11ਵੀਂ ਮੈਕ ਆਟੋ ਐਕਸਪੋ ਹੋਈ ਆਰੰਭ – ਨਵੀ ਤਕਨੀਕ ਦੀਆਂ ਮਸ਼ੀਨਾਂ ਅਤੇ ਉਤਪਾਦਨ ਉਦਯੋਗਪਤੀਆਂ ਲਈ ਬਣਿਆ ਖਿੱਚ ਦਾ ਕੇਂਦਰ 

ਪ੍ਰਦਰਸ਼ਨੀ ਦੇ ਆਯੋਜਕ ਜੀ.ਐਸ. ਢਿਲੋਂ ਨੇ ਕਿਹਾ ਕਿ ਇਹ ਐਕਸਪੋ ਭਾਰਤ ਦੇ ਉਦਯੋਗ ਜਗਤ ਲਈ ਇੱਕ ਹੁਲਾਰੇ ਦੀ ਤਰ੍ਹਾਂ ਹੈ, ਜੋ ਨਵੇਂ ਵਿਚਾਰਾਂ ਨੂੰ ਉਡਾਣ ਭਰਨ ਲਈ ਇੱਕ ਲਾਂਚਿੰਗ ਪੈਡ ਦਿੰਦੀ ਹੈ। ਇੱਥੇ ਪਹੁੰਚੇ ਦੇਸ਼ ਭਰ ਤੋਂ ਪ੍ਰਦਰਸ਼ਕ 10,000 ਤੋਂ ਵੱਧ ਉਤਪਾਦਾਂ ਅਤੇ ਸੇਵਾਵਾਂ ਤੇ 850 ਤੋਂ ਵੱਧ ਲਾਈਵ ਮਸ਼ੀਨਰੀ ਪੇਸ਼ ਕਰ ਰਹੇ ਹਨ।

ਨਿਊਜ਼ ਪੰਜਾਬ
ਲੁਧਿਆਣਾ, 11 ਮਾਰਚ: ਭਾਰਤ ਦੀ ਪ੍ਰਮੁੱਖ ਮਸ਼ੀਨ ਟੂਲਸ ਅਤੇ ਆਟੋਮੇਸ਼ਨ ਤਕਨਾਲੋਜੀ ਦੀ ਪ੍ਰਦਰਸ਼ਨੀ “ਮੈਕ ਆਟੋ ਐਕਸਪੋ-2022” ਦੇ 11ਵੇਂ ਐਡੀਸ਼ਨ ਵਿੱਚ ਫਾਈਬਰ ਲੇਜ਼ਰ ਕਟਿੰਗ ਅਤੇ ਵੈਲਡਿੰਗ ਮਸ਼ੀਨਾਂ ਮੁੱਖ ਆਕਰਸ਼ਣ ਬਣੀਆਂ ਹੋਈਆਂ ਹਨ।  ਇਸਦਾ ਉਦਘਾਟਨ ਸ਼ੁੱਕਰਵਾਰ ਨੂੰ ਸਾਹਨੇਵਾਲ, ਜੀ.ਟੀ ਰੋਡ ਸਥਿਤ ਲੁਧਿਆਣਾ ਪ੍ਰਦਰਸ਼ਨੀ ਕੇਂਦਰ ਵਿਖੇ ਕੀਤਾ ਗਿਆ।
ਚਾਰ ਦਿਨਾਂ ਦੀ ਪ੍ਰਦਰਸ਼ਨੀ ਵੱਖ-ਵੱਖ ਖੇਤਰਾਂ ‘ਤੇ ਕੇਂਦਰਿਤ ਹੈ; ਜਿਨ੍ਹਾਂ ਚ ਮਸ਼ੀਨ ਟੂਲਜ (ਕਟਿੰਗ); ਮਸ਼ੀਨ ਟੂਲ (ਫਾਰਮਿੰਗ);  ਲੇਜ਼ਰ ਕਟਿੰਗ ਅਤੇ ਵੈਲਡਿੰਗ;  ਰੋਬੋਟਿਕਸ ਅਤੇ ਆਟੋਮੇਸ਼ਨ;  ਮਿਅਰਿੰਗ ਅਤੇ ਇੰਸਟਰੂਮੈਂਟਸ ਤੇ ਟੈਸਟਿੰਗ;  ਹਾਈਡ੍ਰੌਲਿਕਸ ਅਤੇ ਨਿਊਮੈਟਿਕਸ;  ਉਦਯੋਗਿਕ ਸਪਲਾਇਰ ਆਦਿ ਸ਼ਾਮਿਲ ਹਨ।
