Civil Services final results out – ਸਿਵਲ ਸਰਵਿਸਿਜ਼ ਇਮਤਿਹਾਨ (UPSC CSE) 2023 ਦੇ ਸਫਲ 1016 ਉਮੀਦਵਾਰਾਂ ਦਾ ਹੋਇਆ ਐਲਾਨ
ਨਿਊਜ਼ ਪੰਜਾਬ ਬਿਊਰੋ
UPSC CSE ਨਤੀਜਾ 2023: ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਨੇ UPSC ਸਿਵਲ ਸਰਵਿਸਿਜ਼ ਇਮਤਿਹਾਨ (UPSC CSE) 2023 ਦਾ ਅੰਤਿਮ ਨਤੀਜਾ ਦਾ ਅੱਜ 16 ਅਪ੍ਰੈਲ, 2024 ਨੂੰ ਐਲਾਨ ਕਰ ਦਿੱਤਾ ਹੈ। ਕੁੱਲ 1016 ਉਮੀਦਵਾਰਾਂ ਨੇ ਇਸ ਸੂਚੀ ਵਿੱਚ ਥਾਂ ਬਣਾਈ ਹੈ। UPSC ਸਿਵਲ ਸੇਵਾਵਾਂ ਪ੍ਰੀਖਿਆ 2023 ਵਿੱਚ ਸ਼ਾਮਲ ਹੋਣ ਵਾਲੇ ਉਮੀਦਵਾਰ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ upsc.gov.in ‘ਤੇ ਜਾ ਕੇ ਨਤੀਜਾ PDF ਡਾਊਨਲੋਡ ਕਰ ਸਕਦੇ ਹਨ। 
UPSC ਨੇ ਆਪਣੀ ਅਧਿਕਾਰਤ ਵੈੱਬਸਾਈਟ upsc.gov.in ‘ਤੇ ਜਨਤਕ ਨੋਟਿਸ ਰਾਹੀਂ ਨਤੀਜਿਆਂ ਦਾ ਐਲਾਨ ਕੀਤਾ। ਨੋਟਿਸ ਵਿੱਚ ਲਿਖਿਆ ਹੈ, “ਸਿਤੰਬਰ, 2023 ਵਿੱਚ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਦੁਆਰਾ ਆਯੋਜਿਤ ਸਿਵਲ ਸੇਵਾਵਾਂ ਪ੍ਰੀਖਿਆ, 2023 ਦੇ ਲਿਖਤੀ ਭਾਗ ਦੇ ਨਤੀਜੇ ਅਤੇ ਜਨਵਰੀ ਵਿੱਚ ਆਯੋਜਿਤ ਸ਼ਖਸੀਅਤ ਟੈਸਟ ਲਈ ਇੰਟਰਵਿਊ ਦੇ ਆਧਾਰ ‘ਤੇ ਨਿਯੁਕਤੀ ਲਈ ਸਿਫਾਰਸ਼ ਕੀਤੇ ਉਮੀਦਵਾਰਾਂ ਦੀ ਮੈਰਿਟ ਸੂਚੀ।
ਕਿਸ ਸ਼੍ਰੇਣੀ ਦੇ ਕਿੰਨੇ ਉਮੀਦਵਾਰ?
UPAC ਪਾਸ ਕਰਨ ਵਾਲੇ 1016 ਉਮੀਦਵਾਰਾਂ ਵਿੱਚੋਂ 347 ਜਨਰਲ ਵਰਗ, 115 EWS, 303 ਹੋਰ ਪੱਛੜੀਆਂ ਸ਼੍ਰੇਣੀਆਂ, 165 ਅਨੁਸੂਚਿਤ ਜਾਤੀ ਅਤੇ 86 ਅਨੁਸੂਚਿਤ ਜਨਜਾਤੀ ਸ਼੍ਰੇਣੀ ਤੋਂ ਹਨ।ਆਈਏਐਸ ਲਈ 180 ਉਮੀਦਵਾਰਾਂ ਦੀ ਚੋਣ
ਇਸ ਵਾਰ 180 ਉਮੀਦਵਾਰ ਆਈਏਐਸ ਸੇਵਾ ਲਈ ਚੁਣੇ ਗਏ ਹਨ, ਜਿਨ੍ਹਾਂ ਵਿੱਚੋਂ 73 ਜਨਰਲ ਵਰਗ, 17 ਈਡਬਲਯੂਐਸ, 49 ਹੋਰ ਪੱਛੜੀਆਂ ਸ਼੍ਰੇਣੀਆਂ, 27 ਅਨੁਸੂਚਿਤ ਜਾਤੀ ਅਤੇ 14 ਅਨੁਸੂਚਿਤ ਜਨਜਾਤੀ ਸ਼੍ਰੇਣੀ ਵਿੱਚੋਂ ਹਨ।
ਵਿਸਥਾਰ ਲਈ ਕਮਿਸ਼ਨ ਦੀ ਅਧਿਕਾਰਤ ਵੈੱਬਸਾਈਟ upsc.gov.in ‘ਤੇ ਜਾ ਕੇ ਨਤੀਜਾ ਵੇਖਿਆ ਜਾ ਸਕਦਾ ਹੈ