ਮਹਾਕੁੰਭ ‘ਚ ਹੁਣ ਤੱਕ 34 ਕਰੋੜ ਤੋਂ ਵੱਧ ਲੋਕਾਂ ਨੇ ਲਗਾਈ ਡੁੱਬਕੀ: ਹੈਲੀਕਾਪਟਰ ਰਾਹੀਂ ਭੀੜ ਅਤੇ ਸੁਰੱਖਿਆ ਦੀ ਨਿਗਰਾਨੀ; ਪ੍ਰਯਾਗਰਾਜ ‘ਚ 4 ਫਰਵਰੀ ਤੱਕ ਨਵੇਂ ਦਿਸ਼ਾ-ਨਿਰਦੇਸ਼

ਨਿਊਜ਼ ਪੰਜਾਬ

2 ਫਰਵਰੀ 2025

ਅੱਜ ਮਹਾਕੁੰਭ ਦਾ 21ਵਾਂ ਦਿਨ ਹੈ। ਦੁਪਹਿਰ 12 ਵਜੇ ਤੱਕ 88.83 ਲੱਖ ਸ਼ਰਧਾਲੂਆਂ ਨੇ ਇਸ਼ਨਾਨ ਕੀਤਾ। 13 ਜਨਵਰੀ ਤੋਂ ਹੁਣ ਤੱਕ 34.49 ਕਰੋੜ ਤੋਂ ਵੱਧ ਲੋਕ ਸੰਗਮ ਵਿੱਚ ਇਸ਼ਨਾਨ ਕਰ ਚੁੱਕੇ ਹਨ

ਹੈਲੀਕਾਪਟਰ ਰਾਹੀਂ ਭੀੜ ਅਤੇ ਸੁਰੱਖਿਆ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ। ਬਸੰਤ ਪੰਚਮੀ ਦੇ ਮੱਦੇਨਜ਼ਰ 2 ਤੋਂ 4 ਫਰਵਰੀ ਤੱਕ ਪ੍ਰਯਾਗਰਾਜ ਸ਼ਹਿਰ ਅਤੇ ਮੇਲਾ ਖੇਤਰ ਵਿੱਚ ਵਾਹਨਾਂ ਦੀ ਐਂਟਰੀ ਰੋਕ ਦਿੱਤੀ ਗਈ ਹੈ। VVIP ਪਾਸ ਰੱਦ ਕਰ ਦਿੱਤਾ ਗਿਆ ਹੈ।

ਮੇਲੇ ‘ਚ ਪੁਲਿਸ ਅਤੇ ਸਾਧੂਆਂ ਵਿਚਾਲੇ ਹੋਈ ਝੜਪ ਦੀ ਵੀਡੀਓ ਸਾਹਮਣੇ ਆਈ ਹੈ। ਇਸ ਵੀਡੀਓ ‘ਚ ਪੁਲਿਸ ਸਾਧਾਂ ਦੀ ਗੱਡੀ ਨੂੰ ਬੈਰੀਅਰ ‘ਤੇ ਰੋਕ ਰਹੀ ਹੈ ਪਰ ਉਹ ਜ਼ਬਰਦਸਤੀ ਅੰਦਰ ਵੜਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਇਕ ਸਾਧੂ ਨੇ ਬੈਰੀਕੇਡ ਨੂੰ ਢਾਹ ਦਿੱਤਾ, ਜਿਸ ਤੋਂ ਬਾਅਦ ਉਸ ਦੀ ਪੁਲਸ ਕਰਮਚਾਰੀਆਂ ਨਾਲ ਤਿੱਖੀ ਬਹਿਸ ਹੋ ਗਈ।

4 ਫਰਵਰੀ ਤੱਕ ਨਵੇਂ ਦਿਸ਼ਾ-ਨਿਰਦੇਸ਼

ਅੱਜ ਤੋਂ 4 ਫਰਵਰੀ ਤੱਕ ਸ਼ਰਧਾਲੂਆਂ ਨੂੰ ਆਪਣੇ ਵਾਹਨ ਸ਼ਹਿਰ ਦੇ ਬਾਹਰ ਪਾਰਕਿੰਗਾਂ ਵਿੱਚ ਪਾਰਕ ਕਰਨੇ ਪੈਣਗੇ।

ਪਾਰਕਿੰਗ ਲਾਟ ਤੋਂ ਉਹ ਸ਼ਟਲ ਬੱਸ ਰਾਹੀਂ ਜਾਂ ਪੈਦਲ ਹੀ ਘਾਟਾਂ ਤੱਕ ਪਹੁੰਚ ਸਕਣਗੇ।

ਵੱਡੇ ਅਤੇ ਛੋਟੇ ਵਾਹਨਾਂ ਲਈ ਵੱਖ-ਵੱਖ ਪਾਰਕਿੰਗ ਦਾ ਪ੍ਰਬੰਧ ਕੀਤਾ ਗਿਆ ਹੈ।

ਸਾਰੇ ਰੇਲਵੇ ਸਟੇਸ਼ਨਾਂ ‘ਤੇ ਵਨ-ਵੇ ਸਿਸਟਮ ਲਾਗੂ ਕੀਤਾ ਗਿਆ ਹੈ। ਇੱਕ ਪਾਸੇ ਤੋਂ ਸ਼ਰਧਾਲੂ ਆਉਣਗੇ ਤਾਂ ਦੂਜੇ ਪਾਸੇ ਤੋਂ ਨਿਕਾਸੀ ਹੋਵੇਗੀ।