ਪ੍ਰਦਰਸ਼ਨੀ ਵਿੱਚ ਹਿੱਸਾ ਲੈਣ ਵਾਲੇ ਪ੍ਰਦਰਸ਼ਕਾਂ ਦੇ ਅਨੁਸਾਰ, ਫਾਈਬਰ ਲੇਜ਼ਰ ਕਟਿੰਗ ਅਤੇ ਵੈਲਡਿੰਗ ਮਸ਼ੀਨ ਮੈਟਲ ਕਟਿੰਗ ਤੇ ਵੈਲਡਿੰਗ ਉਦਯੋਗ ਵਿੱਚ ਆਧੁਨਿਕ ਤਕਨਾਲੋਜੀ ਹੈ ਅਤੇ ਇਸ ਤਕਨਾਲੋਜੀ ਦੀ ਬਹੁਤ ਜ਼ਿਆਦਾ ਮੰਗ ਹੈ।
ਹੈਂਡ ਆਪਰੇਟਿਡ ਲੇਜ਼ਰ ਵੈਲਡਿੰਗ ਮਸ਼ੀਨ ਨੂੰ ਪੇਸ਼ ਕਰਦੇ ਹੋਏ, ਏਂਜਲ ਇੰਡੀਆ ਕੈਡ ਕੈਮ ਪ੍ਰਾਈਵੇਟ ਲਿਮਟਿਡ, ਨਵੀਂ ਦਿੱਲੀ ਦੇ ਇੱਕ ਪ੍ਰਦਰਸ਼ਕ ਪਵਨ ਨੇ ਕਿਹਾ ਕਿ ਇਹ ਤਕਨੀਕ ਨਾ ਸਿਰਫ਼ ਤੇਜ਼ੀ ਨਾਲ ਕੰਮ ਕਰਦੀ ਹੈ, ਸਗੋਂ ਉਤਪਾਦਨ ਦੀ ਕੁਸ਼ਲਤਾ ਨੂੰ ਵੀ ਵਧਾਉਂਦੀ ਹੈ, ਸਗੋਂ ਗੁਣਵੱਤਾ ਵਿੱਚ ਸੁਧਾਰ ਕਰਨ ਵਿੱਚ ਵੀ ਮਦਦ ਕਰਦੀ ਹੈ।
ਇਸੇ ਤਰ੍ਹਾਂ ਗੁੜਗਾਓਂ ਸਥਿਤ ਪ੍ਰਾਈਡ ਇੰਡੀਆ ਇੰਜਨੀਅਰਿੰਗ ਸਲਿਊਸ਼ਨਜ਼ ਪ੍ਰਾਈਵੇਟ ਲਿਮਟਿਡ, ਜੋ ਰੋਬੋਟਿਕ ਆਧਾਰਿਤ ਵੈਲਡਿੰਗ ਸਿਸਟਮ ਪੇਸ਼ ਕਰ ਰਹੀ ਹੈ, ਵੀ ਖਿੱਚ ਦਾ ਕੇਂਦਰ ਬਣ ਰਹੀ ਹੈ।  ਪ੍ਰਦਰਸ਼ਕਾਂ ਦੇ ਅਨੁਸਾਰ, ਇਹ ਤਕਨੀਕ ਪਿਛਲੀ ਐਮਆਈਜੀ ਵੈਲਡਿੰਗ ਜਾਂ ਆਰਕ ਵੈਲਡਿੰਗ ਨਾਲੋਂ ਘੱਟ ਬਿਜਲੀ ਦੀ ਖਪਤ ਕਰਦੀ ਹੈ। ਇਸ ਤੋਂ ਇਲਾਵਾ, ਰੋਬੋਟਿਕ ਲੇਜਰ ਰਾਹੀਂ ਕੀਤੀ ਗਈ ਵੈਲਡਿੰਗ ਆਸਾਨ, ਤੇਜ਼, ਠੀਕ ਹੋਣ ਦੇ ਨਾਲ-ਨਾਲ ਦਾਗ ਵੀ ਨਹੀਂ ਬਣਾਉਂਦੀ।
ਪ੍ਰਦਰਸ਼ਨੀ ਦੇ ਆਯੋਜਕ ਜੀ.ਐਸ. ਢਿਲੋਂ ਨੇ ਕਿਹਾ ਕਿ ਇਹ ਐਕਸਪੋ ਭਾਰਤ ਦੇ ਉਦਯੋਗ ਜਗਤ ਲਈ ਇੱਕ ਹੁਲਾਰੇ ਦੀ ਤਰ੍ਹਾਂ ਹੈ, ਜੋ ਨਵੇਂ ਵਿਚਾਰਾਂ ਨੂੰ ਉਡਾਣ ਭਰਨ ਲਈ ਇੱਕ ਲਾਂਚਿੰਗ ਪੈਡ ਦਿੰਦੀ ਹੈ। ਇੱਥੇ ਪਹੁੰਚੇ ਦੇਸ਼ ਭਰ ਤੋਂ ਪ੍ਰਦਰਸ਼ਕ 10,000 ਤੋਂ ਵੱਧ ਉਤਪਾਦਾਂ ਅਤੇ ਸੇਵਾਵਾਂ ਤੇ 850 ਤੋਂ ਵੱਧ ਲਾਈਵ ਮਸ਼ੀਨਰੀ ਪੇਸ਼ ਕਰ ਰਹੇ ਹਨ।
