ਚੰਡੀਗੜ੍ਹ ਵਿੱਚ ਤਿੰਨ ਵਿਦਿਆਰਥਣਾਂ ਦੀ ਅੱਗ ਨਾਲ ਝੁਲਸਣ ਕਾਰਨ ਮੌਤ

ਚੰਡੀਗੜ੍ਹ, 22 ਫਰਵਰੀ (ਨਿਊਜ਼ ਪੰਜਾਬ ) – ਚੰਡੀਗੜ੍ਹ ਦੇ  ਸੈਕਟਰ 32  ਵਿਖੇ ਇਕ ਇਮਾਰਤ ਨੂੰ ਅੱਗ ਲੱਗਣ ਨਾਲ  3 ਲੜਕੀਆਂ ਦੀ  ਝੁਲਸਣ ਕਾਰਨ ਮੌਤ ਹੋ ਗਈ ਹੈ ਜਦੋਂ ਕਿ 2 ਗੰਭੀਰ ਜ਼ਖਮੀ ਹੋ ਗਈਆਂ ਹਨ। ਜਿਨ੍ਹਾਂ ਨੂੰ 32 ਸੈਕਟਰ ਦੇ ਇਕ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਘਰ ਨੂੰ ਪੀਜੀ ਵਜੋਂ ਵਰਤਿਆ ਜਾ ਰਿਹਾ ਸੀ , ਇਸ ਪੀ ਜੀ  ‘ਚ 30 ਦੇ ਕਰੀਬ  ਕੁੜੀਆਂ ਰਹਿੰਦੀਆਂ ਸਨ। ਇਹ ਕੁੜੀਆਂ ਇੱਕ ਹੀ ਕਮਰੇ ਵਿਚ ਰਹਿੰਦੀਆਂ ਸਨ। ਜਦੋਂ ਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ। ਅੱਗ ਬੁਝਾਊ ਗੱਡੀਆਂ ਨੇ ਮੌਕੇ ਉੱਤੇ ਆ ਕੇ ਅੱਗ ਉੱਤੇ ਕਾਬੂ ਪਾ ਲਿਆ ਹੈ। ਮਿਲੀ ਜਾਣਕਾਰੀ ਦੇ ਅਨੁਸਾਰ ਮ੍ਰਿਤਕ ਲੜਕੀਆਂ ਦੀ ਪਛਾਣ  ਰੀਆਂ ਉਮਰ 19 ਸਾਲ (ਕਪੂਰਥਲਾ ),ਪਰਾਖਸ਼ੀ ਗਰੋਵਰ 20 ਸਾਲ (ਕੋਟਕਪੂਰਾ ) ਇਹ ਦੋਨੋ ਐੱਸ ਡੀ ਕਾਲਜ ਸੈਕਟਰ 32 ਵਿਚ ਪੜ੍ਹਦੀਆ ਸਨ  ਅਤੇ ਮੁਸਕਾਨ 21 ਸਾਲ  (ਹਿਸਾਰ ) ਵਜੋਂ ਹੋਈ ਹੈ ਜੋ ਫਰੈਂਚ ਪੜ੍ਹ ਰਹੀ ਸੀ I