ਯੁਨਾਈਟਿਡ ਅਲਾਇੰਸ ਨੇ ਚੋਣ ਪ੍ਰਚਾਰ ਚ ਵਿਰੋਧੀਆਂ ਨੂੰ ਪਛਾੜਿਆ
ਨਿਊਜ਼ ਪੰਜਾਬ
ਲੁਧਿਆਣਾ, 2 ਸਿਤੰਬਰ
ਯੂ ਸੀ ਪੀ ਐਮ ਏ ਦੀਆਂ ਕੱਲ ਹੈ ਰਹੀਆਂ ਚੋਣਾਂ ਲਈ ਪ੍ਰਚਾਰ ਦਾ ਅੱਜ ਆਖਰੀ ਦਿਨ ਸੀ। ਭਾਵੇਂ ਕਿ ਦੋਹਾਂ ਪਾਰਟੀਆਂ ਨੇ ਅਡੀ ਚੋਟੀ ਦਾ ਜ਼ੋਰ ਲਗਾ ਦਿੱਤਾ ਹੈ ਪਰ ਭੋਗਲ ਧੜਾ ਪ੍ਰਚਾਰ ਚ ਬਹੁਤ ਅੱਗੇ ਚਲਦਾ ਨਜ਼ਰ ਆ ਰਿਹਾ ਹੈ। ਉਹਨਾਂ ਵਲੋਂ ਕੀਤੇ ਜਾ ਰਹੇ ਡੋਰ ਤੋਂ ਡੋਰ ਪ੍ਰਚਾਰ ਭਰਵਾਂ ਹੁੰਗਾਰਾ ਮਿਲਦਾ ਨਜ਼ਰ ਆਇਆ।
ਇਲਾਕੇ ਚ ਹਮੇਸ਼ਾਂ ਚਰਚਾ ਦਾ ਵਿਸ਼ਾ ਰਹਿਣ ਵਾਲੀਆ ਇਹਨਾਂ ਚੋਣਾਂ ਵਿਚ ਸਾਈਕਲ ਸਨਅਤਕਾਰਾਂ ਤੋਂ ਇਲਾਵਾ ਦੂਜੇ ਸਨਅਤਕਾਰਾਂ ਵੀ ਦਿਲਚਸਪੀ ਲੈਂਦੇ ਹਨ।
ਭੋਗਲ ਟੀਮ ਨੇ ਸਨਅਤਕਾਰਾਂ ਨੂੰ ਭਰੋਸਾ ਦਿੱਤਾ ਕਿ ਉਹ ਸਨਅਤ ਨੂੰ ਨਵੀਨ ਤਕਨੀਕ ਅਪਣਾਉਣ ਵੱਲ ਲੈ ਕੇ ਜਾਣਗੇ ਅਤੇ ਉਹਨਾਂ ਲਈ ਸਸਤੇ ਕੱਚੇ ਮਾਲ ( ਰਾ-ਮਟੀਰੀਅਲ ) ਦਾ ਐਸੋਸਿਏਸ਼ਨ ਪੱਧਰ ਤੇ ਪ੍ਰਬੰਧ ਕਰਨਗੇ।