ਬਿੱਗ ਬੇਨ ਐਕਸਪੋਰਟ ਦੇ ਐਮ.ਡੀ. ਅੰਗਦ ਸਿੰਘ ਆਹੂਜਾ ਦਾ ਅੰਤਿਮ ਸਸਕਾਰ ਹੋਇਆ

ਲੁਧਿਆਣਾ, 9  ਅਕਤੂਬਰ (ਨਿਊਜ਼ ਪੰਜਾਬ)- ਬਿੱਗ ਬੇਨ ਐਕਸਪੋਰਟਸ ਦੇ ਪ੍ਰਬੰਧਕ ਨਿਰਦੇਸ਼ਕ, ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਸੰਯੁਕਤ ਸਕੱਤਰ ਤੇ ਫਿਕੋ ਯੰਗ ਲੀਡਰ  ਫ਼ੋਰਮ ਦੇ ਉਪ ਆਗੂ ਅੰਗਦ ਸਿੰਘ ਆਹੂਜਾ ਬਿੱਗ ਬੇਨ ਜਿਨ੍ਹਾਂ ਦਾ ਬੀਤੇ ਦਿਨੀ ਸੰਖੇਪ ਬਿਮਾਰੀ ਪਿੱਛੋਂ ਦਿਹਾਂਤ ਹੋ ਗਿਆ ਸੀ, ਦਾ ਅੰਤਿਮ ਸਸਕਾਰ ਅੱਜ ਮਾਡਲ ਟਾਊਨ ਐਕਸਟੈਨਸ਼ਨ ਦੇ ਸ਼ਮਸ਼ਾਨਘਾਟ ਵਿਖੇ ਕਰ ਦਿੱਤਾ ਗਿਆ ਹੈ, ਜਿਥੇ ਵੱਖ ਵੱਖ ਵਰਗਾਂ ਦੇ ਆਗੂ ਵੱਡੀ ਗਿਣਤੀ ਵਿਚ ਮੌਜੂਦ ਸਨ। ਸਵ: ਆਹੁਜਾ ਆਪਣੇ ਪਿੱਛੇ ਆਪਣੀ ਪਤਨੀ ਤੇ ਦੋ ਧੀਆਂ ਨੂੰ ਛੱਡ ਗਏ ਹਨ। ਸਵ: ਆਹੂਜਾ ਬਿੱਗ ਬੇਨ ਐਕਸਪੋਰਟਸ ਦੇ ਪ੍ਰਬੰਧਕ ਨਿਰਦੇਸ਼ਕ ਤੇਜਵਿੰਦਰ ਸਿੰਘ ਆਹੂਜਾ ਦੇ ਵੱਡੇ ਸਪੁੱਤਰ ਅਤੇ ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਪ੍ਰਧਾਨ ਤੇ ਨਿਊ ਸਵੈਨ ਸਮੂਹ ਦੇ ਸੀ.ਐਮ.ਡੀ. ਉਪਕਾਰ ਸਿੰਘ ਆਹੂਜਾ ਦੇ ਜਵਾਈ ਸਨ। ਸਵ.ਆਹੂਜਾ ਉਘੇ ਸਾਈਕਲਿਸਟ ਵੀ ਸਨ। ਇਸ ਮੌਕੇ ਮਹੇਸ਼ਇੰਦਰ ਸਿੰਘ ਗਰੇਵਾਲ, ਰਣਜੀਤ ਸਿੰਘ ਢਿੱਲੋਂ, ਡੀ ਐਸ ਚਾਵਲਾ, ਗੁਰਮੀਤ ਸਿੰਘ ਕੁਲਾਰ, ਚਰਨਜੀਤ ਸਿੰਘ ਵਿਸ਼ਵਕਰਮਾ, ਗੁਰਚਰਨ ਸਿੰਘ ਜੈਮਕੋ, ਆਰਡੀ ਸ਼ਰਮਾ, ਸਤਨਾਮ ਸਿੰਘ ਮੱਕੜ, ਵਲੈਤੀ ਰਾਮ ਦੁਰਗਾ, ਅਸ਼ਰੂ ਰਾਮ ਗੁਪਤਾ, ਜਸਵਿੰਦਰ ਸਿੰਘ ਠੁਕਰਾਲ, ਰਾਜਿੰਦਰ ਸਿੰਘ ਸਰਹਾਲੀ, ਅਸ਼ਵਨੀ ਗੋਇਲ, ਜੋਗਾ ਸਿੰਘ, ਤਰਲੋਚਨ ਸਿੰਘ ਮਠਾਰੂ ਸਮੇਤ ਵੱਖ-ਵੱਖ ਧਾਰਮਿਕ, ਰਾਜਨੀਤਿਕ, ਸਮਾਜਿਕ ਜਥੇਬੰਦੀਆਂ ਦੇ ਆਗੂ ਅਤੇ ਵੱਡੀ ਗਿਣਤੀ ਵਿੱਚ ਸਨਅਤਕਾਰ ਹਾਜ਼ਰ ਸਨ, ਜਿਨ੍ਹਾਂ ਨੇ ਸਵਰਗੀ ਆਹੂਜਾ ਦੇ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ।