ਵਿਸ਼ਵ ਸਿਹਤ ਸੰਗਠਨ ਨੇ ਕੀਤਾ ਸੁਚੇਤ – ਡੇਲਟਾ ਵਾਇਰਸ ਹੁਣ ਤਕ ਸਾਰੇ ਰੂਪਾਂ ਵਿਚੋਂ ਸਭ ਤੋਂ ਵੱਧ ਛੂਤ ਵਾਲਾ – ਅਮੀਰ ਦੇਸ਼ਾਂ ਨੂੰ ਕੀਤੀ ਅਪੀਲ – ਵੇਖੋ ਵੀਡੀਓ
ਨਿਊਜ਼ ਪੰਜਾਬ
ਵਿਸ਼ਵ ਸਿਹਤ ਸੰਗਠਨ (ਡਬਲਯੂਐਚਓ) ਦੇ ਡਾਇਰੈਕਟਰ-ਜਨਰਲ ਟੇਡਰੋਸ ਅਡਾਨੋਮ ਗੇਬੈਰਿਯਸੁਸ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਭਾਰਤ ਵਿੱਚ ਸਭ ਤੋਂ ਪਹਿਲਾਂ ਪਹਿਚਾਣਿਆ ਗਿਆ ਡੇਲਟਾ ਵਾਇਰਸ ਹੁਣ ਤੱਕ ਦੀ ਪਛਾਣ ਕੀਤੀ ਗਈ ਕੋਵਿਡ -19 (ਕੋਰੋਨਾਵਾਇਰਸ) ਦੇ ਸਾਰੇ ਰੂਪਾਂ ਵਿੱਚ ਸਭ ਤੋਂ ਵੱਧ ਛੂਤ ਵਾਲਾ ਪਾਇਆ ਗਿਆ ਹੈ। ਇਸ ਦੇ ਨਾਲ ਹੀ, ਉਸਨੇ ਅਮੀਰ ਦੇਸ਼ਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਕੋਰੋਨਾ ਟੀਕਿਆਂ ਦੀ ਵੰਡ ਵਿੱਚ ਏਡਜ਼ ਅਤੇ ਸਵਾਈਨ ਫਲੂ ਦੌਰਾਨ ਹੋਈ ਗਲਤੀ ਨੂੰ ਦੁਹਰਾਉਣ ਨਾ।
ਇੱਕ ਪ੍ਰੈਸ ਕਾਨਫਰੰਸ ਵਿੱਚ, WHO ਦੇ ਡਾਇਰੈਕਟਰ-ਜਨਰਲ ਨੇ 85 ਦੇਸ਼ਾਂ ਵਿੱਚ ਡੈਲਟਾ ਵਾਇਰਸ ਦੀ ਪਹੁੰਚ ਬਾਰੇ ਸਾਵਧਾਨ ਕਰਦਿਆਂ ਕਿਹਾ ਕਿ ਇਹ ਪਿਛਲੇ ਦੋ ਹਫ਼ਤਿਆਂ ਵਿੱਚ 11 ਦੇਸ਼ਾਂ ਵਿੱਚ ਪਹੁੰਚ ਗਈ ਹੈ। ਉਸਨੇ ਕਿਹਾ ਕਿ ਗਰੀਬ ਦੇਸ਼ਾਂ ਵਿੱਚ ਟੀਕਿਆਂ ਦੀ ਘਾਟ ਨੇ ਡੈਲਟਾ ਵਾਇਰਸ ਦੇ ਫੈਲਣ ਵਿੱਚ ਤੇਜ਼ੀ ਲਿਆਂਦੀ ਹੈ।
ਉਹਨਾ ਟੀਕਾ ਅਲਾਟਮੈਂਟ ਲਈ ਇੱਕ ਸਲਾਹਕਾਰ ਸਮੂਹ ਦੀ ਇੱਕ ਤਾਜ਼ਾ ਮੀਟਿੰਗ ਵਿੱਚ ਸ਼ਾਮਲ ਹੋਣ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਉਹ ਸਾਰੇ ਨਿਰਾਸ਼ ਸਨ ਕਿਉਂਕਿ ਇਥੇ ਟੀਕੇ ਦੀ ਇੱਕ ਖੁਰਾਕ ਵੀ ਵੰਡ ਲਈ ਉਪਲਬਧ ਨਹੀਂ ਸੀ। ਉਸਨੇ ਵਿਕਾਸਸ਼ੀਲ ਦੇਸ਼ਾਂ ਨਾਲ ਟੀਕੇ ਦੀਆਂ ਖੁਰਾਕਾਂ ਦੀ ਤੁਰੰਤ ਵੰਡ ਨਾ ਕਰਨ ਲਈ ਅਮੀਰ ਦੇਸ਼ਾਂ ਦੀ ਅਲੋਚਨਾ ਕੀਤੀ।
“ਵਿਸ਼ਵਵਿਆਪੀ ਭਾਈਚਾਰਾ ਟੀਕੇ ਦੀ ਸਪਲਾਈ ਵਿਚ ਅਸਫਲ ਰਿਹਾ ਹੈ ਅਤੇ ਉਹੀ ਗਲਤੀ ਮੁੜ ਦੁਹਰਾਉਣ ਦਾ ਖ਼ਤਰਾ ਬਣ ਗਿਆ ਹੈ ਜੋ ਦਹਾਕਿਆਂ ਪਹਿਲਾਂ ਏਡਜ਼ (ਐਚਆਈਵੀ) ਸੰਕਟ ਅਤੇ 2009 ਦੇ ਸਵਾਈਨ ਫਲੂ ਮਹਾਂਮਾਰੀ ਦੇ ਦੌਰਾਨ ਹੋਇਆ ਸੀ,” । ਦੋਵੇਂ ਵਾਰੀ ਮਹਾਂਮਾਰੀ ਦਾ ਫੈਲਣ ਉਦੋਂ ਹੀ ਖਤਮ ਹੋਇਆ ਜਦੋਂ ਟੀਕੇ ਗਰੀਬ ਦੇਸ਼ਾਂ ਵਿੱਚ ਪਹੁੰਚੇ।
ਉਹਨਾ ਕਿਹਾ, ਐਂਟੀ-ਰੈਟਰੋ ਵਾਇਰਲ ਨੂੰ ਘੱਟ ਆਮਦਨੀ ਵਾਲੇ ਦੇਸ਼ਾਂ ਵਿੱਚ ਪਹੁੰਚਣ ਵਿੱਚ 10 ਸਾਲ ਲੱਗ ਗਏ, ਜਦੋਂ ਕਿ ਅਮੀਰ ਦੇਸ਼ਾਂ ਵਿੱਚ ਇਹ ਪਹਿਲਾਂ ਹੀ ਖਤਮ ਹੋ ਚੁੱਕਾ ਸੀ। ਉਹਨਾ ਪੁੱਛਿਆ, ਕੀ ਉਹ ਫਿਰ ਉਹੀ ਕੰਮ ਕਰਨਾ ਚਾਹੁੰਦੇ ਹਨ ?https://twitter.com/i/broadcasts/1MYxNmmRLYoJw
There's a lot of concern about the #COVID19 Delta variant – the most transmissible one identified so far. We must use tailored public health & social measures in combination with #VaccinEquity to stop the transmission.
It’s quite simple: less transmission, less variants. pic.twitter.com/u9ZnVIS2ej— Tedros Adhanom Ghebreyesus (@DrTedros) June 25, 2021