Maha Kumbh Mela : ਮਹਾਂਕੁੰਭ ਵਿੱਚ ਭਾਜੜ : ਕਈ ਮੌਤਾਂ – ਹਾਦਸੇ ਤੋਂ ਬਾਅਦ ਅਖਾੜਿਆਂ ਨੇ ਅੰਮ੍ਰਿਤ ਇਸ਼ਨਾਨ ਕੀਤਾ ਮੁਲਤਵੀ – ਪ੍ਰਧਾਨ ਮੰਤਰੀ ਨੇ ਸਥਿਤੀ ਦੀ ਲਈ ਰਿਪੋਰਟ
ਪ੍ਰਧਾਨ ਮੰਤਰੀ ਮੋਦੀ ਨੇ ਮੇਲੇ ਵਿੱਚ ਹੋਈ ਭਗਦੜ ਨਾਲ ਸਬੰਧਤ ਜਾਣਕਾਰੀ ਲਈ ਮੁੱਖ ਮੰਤਰੀ ਯੋਗੀ ਨਾਲ ਗੱਲ ਕੀਤੀ ਹੈ। ਹਾਦਸੇ ਤੋਂ ਬਾਅਦ, ਅਖਾੜਿਆਂ ਨੇ ਅੰਮ੍ਰਿਤ ਇਸ਼ਨਾਨ ਮੁਲਤਵੀ ਕਰ ਦਿੱਤਾ ਹੈ ਅਤੇ ਰੱਥ ਅਤੇ ਜਲੂਸ ਰਸਤੇ ਤੋਂ ਵਾਪਸ ਪਰਤੇ – ਰਾਹਤ ਅਤੇ ਬਚਾਅ ਕਾਰਜ ਜਾਰੀ ਹਨ। ਪ੍ਰਸ਼ਾਸਨ ਅਨੁਸਾਰ ਸਥਿਤੀ ਹੁਣ ਕਾਬੂ ਹੇਠ ਹੈ।
ਪ੍ਰਯਾਗਰਾਜ, 29 ਜਨਵਰੀ – ਮੌਨੀ ਅਮਾਵਸਿਆ ਇਸ਼ਨਾਨ ਦੌਰਾਨ ਸੰਗਮ ਘਾਟ ‘ਤੇ ਭਗਦੜ ਮਚਣ ਕਾਰਨ ਇੱਕ ਵੱਡਾ ਹਾਦਸਾ ਵਾਪਰ ਗਿਆ।ਲੱਖਾਂ ਦੀ ਗਿਣਤੀ ਵਿੱਚ ਲੋਕ ਸੰਗਮ ਘਾਟ ਤੇ ਇਸ਼ਨਾਨ ਕਰਨ ਲਈ ਇਕੱਠੇ ਹੋ ਗਏ ਸਨ, ਅੱਧੀ ਰਾਤ ਤੋਂ ਬਾਅਦ ਸੰਗਮ ਨੇੜੇ ਇਸ਼ਨਾਨ ਕਰਨ ਵਾਲਿਆਂ ਦੀ ਭੀੜ ਰੁਕ ਗਈ, 
ਜਿਸ ਕਾਰਨ ਸਥਿਤੀ ਵਿਗੜਨੀ ਸ਼ੁਰੂ ਹੋ ਗਈ। ਰਾਤ ਕਰੀਬ 2 ਵਜੇ ਜਦੋਂ ਸਥਿਤੀ ਕਾਬੂ ਤੋਂ ਬਾਹਰ ਹੋ ਗਈ ਤਾਂ ਭਗਦੜ ਮੱਚ ਗਈ। ਜਿਹੜਾ ਇਧਰ-ਉਧਰ ਭੱਜਦੀ ਭੀੜ ਵਿੱਚ ਡਿੱਗ ਪਿਆ ਉਹ ਉੱਠ ਨਾ ਸਕਿਆ। ਬੇਕਾਬੂ ਭੀੜ ਨੇ ਕਈ ਥਾਵਾਂ ’ਤੇ ਬੈਰੀਕੇਡ ਵੀ ਤੋੜ ਦਿੱਤੇ
ਮੀਡੀਆ ਅਨੁਸਾਰ ਭੱਜ ਦੌੜ ਵਿੱਚ 15 ਤੋਂ 31 ਸ਼ਰਧਾਲੂਆਂ ਦੀ ਮੌਤ ਦੀ ਸੂਚਨਾ ਹੈ। 200 ਤੋਂ ਵੱਧ ਸ਼ਰਧਾਲੂਆਂ ਦਾ ਇਲਾਜ ਚੱਲ ਰਿਹਾ ਹੈ। ਜ਼ਖਮੀਆਂ ਅਤੇ ਮ੍ਰਿਤਕਾਂ ਨੂੰ 50 ਤੋਂ ਵੱਧ ਐਂਬੂਲੈਂਸਾਂ ਰਾਹੀਂ ਕੇਂਦਰੀ ਹਸਪਤਾਲ ਲਿਆਂਦਾ ਗਿਆ।ਸਰਕਾਰ ਨੇ ਹਾਲੀ ਤੱਕ ਮ੍ਰਿਤਕਾਂ ਦੀ ਗਿਣਤੀ ਬਾਰੇ ਸਪਸ਼ਟ ਨਹੀਂ ਕੀਤਾ
ਮੌਕੇ ‘ਤੇ ਵੱਡੀ ਗਿਣਤੀ ਵਿੱਚ ਫੋਰਸ ਤਾਇਨਾਤ ਕਰ ਦਿੱਤੀ ਗਈ ਹੈ। ਇਸ ਵੇਲੇ ਇਸ਼ਨਾਨ ਚੱਲ ਰਿਹਾ ਹੈ। ਇਸ ਘਟਨਾ ਤੋਂ ਗੁੱਸੇ ਵਿੱਚ ਆਏ ਅਖਾੜਿਆਂ ਨੇ ਅੰਮ੍ਰਿਤ ਇਸ਼ਨਾਨ ਦਾ ਬਾਈਕਾਟ ਕਰ ਦਿੱਤਾ ਹੈ।
ਮਹਾਕੁੰਭ ‘ਚ ਮੌਨੀ ਅਮਾਵਸਿਆ ਲਈ ਮੰਗਲਵਾਰ ਸਵੇਰ ਤੋਂ ਹੀ ਸ਼ਰਧਾਲੂਆਂ ਦੀ ਭਾਰੀ ਭੀੜ ਸੀ। ਦੁਪਹਿਰ ਸਮੇਂ ਬੇਕਾਬੂ ਭੀੜ ਨੇ ਕਈ ਥਾਵਾਂ ’ਤੇ ਬੈਰੀਕੇਡ ਵੀ ਤੋੜ ਦਿੱਤੇ। ਰਾਤ ਨੂੰ ਇਸ਼ਨਾਨ ਸ਼ੁਰੂ ਹੋਣ ਤੋਂ ਬਾਅਦ ਸੰਗਮ ‘ਤੇ ਭੀੜ ਵਧ ਗਈ।
ਤਸਵੀਰਾਂ – ਸ਼ੋਸਲ ਮੀਡੀਆ / x