ਯੂਨਾਈਟਿਡ ਸਾਇਕਲ ਐਂਡ ਪਾਰਟਸ ਮੈਨੂਫੈਕਚ੍ਰਰਜ਼ ਐਸੋਸਿਏਸ਼ਨ ਦੇ ਮੈਂਬਰਾਂ ਵਲੋਂ ਤਿਆਰ ਸਾਇਕਲ ਪਾਰਟਸ ਦਾ ਪ੍ਰਚਾਰ ਵਿਸ਼ਵ ਪੱਧਰ ਤੱਕ ਕਰਾਂਗੇ – ਵਿਸ਼ਵਕਰਮਾਂ
ਰਿਪੋਰਟ – ਸੋਨੂੰ ਮੱਕੜ
ਯੂਨਾਈਟਿਡ ਸਾਇਕਲ ਐਂਡ ਪਾਰਟਸ ਮੈਨੂਫੈਕਚ੍ਰਰਜ਼ ਐਸੋਸਿਏਸ਼ਨ ਦੀਆਂ ਚੋਣਾਂ ਲੜ ਰਹੇ ਅਵਤਾਰ ਸਿੰਘ ਭੋਗਲ ਅਤੇ ਉਹਨਾਂ ਦੀ ਟੀਮ ਨੇ ਸਾਇਕਲ ਸਨਅਤਕਾਰਾਂ ਭਰੋਸਾ ਦੇਂਦਿਆਂ ਕਿਹਾ ਕਿ ਉਹ ਸਾਇਕਲ ਪਾਰਟਸ ਦੇ ਉਤਪਾਦਨ ਵਿੱਚ ਸੁਧਾਰ ਕਰਨ ਲਈ ਮੈਂਬਰਾਂ ਨੂੰ ਨਵੀਨ ਤਕਨੀਕ ਨਾਲ ਜੋੜਣ ਲਈ ਕੰਮ ਕਰਨਗੇ ਅਤੇ ਤਿਆਰ ਉਤਪਾਦਨ ਦੀ ਵਿਕਰੀ ਵਾਸਤੇ ਵਿਸ਼ੇਸ਼ ਨੀਤੀਆਂ ਤਿਆਰ ਕੀਤੀਆਂ ਜਾਣਗੀਆਂ। ਯੂਨਾਈਟਿਡ ਅਲਾਇੰਸ ਦੇ ਮੁੱਖ ਬੁਲਾਰੇ ਚਰਨਜੀਤ ਸਿੰਘ ਵਿਸ਼ਵਕਰਮਾਂ ਨੇ ਕਿਹਾ ਕਿ ਯੂਨਾਈਟਿਡ ਸਾਇਕਲ ਐਂਡ ਪਾਰਟਸ ਮੈਨੂਫੈਕਚ੍ਰਰਜ਼ ਐਸੋਸਿਏਸ਼ਨ ਦੇ ਮੈਂਬਰਾਂ ਵਲੋਂ ਤਿਆਰ ਉਤਪਾਦਨ ਦਾ ਵਿਸ਼ਵ ਪੱਧਰ ਤੱਕ ਕਰਾਂਗੇ ਪ੍ਰਚਾਰ ਜਿਸ ਨਾਲ ਸਾਇਕਲ ਸਪੇਅਰ ਪਾਰਟਸ ਦੀ ਵਿਕਰੀ ਵਿੱਚ ਤੇਜ਼ੀ ਆਵੇਗੀ। ਉਹਨਾਂ ਕਿਹਾ ਕਿ ਪ੍ਰਧਾਨਗੀ ਦੇ ਉਮੀਦਵਾਰ ਅਵਤਾਰ ਸਿੰਘ ਭੋਗਲ ਅਤੇ ਉਹਨਾਂ ਦੇ ਨਾਲ ਬਾਕੀ ਅਹੁਦੇਦਾਰ ਸੀਨੀਅਰ ਮੀਤ ਪ੍ਰਧਾਨ ਗੁਰਚਰਨ ਸਿੰਘ ਜੈਮਕੋ , ਮੀਤ ਪ੍ਰਧਾਨ ਸਤਨਾਮ ਸਿੰਘ ਮੱਕੜ , ਜਨਰਲ ਸਕੱਤਰ ਮਨਜਿੰਦਰ ਸਿੰਘ ਸਚਦੇਵਾ , ਸਕੱਤਰ ਰੂਪਕ ਸੂਦ (ਸਪੁੱਤਰ ਸ਼੍ਰੀ ਜੀਵਨ ਸੂਦ ) , ਜੁਆਇੰਟ ਸਕੱਤਰ ਵਲੈਤੀ ਰਾਮ ਦੁਰਗਾ , ਪ੍ਰਾਪੇਗੰਡਾ ਸਕੱਤਰ ਰਾਜਿੰਦਰ ਸਿੰਘ ਸਰਹਾਲੀ ਅਤੇ ਵਿੱਤ ਸਕੱਤਰ ਅੱਛਰੂ ਰਾਮ ਗੁਪਤਾ ਨੂੰ ਮੈਂਬਰਾਂ ਵਲੋਂ ਵੱਡੇ ਪੱਧਰ ਤੇ ਪਿਆਰ ਅਤੇ ਅਸ਼ੀਰਵਾਦ ਮਿਲ ਰਹੀ ਹੈ ਜਿਸ ਸਦਕਾ ਅਵਤਾਰ ਸਿੰਘ ਭੋਗਲ ਸਮੇਤ ਸਾਰੀ ਟੀਮ ਭਾਰੀ ਬਹੁਮਤ ਨਾਲ ਜਿੱਤ ਪ੍ਰਾਪਤ ਕਰੇਗੀ।
