ਵੱਡੀ ਖਬਰ – 12 ਸਾਲ ਤੋਂ ਵੱਡੇ ਬੱਚਿਆ ਲਈ ਟੀਕਾ ਰਹਿਤ ZyCoV -D ਕਰੋਨਾ ਵੈਕਸੀਨ ਨੂੰ ਮਿਲੀ ਮੰਜੂਰੀ, ਅਕਤੂਬਰ ਤੱਕ ਆਉਣ ਦੀ ਉਮੀਦ

September 12, 2021September 12, 2021 News Punjab

ਨਵੀਂ ਦਿੱਲੀ :

Zydus Cadila ਦਾ ਕੋਰੋਨਾ ਵਾਇਰਸ ਟੀਕਾ ZyCoV-D ਇਸ ਸਾਲ ਅਕਤੂਬਰ ਦੇ ਸ਼ੁਰੂ ਵਿੱਚ ਆਉਣ ਦੀ ਸੰਭਾਵਨਾ ਹੈ ਇਹ ਜਾਣਕਾਰੀ ਏਐਨਆਈ ਨੂੰ ਸ਼ਨੀਵਾਰ ਨੂੰ ਸੂਤਰਾਂ ਨੇ ਦਿੱਤੀ। ਭਾਰਤ ਦੇ ਡਰੱਗ ਰੈਗੂਲੇਟਰ ਨੇ 20 ਅਗਸਤ ਨੂੰ ਹੀ ਜ਼ਾਇਡਸ ਕੈਡੀਲਾ ਦੇ ਟੀਕੇ ਦੀ ਐਮਰਜੈਂਸੀ ਵਰਤੋਂ ਨੂੰ ਮਨਜ਼ੂਰੀ ਦੇ ਦਿੱਤੀ ਸੀ। ZyCoV-D ਦੁਨੀਆ ਦੀ ਪਹਿਲੀ Plasmid DNA ਕੋਰੋਨਾ ਵੈਕਸੀਨ ਹੈ।

ਟੀਕਾ ਰਹਿਤ ਇਸ ਵੈਕਸੀਨ ਨੂੰ ਹਾਲਾਂਕਿ ਪੋਲੀਓ ਬੂੰਦਾਂ ਵਾਂਗ ਮੂੰਹ ਨਾਲ ਤਾਂ ਨਹੀਂ ਦਿੱਤਾ ਜਾ ਸਕੇਗਾ, ਸਰੀਰ ਵਿੱਚ ਇੰਜੈਕਟ ਕਰਨ ਦੀ ਜਰੂਰਤ ਪਵੇਗੀ ਪਰ ਟੀਕੇ ਦੀ ਜਰੂਰਤ ਨਹੀ ਪਵੇਗੀ।

ਤਿੰਨ ਖੁਰਾਕਾਂ ਦੀ ਇਸ ਵੈਕਸੀਨ ਲਗਾਉਣ ਲਈ ਟੀਕੇ ਦੀ ਜ਼ਰੂਰਤ ਨਹੀਂ ਹੋਏਗੀ। ਦੂਜੀ ਖੁਰਾਕ ਪਹਿਲੀ ਖੁਰਾਕ ਤੋਂ 28 ਵੇਂ ਦਿਨ ਅਤੇ ਫਿਰ ਤੀਜੀ ਖੁਰਾਕ 56 ਦਿਨਾਂ ਬਾਅਦ ਲੈਣੀ ਪਵੇਗੀ।

ਇਸ ਕੋਰੋਨਾ ਵੈਕਸੀਨ ਦੀ ਐਮਰਜੈਂਸੀ ਵਰਤੋਂ 12 ਸਾਲ ਤੋਂ 18 ਸਾਲ ਦੇ ਨੌਜਵਾਨਾਂ ਲਈ ਮਨਜ਼ੂਰ ਕੀਤੀ ਗਈ ਹੈ। ਜ਼ਾਈਜਸ ਕੈਡਿਲਾ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ, ਤਿੰਨ ਡੋਜ਼ ਵਾਲੀ ਇਹ ਵੈਕਸੀਨ ਜਦੋਂ ਮਨੁੱਖੀ ਸਰੀਰ ਅੰਦਰ ਜਾਂਦੀ ਤਾਂ SArs-Cov-2 ਵਾਇਰਸ ਦਾ ਸਪਾਈਕ ਪ੍ਰੋਟੀਨ ਬਣਾਉਂਦੀ ਹੈ। ਇਸ ਨਾਲ ਇਮਿਊਨ ਰਿਸਪਾਂਸ ਦਾ ਨਿਰਮਾਣ ਹੁੰਦਾ ਹੈ, ਜੋ ਬਿਮਾਰੀ ਤੋਂ ਰੱਖਿਆ ਪ੍ਰਦਾਨ ਕਰਨ ਵਿਚ ਅਹਿਮ ਭੂਮਿਕਾ ਨਿਬਾਉਂਦਾ ਹੈ। ਪਲੱਗ ਐਂਡ ਪਲੇ ਟੈਕਨਾਲੌਜੀ ਜਿਸ ਉੱਤੇ Plasmid DNA ਪਲੇਟਫਾਰਮ ਅਧਾਰਤ ਹੈ ਉਹ ਨਾਲ ਵਾਇਰਸ ਦਾ ਸਾਹਮਣਾ ਕਰਨ ਲਈ ਤਿਆਰ ਹੋ ਜਾਂਦਾ ਹੈ। ਏਐਨਆਈ ਨੂੰ ਇੱਕ ਤਾਜ਼ਾ ਇੰਟਰਵਿਊ ਵਿੱਚ, ਜ਼ਾਈਡਸ ਸਮੂਹ ਦੇ ਪ੍ਰਬੰਧ ਨਿਰਦੇਸ਼ਕ ਸ਼ਰਵੀਲ ਪਟੇਲ ਨੇ ਕਿਹਾ ਕਿ ਟੀਕੇ ਦੀ ਸਪਲਾਈ ਅਕਤੂਬਰ ਤੋਂ ਸ਼ੁਰੂ ਹੋ ਜਾਵੇਗੀ।

Post Views: 0