ਪ੍ਰਧਾਨ ਮੰਤਰੀ ਮੋਦੀ ਕੱਲ੍ਹ ਜਾਣਗੇ ਮਹਾਂਕੁੰਭ, ਪਵਿੱਤਰ ਸੰਗਮ’ ਚ ਕਰਨਗੇ ਇਸ਼ਨਾਨ,ਇਸ਼ਨਾਨ ਤੇ ਫੌਰਨ ਬਾਅਦ ਪਰਤਣਗੇ ਦਿੱਲੀ

ਨਿਊਜ਼ ਪੰਜਾਬ

4 ਫਰਵਰੀ 2025

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਮਹਾਂਕੁੰਭ ਦੌਰੇ ਨੂੰ ਅੰਤਿਮ ਰੂਪ ਦੇ ਦਿੱਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ 5 ਫਰਵਰੀ ਨੂੰ ਸਵੇਰੇ 11 ਵਜੇ ਤੋਂ 11.30 ਵਜੇ ਤੱਕ ਪਵਿੱਤਰ ਸੰਗਮ ਵਿੱਚ ਇਸ਼ਨਾਨ ਕਰਨਗੇ। ਪ੍ਰਧਾਨ ਮੰਤਰੀ ਦੇ ਦੌਰੇ ਦਾ ਪੂਰਾ ਸ਼ਡਿਊਲ ਜਾਰੀ ਕਰ ਦਿੱਤਾ ਗਿਆ ਹੈ। ਮਹਾਂਕੁੰਭ ਵਿੱਚ ਭਗਦੜ ਤੋਂ ਬਾਅਦ ਹੀ ਪ੍ਰਧਾਨ ਮੰਤਰੀ ਦੇ ਦੌਰੇ ਨੂੰ ਲੈ ਕੇ ਸਸਪੈਂਸ ਬਣਿਆ ਹੋਇਆ ਸੀ।

ਜਾਣਕਾਰੀ ਅਨੁਸਾਰ ਪ੍ਰਧਾਨ ਮੰਤਰੀ ਮੋਦੀ 10:05 ਵਜੇ ਪ੍ਰਯਾਗਰਾਜ ਹਵਾਈ ਅੱਡੇ ‘ਤੇ ਪਹੁੰਚਣਗੇ। 10:10 ਵਜੇ, ਪ੍ਰਧਾਨ ਮੰਤਰੀ ਪ੍ਰਯਾਗਰਾਜ ਹਵਾਈ ਅੱਡੇ ਤੋਂ ਡੀਪੀਐਸ ਹੈਲੀਪੈਡ ਪਹੁੰਚਣਗੇ, ਜਿੱਥੋਂ ਉਹ 10:45 ਵਜੇ ਅਰੇਲ ਘਾਟ ਪਹੁੰਚਣਗੇ। 10:50 ਵਜੇ ਪ੍ਰਧਾਨ ਮੰਤਰੀ ਅਰੇਲ ਘਾਟ ਤੋਂ ਕਿਸ਼ਤੀ ਰਾਹੀਂ ਮਹਾਂਕੁੰਭ ਪਹੁੰਚਣਗੇ।ਯਾਨੀ ਕਿ ਪ੍ਰਧਾਨ ਮੰਤਰੀ ਦਾ ਪ੍ਰੋਗਰਾਮ ਬੁੱਧਵਾਰ ਨੂੰ ਮਹਾਂਕੁੰਭ ਮੇਲੇ ਵਿੱਚ 11:00 ਵਜੇ ਤੋਂ 11:30 ਵਜੇ ਤੱਕ ਰਾਖਵਾਂ ਰੱਖਿਆ ਗਿਆ ਹੈ।

ਇਸ਼ਨਾਨ ਤੋਂ ਤੁਰੰਤ ਬਾਅਦ, ਪ੍ਰਧਾਨ ਮੰਤਰੀ ਸਵੇਰੇ ਲਗਭਗ 11:45 ਵਜੇ ਕਿਸ਼ਤੀ ਰਾਹੀਂ ਅਰੇਲ ਘਾਟ ਵਾਪਸ ਆਉਣਗੇ। ਅਰੇਲ ਘਾਟ ਤੋਂ, ਉਹ ਡੀਪੀਐਸ ਹੈਲੀਪੈਡ ਆਉਣਗੇ, ਜਿੱਥੋਂ ਉਹ ਪ੍ਰਯਾਗਰਾਜ ਹਵਾਈ ਅੱਡੇ ਰਾਹੀਂ ਸਿੱਧੇ ਦਿੱਲੀ ਵਾਪਸ ਆ ਜਾਣਗੇ। ਪ੍ਰਧਾਨ ਮੰਤਰੀ ਮੋਦੀ ਦਾ ਪ੍ਰਯਾਗਰਾਜ ਤੋਂ ਦੁਪਹਿਰ 12:30 ਵਜੇ ਹਵਾਈ ਸੈਨਾ ਦੇ ਜਹਾਜ਼ ਰਾਹੀਂ ਵਾਪਸ ਆਉਣ ਦਾ ਪ੍ਰੋਗਰਾਮ ਹੈ।