ਮਹਿਕ ਐਕਸਪੋ ਦਾ ਆਯੋਜਨ ਉਡਾਨ ਮੀਡੀਆ ਤੇ ਕਮਿਊਨੀਕੇਸ਼ਨਜ਼ ਪ੍ਰਾਈਵੇਟ ਲਿਮਟਿਡ ਵੱਲੋਂ ਕੀਤਾ ਗਿਆ ਹੈ, ਜੋ ਕਿ ਚੈਂਬਰ ਆਫ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗ (CICU) ਦੁਆਰਾ ਐਸੋਸੀਏਸ਼ਨ ਆਫ ਲੁਧਿਆਣਾ ਮਸ਼ੀਨ ਟੂਲ ਇੰਡਸਟਰੀ (ALMTI) ਅਤੇ ਆਟੋ ਪਾਰਟਸ ਮੈਨੂਫੈਕਚਰਰਜ਼ ਐਸੋਸੀਏਸ਼ਨ (APMA) ਦੇ ਸਹਿਯੋਗ ਨਾਲ ਆਯੋਜਿਤ ਕੀਤਾ ਗਿਆ ਹੈ।
ਐਕਸਪੋ ਦਾ ਉਦਘਾਟਨ ਘਾਨਾ ਗਣਰਾਜ ਦੇ ਹਾਈ ਕਮਿਸ਼ਨ ਦੇ ਹਾਈ ਕਮਿਸ਼ਨਰ, ਮਾਣਯੋਗ ਕਵਾਕੂ ਅਸੋਮਾਹ-ਚੇਰੇਮੇਹ, ਸ਼੍ਰੀ ਅਮੇਸਟ ਨਾਨਾ ਅਦਜ਼ੇਈ, ਮੰਤਰੀ-ਕਾਉਂਸਲਰ/ਰਾਜਨੀਤਿਕ ਅਤੇ ਆਰਥਿਕ ਅਧਿਕਾਰੀ, ਘਾਨਾ ਗਣਰਾਜ ਦੇ ਹਾਈ ਕਮਿਸ਼ਨ, ਮਾਨਯੋਗ ਡਾ. ਅਲੀ ਚੇਗਨਾਈ, ਰਾਜਦੂਤ, ਇਸਲਾਮਿਕ ਰੀਪਬਲਿਕ ਆਫ਼ ਈਰਾਨ, ਸ਼੍ਰੀਮਤੀ ਯੂਚਰੀਆ ਨਗੋਜ਼ੀ ਏ.ਜੇ., ਫੈਡਰਲ ਰੀਪਬਲਿਕ ਆਫ਼ ਨਾਈਜੀਰੀਆ ਦੇ ਮੰਤਰੀ-ਕੌਂਸਲਰ ਹਾਈ ਕਮਿਸ਼ਨ, ਮਿਸਟਰ ਕੈਰਿਕ ਗਨਵਾਲਾ, ਕਾਂਗੋ ਗਣਰਾਜ ਦੇ ਦੂਤਾਵਾਸ ਸਬੰਧੀ ਮਾਮਲਿਆਂ ਦੇ ਅਧਿਕਾਰੀ, ਮਿਸਟਰ ਸੇਬੇਸਟੀਅਨ ਬਤਤੂਓ, ਕਾਂਗੋ ਗਣਰਾਜ ਦੇ ਦੂਤਾਵਾਸ ਦੇ ਸੱਭਿਆਚਾਰਕ ਸਲਾਹਕਾਰ ਅਤੇ ਸ੍ਰੀ  ਸੋਹਲੇਮੇਂ ਬੋਰੀਮਾ, ਨਾਈਜਰ ਗਣਰਾਜ ਦੇ ਦੂਤਾਵਾਸ ਦੇ ਕੌਂਸਲਰ ਵੱਲੋਂ ਕੀਤਾ ਗਿਆ।