਿੱਤੀ।
ਵੀਡੀਓ ਵਿੱਚ ਔਰਤ ਛਾਲ ਮਾਰਨ ਤੋਂ ਬਾਅਦ ਬਹੁਤ ਖੁਸ਼ ਦਿਖਾਈ ਦੇ ਰਹੀ ਹੈ ਅਤੇ ਹਵਾ ਵਿੱਚ ਆਪਣੇ ਹੱਥ ਹਿਲਾ ਰਹੀ ਹੈ। ਔਰਤ ਦਾ ਨਾਮ ਓਲੇਨਾ ਬੇਕੋ ਦੱਸਿਆ ਜਾ ਰਿਹਾ ਹੈ। ਹਰ ਕੋਈ ਉਸਦੀ ਹਿੰਮਤ ਅਤੇ ਦ੍ਰਿੜ ਇਰਾਦੇ ਦੀ ਪ੍ਰਸ਼ੰਸਾ ਕਰ ਰਿਹਾ ਹੈ। ਜਿਸ ਜਗ੍ਹਾ ‘ਤੇ ਉਸਨੇ ਇਹ ਬੰਜੀ ਜੰਪ ਕੀਤਾ ਉਹ ਸ਼ਿਵਪੁਰੀ ਵਿੱਚ ਹੈ।
