ਸਟਾਕ ਮਾਰਕੀਟ ‘ਚ ਬਲੈਕ ਸੋਮਵਾਰ, ਸੈਂਸੈਕਸ ਅਤੇ ਨਿਫਟੀ 2 ਫੀਸਦੀ ਤੋਂ ਜ਼ਿਆਦਾ ਡਿੱਗ ਗਏ

ਨਵੀਂ ਦਿੱਲੀ:5 ਅਗਸਤ 2024

ਸਟਾਕ ਮਾਰਕੀਟ ਵਿੱਚ ਅੱਜ ਦੇ ਵਪਾਰ ਨੂੰ ਬਲੈਕ ਸੋਮਵਾਰ ਅੱਜ ਸਵੇਰ ਤੋਂ ਹੀ ਸ਼ੇਅਰ ਬਾਜ਼ਾਰ ਦੇ ਦੋਵੇਂ ਸੂਚਕਾਂਕ ਭਾਵ ਸੈਂਸੈਕਸ ਅਤੇ ਨਿਫਟੀ ਭਾਰੀ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਹਨ। ਸ਼ੁਰੂਆਤੀ ਕਾਰੋਬਾਰ ‘ਚ ਬਾਜ਼ਾਰ 1 ਫੀਸਦੀ ਦੀ ਗਿਰਾਵਟ ਨਾਲ ਖੁੱਲ੍ਹਿਆ ਅਤੇ ਬਾਅਦ ‘ਚ ਇਹ ਗਿਰਾਵਟ ਵਧ ਕੇ 2 ਫੀਸਦੀ ਹੋ ਗਈ।

ਸੈਂਸੈਕਸ 2,222.55 ਅੰਕ ਜਾਂ 2.74 ਫੀਸਦੀ ਡਿੱਗ ਕੇ 78,759.40 ‘ਤੇ ਬੰਦ ਹੋਇਆ। ਨਿਫਟੀ 662.10 ਅੰਕ ਜਾਂ 2.68 ਫੀਸਦੀ ਡਿੱਗ ਕੇ 24,055.60 ‘ਤੇ ਬੰਦ ਹੋਇਆ।

ਬਾਜ਼ਾਰ ‘ਚ ਇਸ ਭਾਰੀ ਵਿਕਰੀ ਕਾਰਨ ਨਿਵੇਸ਼ਕਾਂ ਨੂੰ ਭਾਰੀ ਨੁਕਸਾਨ ਦਾ ਸਾਹਮਣਾ ਕਰਨਾ ਪਿਆ। ਸਵੇਰ ਦੇ ਕਾਰੋਬਾਰ ‘ਚ ਹੀ ਨਿਵੇਸ਼ਕਾਂ ਦੇ 10 ਲੱਖ ਕਰੋੜ ਰੁਪਏ ਦਾ ਨੁਕਸਾਨ ਹੋ ਗਿਆ।

ਜੇਕਰ ਸੈਕਟਰ ਇੰਡੈਕਸ ਦੀ ਗੱਲ ਕਰੀਏ ਤਾਂ ਅੱਜ ਸਾਰੇ ਸੈਕਟਰ ਇੰਡੈਕਸ ਲਾਲ ਨਿਸ਼ਾਨ ‘ਤੇ ਬੰਦ ਹੋਏ। ਆਟੋ, ਮੈਟਲ, ਕੈਪੀਟਲ ਗੁਡਸ, ਮੀਡੀਆ, ਰਿਐਲਟੀ ਸੈਕਟਰ 4 ਫੀਸਦੀ ਤੋਂ ਜ਼ਿਆਦਾ ਡਿੱਗ ਗਏ। ਇਸ ਦੇ ਨਾਲ ਹੀ ਬੀਐਸਈ ਮਿਡਕੈਪ 3.5 ਫੀਸਦੀ ਅਤੇ ਸਮਾਲਕੈਪ 4 ਫੀਸਦੀ ਡਿੱਗਿਆ ਹੈ।