ਕਈ ਦੇਸ਼ਾਂ ਵਿੱਚ ਵਟਸਐਪ ਸੇਵਾਵਾਂ ਕਰੀਬ ਦੋ ਘੰਟੇ ਰਹੀਆਂ ਠੱਪ – ਪੜ੍ਹੋ ਇਸ ਸਮੇਂ ਦੌਰਾਨ ਆਉਣ ਜਾਣ ਵਾਲੇ ਮੈਸੇਜ ਕਿਥੇ ਗਏ

ਨਿਊਜ਼ ਪੰਜਾਬ
ਦੇਸ਼ ਭਰ ‘ਚ ਵਟਸਐਪ ਸੇਵਾਵਾਂ ਕਰੀਬ ਦੋ ਘੰਟੇ ਠੱਪ ਰਹਿਣ ਤੋਂ ਬਾਅਦ ਬਹਾਲ ਹੋ ਗਈਆਂ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ‘ਚ ਦੁਪਹਿਰ 12.30 ਵਜੇ ਤੋਂ ਯੂਜ਼ਰਸ ਨੂੰ ਵਟਸਐਪ ‘ਤੇ ਮੈਸੇਜ ਭੇਜਣ ਅਤੇ ਦੇਖਣ ‘ਚ ਦਿੱਕਤ ਆ ਰਹੀ ਸੀ। ਯੂਜ਼ਰਸ ਨੂੰ ਮੈਸੇਜ ਭੇਜਣ ਤੋਂ ਲੈ ਕੇ ਚੈਟ ਅਤੇ ਗਰੁੱਪ ਚੈਟ ਦੋਵਾਂ ‘ਚ ਸਟੇਟਸ ਅੱਪਲੋਡ ਕਰਨ ਤੱਕ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।
ਵਟਸਐਪ ਦੇ ਦੁਬਾਰਾ ਸ਼ੁਰੂ ਹੋਣ ਤੋਂ ਬਾਅਦ ਯੂਜ਼ਰਸ ਪਹਿਲਾਂ ਤੋਂ ਭੇਜੇ ਗਏ ਮੈਸੇਜ ਪ੍ਰਾਪਤ ਕਰ ਸਕਣਗੇ। ਦਰਅਸਲ, WhatsApp ਦੀਆਂ ਸੇਵਾਵਾਂ ਸ਼ੁਰੂ ਹੋਈਆਂ ਕਿ ਉਪਭੋਗਤਾਵਾਂ ਨੂੰ ਪਹਿਲਾਂ ਹੀ ਭੇਜੇ ਗਏ ਸੰਦੇਸ਼ ਮਿਲਣੇ ਸ਼ੁਰੂ ਹੋ ਗਏ ਹਨ। ਹਾਲਾਂਕਿ ਯੂਜ਼ਰਸ ਨਵੇਂ ਸਮੇਂ ਦੇ ਹਿਸਾਬ ਨਾਲ ਮੈਸੇਜ ਦੇਖ ਰਹੇ ਹਨ। ਇਸ ਦੇ ਨਾਲ ਹੀ ਹੁਣ ਯੂਜ਼ਰਸ ਨਵੇਂ ਮੈਸੇਜ ਵੀ ਭੇਜ ਸਕਦੇ ਹਨ।