ਗਰਮੀ ਨਾਲ ਹੁਣ ਤੱਕ 227 ਲੋਕਾਂ ਦੀ ਮੌਤ – ਭਾਰਤ ਵਿੱਚ ਪੰਜਾਬ ਦਾ ਫਰੀਦਕੋਟ ਰਿਹਾ ਸਭ ਤੋਂ ਗਰਮ

News punjab 

ਪੰਜਾਬ ਦੇ ਫਰੀਦਕੋਟ ਵਿੱਚ 48.3 ਡਿਗਰੀ ਤਾਪਮਾਨ ਰਿਹਾ ਜੋ ਦੇਸ਼ ਦਾ ਸਭ ਤੋਂ ਵੱਧ ਗਰਮ ਇਲਾਕਾ ਰਿਕਾਰਡ ਕੀਤਾ ਗਿਆ 

ਨਿਊਜ਼ ਪੰਜਾਬ

ਦੇਸ਼ ਭਰ ‘ਚ ਵੀਰਵਾਰ ਨੂੰ ਭਿਆਨਕ ਗਰਮੀ ਕਾਰਨ ਹੁਣ ਤੱਕ 227 ਲੋਕਾਂ ਦੀ ਮੌਤ ਹੋ ਗਈ ਹੈ । ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ 164 ਮੌਤਾਂ ਯੂਪੀ ਵਿੱਚ ਹੋਈਆਂ ਹਨ। ਇਸ ਦੇ ਨਾਲ ਹੀ ਬਿਹਾਰ ਵਿੱਚ ਵੀ 60 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ। ਸਭ ਤੋਂ ਵੱਧ 20 ਮੌਤਾਂ ਔਰੰਗਾਬਾਦ ਜ਼ਿਲ੍ਹੇ ਵਿੱਚ ਹੋਈਆਂ। ਪਹਿਲੀ ਮੌਤ ਦਿੱਲੀ ਵਿੱਚ ਹੋਈ ਹੈ। ਮਰਨ ਵਾਲੇ ਮਜ਼ਦੂਰ ਨੂੰ 107 ਡਿਗਰੀ ਬੁਖਾਰ ਸੀ। ਹਰਿਆਣਾ ਵਿੱਚ ਵੀ ਦੋ ਮੌਤਾਂ ਹੋਈਆਂ ਹਨ।

ਪੰਜਾਬ ਦੇ ਫਰੀਦਕੋਟ ਵਿੱਚ 48.3 ਡਿਗਰੀ ਤਾਪਮਾਨ ਰਿਹਾ ਜੋ ਦੇਸ਼ ਦਾ ਸਭ ਤੋਂ ਵੱਧ ਗਰਮ ਇਲਾਕਾ ਹੋਣ ਦਾ ਰਿਕਾਰਡ ਕੀਤਾ ਗਿਆ

ਪੰਜਾਬ ਦੇ ਫਰੀਦਕੋਟ ਅਤੇ ਰਾਜਸਥਾਨ ਦੇ ਸ਼੍ਰੀਗੰਗਾਨਗਰ ਵੀ ਦੇਸ਼ ਵਿੱਚ ਸਭ ਤੋਂ ਗਰਮ ਰਹੇ। ਇੱਥੇ ਵੱਧ ਤੋਂ ਵੱਧ ਤਾਪਮਾਨ 48.3 ਡਿਗਰੀ ਰਿਹਾ। ਯੂਪੀ ਦੇ ਬੁਲੰਦਸ਼ਹਿਰ ਵਿੱਚ ਤਾਪਮਾਨ 48 ਡਿਗਰੀ ਰਿਹਾ। ਇਸ ਦੇ ਨਾਲ ਹੀ ਨਵੀਂ ਦਿੱਲੀ ‘ਚ ਪਾਰਾ 45.6 ਡਿਗਰੀ ਸੈਲਸੀਅਸ ਅਤੇ ਨੋਇਡਾ ‘ਚ 47.3 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਦੇਸ਼ ਦੇ 41 ਸਥਾਨਾਂ ‘ਤੇ ਵੱਧ ਤੋਂ ਵੱਧ ਤਾਪਮਾਨ 45 ਡਿਗਰੀ ਸੈਲਸੀਅਸ, ਰਾਜਸਥਾਨ ਦੇ ਪਿਲਾਨੀ ‘ਚ 47.6 ਡਿਗਰੀ ਸੈਲਸੀਅਸ, ਹਨੂੰਮਾਨਗੜ੍ਹ ਦੇ ਸੰਗਰੀਆ ‘ਚ 47.2 ਡਿਗਰੀ ਸੈਲਸੀਅਸ, ਚੁਰੂ ‘ਚ 47 ਡਿਗਰੀ ਅਤੇ ਫਲੋਦੀ ‘ਚ 46.8 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਬੀਕਾਨੇਰ ਵਿੱਚ ਪਾਰਾ 46.8 ਡਿਗਰੀ, ਜੈਸਲਮੇਰ ਵਿੱਚ 46.1 ਡਿਗਰੀ, ਅਲਵਰ ਵਿੱਚ 46 ਡਿਗਰੀ, ਧੌਲਪੁਰ ਵਿੱਚ 45.9 ਡਿਗਰੀ, ਜੈਪੁਰ ਵਿੱਚ 45.3 ਡਿਗਰੀ ਅਤੇ ਕੋਟਾ ਵਿੱਚ 44.5 ਡਿਗਰੀ ਦਰਜ ਕੀਤਾ ਗਿਆ। ਪੰਜਾਬ ਅਤੇ ਹਰਿਆਣਾ ਦੀ ਸਾਂਝੀ ਰਾਜਧਾਨੀ ਚੰਡੀਗੜ੍ਹ ਦਾ ਵੱਧ ਤੋਂ ਵੱਧ ਤਾਪਮਾਨ 44.9 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।