ਬਿੱਗ ਬੇਨ ਐਕਸਪੋਰਟ ਦੇ ਐਮ.ਡੀ. ਅੰਗਦ ਸਿੰਘ ਆਹੂਜਾ ਦਾ ਦਿਹਾਂਤ, ਸਨਅਤਕਾਰਾਂ ਵਿੱਚ ਸੋਗ ਦੀ ਲਹਿਰ

ਲੁਧਿਆਣਾ, 8  ਅਕਤੂਬਰ (ਨਿਊਜ਼ ਪੰਜਾਬ)-ਬਿੱਗ ਬੇਨ ਐਕਸਪੋਰਟਸ ਦੇ ਪ੍ਰਬੰਧਕ ਨਿਰਦੇਸ਼ਕ, ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਸੰਯੁਕਤ ਸਕੱਤਰ ਤੇ ਫਿਕੋ ਯੰਗ ਲੀਡਰ ਫ਼ੋਰਮ ਦੇ ਉਪ ਆਗੂ ਅੰਗਦ ਸਿੰਘ ਆਹੂਜਾ ਬਿੱਗ ਬੇਨ ਦਾ ਅੱਜ ਸੰਖੇਪ ਬਿਮਾਰੀ ਪਿੱਛੋਂ ਦਿਹਾਂਤ ਹੋ ਗਿਆ। ਜਿੰਨਾਂ ਦਾ ਅੰਤਿਮ ਸਸਕਾਰ 9 ਅਕਤੂਬਰ ਨੂੰ ਦੁਪਹਿਰ 12.30 ਵਜੇ ਮਾਡਲ ਟਾਊਨ ਐਕਸਟੈਨਸ਼ਨ ਦੇ ਸ਼ਮਸ਼ਾਨਘਾਟ ਵਿਖੇ ਕੀਤਾ ਜਾਵੇਗਾ। ਸਵ: ਆਹੁਜਾ ਆਪਣੇ ਪਿੱਛੇ ਆਪਣੀ ਪਤਨੀ ਤੇ ਦੋ ਧੀਆਂ ਨੂੰ ਛੱਡ ਗਏ ਹਨ। ਸਵ: ਆਹੂਜਾ ਬਿੱਗ ਬੇਨ ਐਕਸਪੋਰਟਸ ਦੇ ਪ੍ਰਬੰਧਕ ਨਿਰਦੇਸ਼ਕ ਤੇਜਵਿੰਦਰ ਸਿੰਘ ਆਹੂਜਾ ਦੇ ਵੱਡੇ ਸਪੁੱਤਰ ਅਤੇ ਚੈਂਬਰ ਆਫ਼ ਇੰਡਸਟਰੀਅਲ ਐਂਡ ਕਮਰਸ਼ੀਅਲ ਅੰਡਰਟੇਕਿੰਗਸ (ਸੀਸੂ) ਦੇ ਪ੍ਰਧਾਨ ਤੇ ਨਿਊ ਸਵੈਨ ਸਮੂਹ ਦੇ ਸੀ.ਐਮ.ਡੀ. ਉਪਕਾਰ ਸਿੰਘ ਆਹੂਜਾ ਦੇ ਜਵਾਈ ਸਨ। ਸਵ.ਆਹੂਜਾ ਉਘੇ ਸਾਈਕਲਿਸਟ ਵੀ ਸਨ।